ଆଜି କଟକ ସହର କରୁଛି ଜାତିର ଜନକ ମହାତ୍ମା ଗାନ୍ଧିଙ୍କ ଆଗମନର ଶତବାର୍ଷିକି ଉତ୍ସବ
ଭୁବନେଶ୍ୱର, ୨୩/୩ : ଆଜି କଟକ ସହର କରୁଛି ଜାତିର ଜନକ ମହାତ୍ମା ଗାନ୍ଧିଙ୍କ ସହରକୁ ଆଗମନର ଶତବାର୍ଷିକି ଉତ୍ସବ । ଏଥିପାଇଁ ସହରରେ ଏକ ସ୍ବତନ୍ତ୍ର କାର୍ୟ୍ୟକ୍ରମର ଆୟୋଜନ କରାଯାଇଛି । କଟକ ରେଳଷ୍ଟେସନରୁ ବାପୁ ଯେଉଁ ବାଟ ଦେଇ କାଠଯୋଡ଼ି ନଦୀକୂଳରେ ପହଁଚି ସଭା କରିଥିଲେ ସେହି ବାଟ ଦେଇ ଏକ ବିଶାଳ ଶୋଭାଯାତ୍ରା ଯିବାର କାର୍ୟ୍ୟକ୍ରମ ରହିଛି । ଏହା ସହ ସେହି ସମୟରେ ଗାନ୍ଧୀଜି ବ୍ୟବହାର କରିଥିବା ବିଭିନ୍ନ ସାମଗ୍ରୀଗୁଡ଼ିକର ଫୋଟୋ ଚିତ୍ର ଗୁଡିକ ଏକ ପ୍ରଦର୍ଶନୀ ମଧ୍ୟ ଲଗାଯାଇଛି ।
୧୯୨୧ ମସିହା ମାର୍ଚ୍ଚ ମାସ ୨୩ ତାରିଖ ଦିନ ଓଡ଼ିଶା ଗ୍ରସ୍ତରେ ଆସିଥିବା ଜାତିର ପିତା ମହାତ୍ମା ଗାନ୍ଧୀ କାଠଯୋଡ଼ି ନଦୀ ପଠାରେ ଏକ ସଭାର ଆୟୋଜନ କରିଥିଲେ । ସେହି ଐତିହାସିକ ଦିନର ସ୍ମୁତିଚାରଣ କରିବା ପାଇଁ ଏକାଠି ହୋଇଛି ଐତିହାସିକ ସହର କଟକ । ଏନେଇ ମଙ୍ଗଳବାର କଟକ ସହରରେ ଏକ ସ୍ବତନ୍ତ୍ର ଉତ୍ସବର ଆୟୋଜନ କରାଯାଇଛି । ସ୍ବାଧୀନତା ସଂଗ୍ରାମର ସ୍ମୁତି ବହନ କରୁଥିବା ଦରଘାବଜାର ସ୍ଥିତ ପୁରୁଣା ଜେଲରେ ଏକ ପଟୋଚିତ୍ର ପ୍ରଦର୍ଶନୀର ଆୟୋଜନ କରାଯାଇଛି । ଏହା ସହ ଏହି ପ୍ରଦର୍ଶନୀରେ ପ୍ରଦର୍ଶିତ ହେଉଛି ଶହେ ବର୍ଷ ତଳେ ବାପୁ ବ୍ୟବହାର କରିଥିବା ବିଭିନ୍ନ ସାମଗ୍ରୀ ।ଏକ ବିଶାଳ ରାଲିର ଆୟୋଜନ କରାଯାଇଛି ।
କଟକ ଜିଲ୍ଲା ପ୍ରଶାସନ କଟକ ରେଳଷ୍ଟେସନରୁ ବାହାରି ଗାନ୍ଧି ସହରର ଯେଉଁ ବାଟ ଦେଇ କାଠଯୋଡ଼ି ନଦୀ ପଠା ପର୍ୟ୍ୟନ୍ତ ଯାଇଥିଲେ ସେହି ରାସ୍ତା ଦେଇ ଏକ ବିରାଟ ରାଲି ହେଉଛି । ଏଥିରେ ଗାନ୍ଧୀଜୀଙ୍କ ସ୍ମୁତି ଚାରଣ କରୁଥିବା ବିଭିନ୍ନ ପ୍ରକାର ପ୍ରତିକୃତି ବା ପ୍ରଜ୍ଞାପନ ମେଢ ମଧ୍ୟ ବାହାରିଛି । ଏହି ଶୋଭା ଯାତ୍ରାରେ ସ୍ବାଧୀନତା ସଂଗ୍ରୀମୀଙ୍କ ସହ କଟକ ସହରର ସାଧାରଣ ଲୋକେ ଓ ପୂଜା କମିଟି ଗୁଡ଼ିକ ମଧ୍ୟ ଭାଗ ନେଉଛନ୍ତି ।
– ଖବର ଓଡ଼ିଶା