ଗୋସୁରକ୍ଷା ନେଇ କର୍ମଶାଳା ଉଦଘାଟନ କଲେ ବିଧାୟକ ପ୍ରଦିପ କୁମାର ଅମାତ
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ,୧୭ା୧୦ : ବୌଦ୍ଧଜିଲ୍ଲା ହରଭଙ୍ଗା ବ୍ଲକ ଅନ୍ତର୍ଗତ ମଥୁରା ପଞ୍ଚାୟତର ଦନ୍ତାପାଲିସ୍ଥିତ ମାହେଶ୍ୱରୀ ଗୋଶାଳା ପରିସରରେ ଗ୍ରାମ୍ୟ ବିକାଶ ପରିଷଦ ପକ୍ଷରୁ ସାଲୁଙ୍କି କୃଷକ ଉତ୍ପାଦକ କମ୍ପାନୀ ସହାୟତାରେ ଓ ଶ୍ରୀଗୋବିଜ୍ଞାନ ଫାଉଣ୍ଡେସନ ଓଡ଼ିଶା ମାର୍ଗଦର୍ଶନରେ ଗୋସୁରକ୍ଷା ଓ ଗୋଆଧାରିତ ଜୀବିକା ଉପରେ ଏକ କର୍ମଶାଳା ରବିବାର ଦିନ ଅନୁଷ୍ଠିତ ହୋଇଯାଇଛି ।
ବାବା ଖଗେଶ୍ୱର ବାନପ୍ରସ୍ତିଙ୍କ ଦ୍ୱାରା ଗୋପୂଜନ,ଗୋସେବା,ଗୋବନ୍ଦନା ପରେ ଆୟୋଜିତ କର୍ମଶାଳାକୁ ମୁଖ୍ୟଅତିଥି ଭାବରେ ବିଧାୟକ ପ୍ରଦିପ କୁମାର ଅମାତ ଉଦଘାଟନ କରିଥିଲେ । ବିଧାୟକ ଶ୍ରୀଅମାତ ଗୋଶାଳାର ଭିତିଭୂମି ନିର୍ମାଣ ନିମନ୍ତେ ପୁର୍ଣ୍ଣ ସହଯୋଗ କରିବା ପାଇଁ ପ୍ରତିଶୃତି ଦେବା ସହିତ ଗୋମାତାର ସୁରକ୍ଷା ପାଇଁ କରାଯାଇଥିବା ଉଦ୍ୟମକୁ ପ୍ରଶଂସା କରିଥିଲେ । ନିର୍ଗୁଣ ମହାକୁଡଙ୍କ ଅଧ୍ୟକ୍ଷତାରେ ଆୟୋଜିତ କର୍ମଶାଳାରେ ସମ୍ପଦାକ କୃତିବାସ ପଲିଆ ,ଗୋଶାଳାର ଉପାଧ୍ୟକ୍ଷ ବୈଦ୍ୟ ହୃଷିକେଶ କ୍ଷେତି ,ସହସମ୍ପାଦିକା ସୁଷମା ଲଉରିଆ ପ୍ରମୁଖ ଅତିଥିମାନଙ୍କୁ ପୁଷ୍ପଗୁଛ ଓ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ ।
ମୁଖ୍ୟବକ୍ତା ଭାବରେ ବାବା ମଧୁସୁଦନ ଦାସ ଯୋଗଦେଇ ଗୋମାତାଙ୍କ ଉତ୍ପତି,ଗୋ ମାହାତ୍ମ୍ୟ ଓ ଗୋ ଆଧାରିତ ଜିବିକା ଉପରେ ବକ୍ତବ୍ୟ ରଖିଥିଲେ । ବୌଦ୍ଧଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସାଧିକାରୀ ଡା. ଅମିତାଭ ପଣ୍ଡା ଓ ପୁରୁୁଣାକଟକ ପ୍ରାଣୀ ଚିକିତ୍ସାଧିକାରୀ ଡା.ରୁଥ ଡୁଙ୍ଗ ଡୁଙ୍ଗ ଅନ୍ୟତମ ଅତିଥି ଭାବରେ ଯୋଗଦେଇ ଗୋଶାଳା ପରିଚାଳନାରେ ସରକାରୀ ସହାୟତା ଉପରେ ସୂଚନା ଦେଇଥିଲେ ।
