ବୌଦ୍ଧ ଧନୁଯାତ୍ରାର ପଞ୍ଚମ ସଂନ୍ଧ୍ୟା, ପରିବେଷିତ ହେଲା ନାଟକ ରାସକୁଂଜେ ରସରାଜ
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ,୧୭/୧୨: ବୌଦ୍ଧ ଭୈରବୀ ପଡିଆଠାରେ ମଦନ ମୋହନ ନାଟ୍ୟ କଳାପରିଷଦ ପକ୍ଷରୁ ଆରମ୍ଭ ହୋଇଥିବା ଧନୁଯାତ୍ରା ନାଟ୍ୟୋତ୍ସବର ଶନିବାର ଥିଲା ପଞ୍ଚମ ସନ୍ଧ୍ୟା । ନାଟକ ପ୍ରାରମ୍ଭରୁ ଏକ ନୃତ୍ୟ ନାଟିକା ମାତୃରୁପେଣ ସଂସ୍ଥିତା ପରିବେଷିତ ହୋଇଥିଲା ।
ପଞ୍ଚମ ସଂନ୍ଧ୍ୟାରେ ନାଟକ ପରିବେଷଣ ହୋଇଥିଲା ରାସକୁଂଜେ ରସରାଜ । ଏହି ନାଟକରେ କୃଷ୍ଣ ରୋଗଣା ଗ୍ରସ୍ତରେ ପଡି ଥିବାରୁ ରାଧାଙ୍କର ସତୀତ୍ୱ ପ୬ମାଣ ପାଇଁ ବୈଦ୍ୟଙ୍କର କହିବା ଅନୁସାରେ ସହସ୍ର ଛିଦ୍ର ଥିବା ମାଠିଆରେ ଯମୁନା ନଦୀରୁ ପାଣି ଆଣି କୃଷ୍ଣଙ୍କର ମସ୍ତକରେ ଢାଳିଥିଲେ , କୃଷ୍ଣ ରୋଗ ଉପଶମ ହୋଇଥିଲେ । ତାପରେ ରାଇକିଶୋରୀ ଓ ରାଇ ଦରବାର ଆଦି ପର୍ଯ୍ୟନ୍ତ ପରିବେଷିତ ହୋଇଥିଲା ।
ଏହି ନାଟ୍ୟତ୍ସୋବରେ ସମସ୍ତ ନାଟକ ଗୁଡିକ ବୌଦ୍ଧଜିଲ୍ଲାର ଜଣାଶୁଣା ବରିଷ୍ଠ ନାଟ୍ୟକାର ହୃଦାନନ୍ଦ ମେହେରଙ୍କ ଦ୍ୱାରା ରଚିତ ହୋଇଥିବା ବେଳେ ଓ ଦେବାଙ୍ଗନ ମେହେରଙ୍କ ନିର୍ଦ୍ଦେଶନା ଦେଇଛନ୍ତି । ଭଗବାନ ଶ୍ରୀକୃଷ୍ଣଙ୍କ ଲୀଳା ବା ପୌରାଣିକ କଥାବସ୍ତୁକୁ ଯାତ୍ରା ନାଟକ ଶୈଳୀରେ ପ୍ରତିଦିନ ପରିବେଷଣ ହେଉଛି । ନାଟକ ଗୁଡିକୁ ଅନୁଷ୍ଠାନର କଳାକାର ମାନଙ୍କ ଦ୍ୱାରା ପରିବେଷିତ ହେଉଅଛି ଯାତ୍ରାକୁ ଅଧିକ ସରସ ସୁନ୍ଦର କରିବାକୁ ବାଣିଜ୍ୟମେଳାର ଆୟୋଜନ କରାଯାଇଛି । ଶୀତ ସନ୍ଧ୍ୟାରେ ମଧ୍ୟ ନାଟକ ଦେଖିବା ପାଇ ଲୋକଙ୍କ ଗହଳି ହେଉଥିବା ଦେଖିବାକୁ ମିଳିଛି ।
ଏସଟିଏଫ ଦ୍ୱାରା କଲରାପତରିଆ ବାଘ ଛାଲ ଜବତ, ଜଣେ ଗିରଫ
ବୌଦ୍ଧ,୧୭/୧୨: ବୌଦ୍ଧଜିଲ୍ଲାରେ ଅବାଧରେ ଚାଲିଛି ବନ୍ୟଜନ୍ତୁ ଶିକାର । ଜିଲ୍ଲାରେ ହାତୀ, ବାଘ, ଭାଲୁ ଭଳି ବନ୍ୟଜନ୍ତୁ ଶିକାର କରାଯାଉଛି । ଜିଲ୍ଲାରେ ଅବାଧରେ ବନ୍ୟଜନ୍ତୁ ଶିକାର ହେଉଥିଲେ ମଧ୍ୟ ବନ ବିଭାଗ ଏହାର ଟେର ପାଉନାହିଁ । ଫଳରେ ଜିଲ୍ଲାରେ ବନ୍ୟଜନ୍ତୁ ଶିକାର ବୃଦ୍ଧି ପାଇବାରେ ଲାଗିଛି । ଜିଲ୍ଲାର ଉପାନ୍ତ ଓ ସୀମାବର୍ତ୍ତି ଜଙ୍ଗଲରେ ବନ୍ୟଜନ୍ତୁ ଶିକାର ଅଧିକ ଭାବରେ ହେଉଥିବା ଅଭିଯୋଗ ହେଉଛି ।
