ଆସ ଆମେ ଶପଥ ନେବା..
ସମୀକ୍ଷା ଦଳାଇ
କ୍ଲାସ୍ : ୫ (ଖ) ଡିଏଭି, ପବ୍ଲିକ ସ୍କୁଲ ଚନ୍ଦ୍ରଶେଖରପୁର, ଭୁବନେଶ୍ୱର !
ଖାଦ୍ୟ ପାଇଁ ଆମ କୃଷକ ଭାଇ,
ନିଇତି କ୍ଷେତରେ ଥାଏ
ସକାଳୁ ସଅଞ୍ଜ ପରିଶ୍ରମ କରି
ଖାଇବା ଆମକୁ ଦିଏ !
ଖାଦ୍ୟ ପାଇଁ ପରା ଭୋକିଲା ରୁହନ୍ତି
କେତେ କେତେ ପରିବାର,
ଛୋଟ ଶିଶୁମାନେ ଶ୍ରମିକ ଭାଇର
ହୋଇଯା’ନ୍ତି ଛାରଖାର !
ଖାଦ୍ୟ ପାଇଁ ପରା ସଂଗ୍ରାମ କରନ୍ତି,
କେତେ ଯେ ପଶୁପକ୍ଷୀ
ଖାଦ୍ୟ ଟିକ ପାଇଁ ଜୀବନ ହାରନ୍ତି
ଅନେକ ବଣୁଆ ହାତୀ !
ଖାଦ୍ୟ ପାଇଁ କିଏ ଭୋକରେ ମରେ ତ
କିଏ ଛାଡେ ଭିଟାମାଟି , ଭୋକିଲା ଜାଣେସେ,ବୁନ୍ଦାଏଖାଦ୍ୟର,
କେତେ ଯେ ଗୁରୁତ୍ବ ଅଛି !
ଖାଦ୍ୟ ପାଇଁ ଆମ ପଡୋଶୀ
ଦେଶରେ,ପଡ଼ୁଅଛି ହା ହା କାର,
ଏବେଠୁଁ ଆମେ ହେବାରେ ସଜାଗ, ଦେବାନି କେବେ ତା’ର ମୂଲ !
ଖାଦ୍ୟ ପାଇଁ ମାଆ ପରିଶ୍ରମ କରି
ଟିଫିନ୍ ମୋତେ ଦିଏ
ସ୍କୁଲ୍ ରେ ତାକୁ ନଷ୍ଟ ନ କରି
ସଭିଙ୍କୁ ବାଣ୍ଟି ଖାଏ !
ଖାଦ୍ୟ ପାଇଁ ନାହିଁ ଜାତି,ଧର୍ମ, ବର୍ଣ୍ଣ, ଏଠି
ସଂଭିଏ ଏକାଠି ହେବା,
ଭୋକିଲା ପେଟରେ ଖାଦ୍ୟ ଦେଇ ତାକୁ, ଆସରେ ହସାଇ ଦେବା,
ଆଉ, କଅଁଳ ହସରେ,
ଦୁନିଆ ଦେଖିବା ଏବେଠୁ ଶପଥ ନେବା !
ଖାଦ୍ୟ ଆମର ଅମୂଲ ମୂଲ,
ନଷ୍ଟ ନକରିବା କେବେ,
ଛୋଟ ଦାନା ଭାବି ଫିଙ୍ଗି ନ ଦେବା
ଶପଥ ନେବାରେ ଏବେ!
