ଗାଁ ଦାଣ୍ଡରେ ରଥ ଗଡ଼ାଇଲେ ଜଗନ୍ନାଥଙ୍କ ଅନନ୍ୟ ଭକ୍ତ ଅଫତାଵ ହୁସେନ,ସାମିଲ ହେଲେ ଅବାଳବୃଦ୍ଧବନିତା
ବିଶ୍ୱ ଭୂଷଣ ମହାପାତ୍ର/ମମତା ମହାପାତ୍ରଙ୍କ ରିପୋର୍ଟ
ନୟାଗଡ଼,୨୨/୬ : କରୋନା ମହାମାରୀ ସମୟରେ ପୁରୀରେ ରଥଯାତ୍ରା ପାଇଁ ସୁପ୍ରିମକୋର୍ଟର ଦ୍ୱାରସ୍ତ ହୋଇଥିଲେ ଅଫତାଵ ।
ଗାଁ ଦାଣ୍ଡରେ ବେଶ ଉତ୍ସାହର ସହ ରଥ ଗଡ଼ାଇଛନ୍ତି ମୁସଲମାନ ଯୁବକ ଅଫତାଵ ହୁସେନ । ନୟାଗଡ଼ ଜିଲ୍ଲା ଇଟାମାଟିରେ ଗାଁର କୁନି କୁନି ପିଲା ଏବଂ ଗ୍ରାମବାସୀଙ୍କ ମିଳିତ ଉଦ୍ୟମରେ ରଥ ଗଢିଛି ।
ପୂଜାର୍ଚ୍ଚନା ପରେ ରଥାରୁଢ଼ ହୋଇଥିଲେ ଚତୁର୍ଥା ମୂର୍ତ୍ତି । ପରେ ଗାଁ ଦାଣ୍ଡରେ ରଥ ଗଢିଥିଲା । ଚତୁର୍ଥା ମୂର୍ତ୍ତିଙ୍କ ସମସ୍ତ ନୀତିକାନ୍ତି ଏବଂ ପୂଜାର୍ଚ୍ଚନା ସ୍ୱତନ୍ତ୍ର ଭାବରେ କରାଯାଇଥିଲା ।
କରୋନା ମହାମାରୀ ସମୟରେ ପୁରୀରେ ରଥଯାତ୍ରା କରିବାକୁ ସୁପ୍ରିମକୋର୍ଟର ଦ୍ୱାରସ୍ତ ହୋଇଥିଲେ ଏହି ମୁସଲମାନ ଯୁବକ ଅଫତାଵ । ମୁସଲମାନ ଯୁବକ ହୋଇ ମହାବାହୁଙ୍କ ପ୍ରତି ଅନାବିଳ ପ୍ରେମକୁ ସମସ୍ତେ ଦେଖିଥିଲେ । ସେବେ ଠାରୁ ସେ ଚର୍ଚ୍ଚିତ ହୋଇ ରହିଆସିଛନ୍ତି । ପ୍ରତିବର୍ଷ ରଥଯାତ୍ରା ସମୟରେ ନିଜ ଉଦ୍ୟମରେ ଛୋଟ ରଥ କରି ରଥଯାତ୍ରା କରିଆସୁଛନ୍ତି ।
ଶବକୁ କାନ୍ଧ ଦେଲେ ବ୍ଲକ ଅଧ୍ୟକ୍ଷ ଓ ସରପଞ୍ଚ
ନୟାଗଡ଼,୨୨/୬ : ମାନବିକତାର ପରିଚୟ ଦେଲେ ନୟାଗଡ଼ ବ୍ଲକ ଅଧ୍ୟକ୍ଷ କିଶୋର ଚନ୍ଦ୍ର ସାହୁ ଓ ସରପଞ୍ଚ ରବିନ୍ଦ୍ର ନାଥ ସାହୁଙ୍କ ସମେତ ୱାର୍ଡ ସଭ୍ୟ ସଭ୍ୟା । ଅଜଣା ରୋଗରେ ପିଡିତ ଥିବା ଜଣେ ବୃଦ୍ଧଙ୍କ ମୃତ୍ୟୁ ପରେ ଶବ ଉଠାଇବାକୁ କେହି ଆସିନଥିଲେ । ମୃତ ବୃଦ୍ଧଙ୍କ ପୁଅ ଦିବ୍ୟାଙ୍କ ହୋଇଥିବା ବେଳେ ତାଙ୍କୁ କେହି ସାହାର୍ୟ୍ୟ କରିବାକୁ ଆଗେଇ ଆସିନଥିଲେ । ବହୁ ସମୟ ଧରି ଶବ ପଡି ରହିବା ଖବରପାଇ ସ୍ଥାନୀୟ ସରପଞ୍ଚ ଓ ବ୍ଲକ ଅଧ୍ୟକ୍ଷ ପହଞ୍ଚିଥିଲେ। ନୟାଗଡ଼ ବ୍ଲକ ଚଣ୍ଡିବସ୍ତ ପଞ୍ଚାୟତ ଖମାରସାହି ଗ୍ରାମର ଭାଗବତ ଗୁରୁ ଅଜଣା ରୋଗରେ ପିଡିତ ଥିଲେ ।
ଆଜି ତାଙ୍କର ପରଲୋକ ଘଟିଥିଲା । ଶବ ଦାହ କରିବା ପାଇଁ ଲୋକମାନେ ସଙ୍କୋଚ ଅନୁଭବ କରିଥିଲେ । ଖବର ଶୁଣି ସ୍ଥାନୀୟ ସରପଞ୍ଚ ରବୀନ୍ଦ୍ର ନାଥ ସାହୁ ଓ ବ୍ଲକ ଅଧ୍ୟକ୍ଷ କିଶୋର ଚନ୍ଦ୍ର ସାହୁ ଉକ୍ତ ଗ୍ରାମରେ ପହଞ୍ଚି ଶବକୁ ନିଜ କାନ୍ଧରେ ନେଇଥିଲେ । ଏହା ପରେ ନିକଟସ୍ଥ ଶ୍ମଶାନରେ ଶବ ଦାହ କରିଥିଲେ ।
ଲୋକଙ୍କୁ ସଚେତନ କରାଇବା ସହ ନିଜେ ଶବ କାନ୍ଧରେ ନେଇ ଶବ ଦାହ କରିଥିବାରୁ ବ୍ଲକ ଅଧ୍ୟକ୍ଷ ନିଜେ ଖୁସି ବ୍ୟକ୍ତ କରିଛନ୍ତି ବୋଲି ପ୍ରକାଶ କରିଥିଲେ । ଅସମୟରେ ଅସହାୟକୁ ସାହଯ୍ୟର ହାତ ବଢ଼ାଇବା ମାନବିକତାର ପରିଚୟ ବୋଲି ସେ କହିଛନ୍ତି ।