ଜିଲ୍ଲାରେ ବନ୍ୟଜନ୍ତୁ ଙ୍କ ଚମଢା କାରବାର ହେଉଥିଲେ ମଧ୍ୟ ବନ ବିଭାଗ ଜାଣି ପାରୁନଥିବା ବେଳେ ଏସଟିଏଫ ଜିଲ୍ଲାରୁ ବନ୍ୟଜନ୍ତୁ ଛାଲ ଧରିବା ସହିତ ଅଭିଯୁକ୍ତମାନଙ୍କୁ ଧରିବାରେ ସଫଳ ହେଉଛି । ଏଭଳି ଘଟଣା ଜିଲ୍ଲାର ମନମୁଣ୍ଡା ଥାନା ମନମୁଣ୍ଡା- ଶଗଡା ରାସ୍ତାର ଦେଖିବାକୁ ମିଳିଛି । ଏସଟିଏଫ ଏକ କଲରାପତରିଆ ବାଘଛାଲ ସହିତ ଜଣେ ବ୍ୟକ୍ତିକୁ କାବୁ କରିବାରେ ସଫଲ ହୋଇଛି । ଏସଟିଏଫ ଦ୍ୱାର ଏକ କଲରାପତରିଆ ବାଘ ଛାଲ ଜବତ କରାଯାଇଥିବା ବେଳେ ଜଣକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ସୂଚନା ମତେ,ସ୍ପେସାଲ ଟ୍ରାକିଙ୍ଗ ଫୋର୍ସ ଏକ ବିଶେଷ ସୂତ୍ରରୁ ଜାଣିବାକୁ ପାଇଲେ ବାଘଛାଲ ଡିଲ ହେଉଛି ।
ବୌଦ୍ଧଜିଲ୍ଲା ମନମୁଣ୍ଡା ଥାନା ଅନ୍ତର୍ଗତ ମନମୁଣ୍ଡା-ଶଗଡା ରାସ୍ତାର ମେହେରୁଣି ପୋଲ ନିକଟରେ ଶୁକ୍ରବାର ସନ୍ଧ୍ୟାରେ ଏକ କଲରାପତରିଆ ବାଘଛାଲ ଡିଲ ଚାଲିଥିବା ସମୟରେ ଚଢଉ କରିଥିଲା । ସେଠାରୁ ଏକ କଲରାପତରିଆ ବାଘ ଛାଲ ସହିତ ଆଉ କିଛି ଜିନିଷକୁ ଜବତ କରିଥିଲା । ଏହି ଘଟଣାରେ ଏସଟିଏଫ ମନମୁଣ୍ଡା ଥାନା ପରିବନ୍ଧ ଗ୍ରାମର ନାରାୟଣ ମାଝୀ(୨୮)କୁ ଧରିଥିଲା ।
ତାକୁ ପଚରା ଉଚରା କରିବାରୁ ତାଠାରୁ କୌଣସି ସନ୍ତୋଷ ଜନକ ଉତ୍ତର ନ ମିଳିବାରୁ ବନ୍ୟଜନ୍ତୁ ସୁରକ୍ଷା ଆଇନ ଅନୁଯାଇ ତାକୁ ଗିରଫ କରି ଆଜି କଣ୍ଟାମାଳ ଜେଏମଏଫସି କୋର୍ଟକୁ ଚାଲାଣ କରାଯାଇଛି । ଅଭିଯୁକ୍ତ ଜଣକ ଶିକାରୀ ନା ବେପାରୀ ତାକୁ ନେଇ ବିଭାଗ ପକ୍ଷରୁ ତଦନ୍ତ ଚାଲିଛି । ଜବତ ବାଘଛାଲକୁ ପରୀକ୍ଷା ପାଇଁ ଡେରାଡୁନକୁ ପଠାଯିବ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି ।
ଭିନ୍ନ ଏକ ପରମ୍ପରା ମର୍ଜାକୁଦର ଚୁଡାଖାଇ ଯାତ୍ରା
