ନ୍ୟାସନାଲ ଇନସୁରାନ୍ସ ନୟାଗଡ଼ ଶାଖା ସ୍ଥାନାନ୍ତରିତକୁ ନୟାଗଡ଼ ବିଧାୟକଙ୍କ ବିରୋଧ
କିଶୋର ମହାପାତ୍ରଙ୍କ ରିପୋର୍ଟ
ନ୍ୟାସନାଲ ଇନସୁରାନ୍ସ କମ୍ପାନୀ ନୟାଗଡ ଶାଖା କାର୍ୟ୍ୟାଳୟ କୁ ଭୁବନେଶ୍ୱର କୁ ଉଠାଇ ନେବା ନିଷ୍ପତ୍ତି ଏକ ନିନ୍ଦନୀୟ ନିଷ୍ପତ୍ତି ବୋଲି ନୟାଗଡ ବିଧାୟକ ଡ ଅରୁଣ କୁମାର ସାହୁ ପ୍ରକାଶ କରିଛନ୍ତି। ଗତ ଜୁନ ମାସ ୩୦ ତାରିଖ ରେ କାର୍ୟ୍ୟାଳୟ କୁ ଉଠାଇ ନିଆଯିବ ବୋଲି ଭୁବନେଶ୍ବର କାର୍ୟ୍ୟାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଥିଲା।
କମ୍ପାନୀ କୁ ନୟାଗଡ଼ ରୁ ଉଠାଇ ନ ନିଆଯାଉ ବୋଲି କମ୍ପାନୀ ମୁଖ୍ୟ ଆଞ୍ଚଳିକ ପରିଚାଳକ ଙ୍କୁ ଚିଠି ଲେଖି ଜଣାଇଛନ୍ତି ବିଧାୟକ ଡ ସାହୁ। ଏହି କମ୍ପାନୀ ୧୯୮୭ ମସିହାରୁ କ୍ଷୁଦ୍ର ଜମା ପଲିସି , ଗାଡିମଟର ବୀମା, ସ୍ବାସ୍ଥ୍ୟ ବୀମା ଆଦି କ୍ଷେତ୍ରରେ ସେବା ଯୋଗାଇ ଆସୁଥିବା ଏବଂ ନୟାଗଡ଼ ଜନସାଧାରଣ ଙ୍କ ସେବା ରେ ଆସୁଥିବା ଏହି ଶାଖା କୁ ଭୁବନେଶ୍ୱର କୁ ଉଠାଇବା ଅପଚେଷ୍ଟା କରାନଯାଉ।
ବର୍ତ୍ତମାନ ଯାନବାହନ ବୀମା ବୃଦ୍ଧି ପାଇବା ସହ ଲାଭଦାୟକ ସ୍ଥିତ ରେ ଶାଖା ଚାଲିଥିବା ବେଳେ କେଉଁ ଆଳ ଦେଖାଇ ଶାଖା କୁ ଭୁବନେଶ୍ୱର ଉଠାଇ ନେବାକୁ ନିଷ୍ପତ୍ତି ନିଆଯାଇଛି ବୋଲି ବିଧାୟକ ଡ.ସାହୁ ଲେଖିବା ସହ ଜନସାଧାରଣ ଙ୍କ ସ୍ବାର୍ଥ ଦୃଷ୍ଟିରୁ ଏହି ଶାଖା ନୟାଗଡ ରେ ରହିବା ଆବଶ୍ୟକ ବୋଲି ପ୍ରକାଶ କରିଛନ୍ତି।
