ବୈପାରୀଗୁଡାରେ ମର୍ମନ୍ତୁଦ ଦୁର୍ଘଟଣା, ଭାରସାମ୍ୟ ହରାଇ ଗଛକୁ ପିଟିଲା କାର, ୩ ମୃତ
ବୈପାରୀଗୁଡ଼ା,୧୬/୫ : ଶୁକ୍ରବାର ସକାଳୁ ସକାଳୁ ଓଡ଼ିଶାରେ ଦୁଇଟି ପୃଥକ ସଡ଼କ ଦୁର୍ଘଟଣାରେ ଚାରି ଜଣଙ୍କର ମୃତ୍ୟୁ ଘଟିଛି। ପ୍ରଥମ ଘଟଣାଟି କୋରାପୁଟ ଜିଲା ବୈପାରୀଗୁଡ଼ା ଥାନା ଅଧୀନରେ ୩୨୬ ଜାତୀୟ ରାଜଥର ଗୌଡଗୁଦ ଛକ ନିକଟରେ ଘଟିଥିଲା, ଯେଉଁଥିରେ ତିନି ଜଣଙ୍କର ମୃତ୍ୟୁ ହୋଇଛି।
ଏହି ଘଟଣା ଘଟିଥିଲା ଯେତେବେଳେ ନୟାଗଡ଼ରୁ ମାଲକାନଗିରି ଯାଉଥିବା ଏକ କାର ଚାଳକ ନିୟନ୍ତ୍ରଣ ହରାଇବାରୁ ଗାଡି ରାସ୍ତା କଡରେ ଗଛରେ ଧକ୍କା ଦେଇଥିଲା। ଦୁର୍ଘଟଣା ସମୟରେ କାରରେ ଛଅ ଜଣ ଯାତ୍ରୀ ଥିଲେ। ସୂଚନା ଅନୁଯାୟୀ ସମସ୍ତେ ଗୋଟିଏ ପରିବାରର ହୋଇଥିଲା ବେଳେ ସମ୍ପର୍କୀୟ ଘରକୁ ବୁଲି ଆସୁଥିଲେ।
ଏହି ଦୁର୍ଘଟଣାରେ ୨ ମହିଳାଙ୍କ ସମେତ ତିନି ଜଣ ଯାତ୍ରୀଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ତିନି ଜଣ ଗୁରୁତର ଆହତ ହୋଇଛନ୍ତି। ଆହତମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି।
ବାଲେଶ୍ୱରରେ ମରଣାନ୍ତକ ହିଟ୍-ଆଣ୍ଡ୍-ରନ୍
ଅନ୍ୟପଟେ ବାଲେଶ୍ୱର ଜିଲାରେ ଏକ ପୃଥକ ଘଟଣାରେ, ଜଳେଶ୍ୱର ରାସ୍ତାର ବିନ୍ଧପଦ୍ମପୁର ନିକଟରେ ଜଣେ ଯୁବକଙ୍କୁ ଏକ ଅଜଣା ଗାଡ଼ି ଧକ୍କା ଦେବାରୁ ସେ ମୃତ୍ୟୁ ବରଣ କରିଛନ୍ତି। ତାଙ୍କ ମୃତଦେହ ରାସ୍ତା କଡ଼ରେ ମିଳିଥିଲା। ମେରାଇନ ପୋଲିସ ଏହି ଘଟଣାରେ ସମ୍ପୃକ୍ତ ଗାଡ଼ିକୁ ଚିହ୍ନଟ କରିବା ପାଇଁ ତଦନ୍ତ ଆରମ୍ଭ କରିଛି।