ବୌଦ୍ଧ,୧୭/୧୨: ବୌଦ୍ଧର ଦ୍ୱୀପାଂଚଳ ଭାବରେ ପରିଚିତ ମର୍ଯ୍ୟାକୁଦ ଠାରେ ଭିନ୍ନ ଏକ ପରମ୍ପରାରେ ଚୂଡାଖାଇ ଯାତ୍ରା ମହାସାରୋହରେ ପାଳିତ ହୋଇଥାଏ । ଏହି ଯାତ୍ରାକୁ ଚୂଡାଖାଇ ଯାତ୍ରା ବା ସତୀକନ୍ୟା ଯାତ୍ରା ବୋଲି କୁହାଯାଏ । ପ୍ରତିବର୍ଷ ମାର୍ଗର୍ଶିର ମାସ ପୁର୍ଣ୍ଣିମା ଦିନ ଏହି ଯାତ୍ରା ପାଳିତ ହୋଇଥାଏ । ରବିବାର ଏହି ଯାତ୍ରା ପାଳିତ ହେବାକୁ ଯାଉଥିବା ବେଳେ ସମଗ୍ର ମର୍ଯ୍ୟାକୁଦ ଉତ୍ସବ ମୁଖର ହୋଇପଡିଛି ।
ଏହି ଯାତ୍ରାରେ ଅଶ୍ଳୀଳ ଗୀତ ଗାନ । ଅଶ୍ଳୀଳ ଗାନ ନ ବୋଲିଲେ ଗାଁରେ ଅମଙ୍ଗଳ ହୁଏ ଏଭଳି ଏକ ଧାର୍ମିକ ଭାବନା ରହିଆସିଅଛି । ପର୍ବଟି କାହିଁ କେଉଁ ଆବାହନ କାଳରୁ ଗାଁରେ ରହିଆସିଛି । ଗାଁର ଇଷ୍ଟଦେବୀ ହେଉଛନ୍ତି ମାଁ ସତୀ କନ୍ୟା । ମାଙ୍କ ନିକଟରେ ଗ୍ରାମର ନାରୀମାନେ ଏହି ଯାତ୍ରା ଦିନ ପୂଜା କରିବାର ପରମ୍ପରା ରହିଛି । ମାଁ ସତୀକନ୍ୟାଙ୍କ ପୂଜା ରିତୀନିତୀ ସଂର୍ମ୍ପୂଣ୍ଣ ସ୍ୱତନ୍ତ୍ର ଭାବରେ ପାଳନ କରାଯାଇଥିଏ । ମାଁ ଜଣେ କୁମାରୀ କନ୍ୟା ହୋଇଥିବା ହେତୁ ଏଠାରେ ନଡିଆ, ଉଖୁଡା, ଖିରି, ପିଠା, ସିନ୍ଦୁର, କଜ୍ଜଳ ସହିତ ମାଈ କୁକୁଡା ଏବଂ ମାଈ ଛେଳି ଭୋଗ ଲାଗି କରାଯାଇଥାଏ ।
ଯାତ୍ରା ଦିନ ଗ୍ରାମର ଛୋଟ ପିଲା ଠାରୁ ଆରମ୍ଭ କରି ଯୁବକ ଯୁବତୀ ଓ ବୃଦ୍ଧ ବୃଦ୍ଧା ଏକତ୍ରିତ ହୋଇ ଏକ ବିରାଟ ପଟୁଆରରେ ଗାଁ ପରିକ୍ରମା କରିଥାନ୍ତି । ଗ୍ରାମର ଦେହୁରୀଙ୍କ ଘରେ ବର୍ଷ ସାରା ପୂଜା ପାଇଆସୁଥିବା ବେଳେ ମାର୍ଗଶୀର ପୁର୍ଣ୍ଣମାରେ ମାଁ ସତୀକନ୍ୟାଙ୍କ ପୀଠରେ କେବଳ ଗୋଟିଏ ଦିନ ପୂଜା ଅନୁଷ୍ଠିତ ହୋଇଥାଏ । ଏହି ଅବସରରେ ବିଭିନ୍ନ ସ୍ଥାନରେ ସାଂସ୍କୃତିକ କାର୍ଯ୍ୟକ୍ରମମାନ ଆୟୋଜନ କରାଯାଇଥାଏ ।
ଏହି ଯାତ୍ରାକୁ ଦେଖିବା ପାଇଁ ହଜାର ହଜାର ଶ୍ରଦ୍ଧାଳୁଙ୍କ ଭିଡ ଜମି ଥାଏ । ପୁର୍ବରୁ ମର୍ଜାକୁଦକୁ ଡଙ୍ଗା ସାହାଯ୍ୟରେ ଯିବାକୁ ପଡୁଥିବା ବେଳେ ଏବେ ଉକ୍ତ ଦ୍ୱୀପକୁ ସେତୁ ନିର୍ମାଣ ହୋଇଥିବାରୁ ବହୁ ସଂଖ୍ୟରେ ଲୋକମାନେ ଯାତ୍ରା ଦେଖିବାକୁ ଆସିଥିବା ବେଳେ ପ୍ରବଳ ଭିଡ ପରିଲକ୍ଷିତ ହୋଇଥିଲା ।