କର୍ମଶାଳାର ମୁଖ୍ୟ ପ୍ରଶିକ୍ଷକ ଭାବରେ ସମାଜିକ କର୍ମୀ କେଦାରନାଥ ସାହୁ ଯୋଗଦେଇ ମହିଳା ସ୍ୱୟଂ ସହାୟିକା ଗୋଷ୍ଠୀ,ବେକାର ଯୁବକ ଯୁବତୀ,କୃଷିମିତ୍ର,ପ୍ରାଣୀମିତ୍ର ଓ ବୈଦ୍ୟମାନେ ଗୋପାଳନକୁ ଜିବିକା ଭାବରେ ଗ୍ରହଣ କଲେ ନିଜର ଅର୍ଥନିତି ସୁଦୃଢ ହେବା ସହିିତ ଗୋସୁରକ୍ଷା ହୋଇପାରିବ ବୋଲି ମତବ୍ୟକ୍ତ କରିଥିଲେ ।
କର୍ମଶାଳାରେ ସମ୍ମାନିତ ଅତିଥି ଭାବରେ ବାମଣ୍ଡା ସରପଞ୍ଚ ଲଳିତ ଥାଟି,ଖୁଣ୍ଟବନ୍ଧ ସମିତି ସଭ୍ୟ ଯୁଧିଷ୍ଠିର ବାରିକ,ସମାଜସେବୀ ହରି ମିଶ୍ର,ସମିତିସଭ୍ୟା ରୀତାଞ୍ଜଳୀ ମିଶ୍ର, ସାମ୍ବାଦିକ କମ୍ଭୁ କ୍ଷେତି,ଗୋସେବକ କାର୍ତ୍ତିକ ମହାକୁଡ,ଗୋ ଚିକିତ୍ସକ ଅଶୋକ ଶତପଥୀ,ବାବା କୁଞ୍ଜବନ ଓ ଭାଗ୍ୟଧର ମହାକୁଡ ପ୍ରମୁଖ ଯୋଗଦେଇଥିଲେ । କାର୍ଯ୍ୟକ୍ରମ ପରିଚାଳନାରେ ପପୁନ ଗାଈଗୌରିଆ,ଭାରତାପୁର ମାହେଶ୍ୱରୀ କ୍ଲବର ଯୁବ ସ୍ୱେଛାସେବୀମାନେ ସକ୍ରିୟ ସହଯୋଗ କରିଥିଲେ ଶେଷରେ କୋଷାଧ୍ୟକ୍ଷ ଉଦ୍ଧବ କଲତା ଧନ୍ୟବାଦ ପ୍ରଦାନ କରିଥିଲେ ।
ବୌଦ୍ଧବ୍ଲକ ସମବାୟ ସମିତି ସମ୍ପାଦକ ସଂଘ ଗଠିତ, ସଭାପତି ହେଲେ ଖୁଣ୍ଟବନ୍ଧ, ସମ୍ପାଦକ ଦେବାଶିଷ ମିଶ୍ର
ବୌଦ୍ଧ/ଜହ୍ନାପଙ୍କ,୧୭ା୧୦ : ବୌଦ୍ଧ ବ୍ଳକ ଓ ବୌଦ୍ଧ ଏନଏସି ଅନ୍ତର୍ଗତ ସମସ୍ତ ୧୪ ଗୋଟି ସେବା ସମବାୟ ସମିତିର ସମ୍ପାଦକଙ୍କୁ ନେଇ ବୌଦ୍ଧବ୍ଲକ ସମବାୟ ସମ୍ପାଦକ ସଂଘ ରବିବାର ଦିନ ଗଠିତ ହୋଇଯାଇଛି । ଐତିହାସିକ ଚାରିଶମ୍ଭୁ ମନ୍ଦିର ପରିସରରେ ଆୟୋଜିତ ବୈଠକରେ ସଂଘର ନୂତନ କର୍ମକର୍ତ୍ତା ମନୋନୟନ କରାଯାଇଥିଲା ।
ସଂଘର ସଭାପତି ଭାବରେ ଖୁଣ୍ଟବନ୍ଧ ସେବା ସମବାୟ ସମିତିର ସମ୍ପାଦକ ଦେବାଶିଷ ମିଶ୍ରଙ୍କୁ ମନୋନୀତ କରାଯାଇଥିବାବେଳେ ସମ୍ପାଦକ ଭାବରେ ମନୁପାଲି ସେବା ସମବାୟ ସମିତିର ସମ୍ପାଦକ ଯତୀନ ଶଙ୍କର ଭୋଇ ଓ କୋଷାଧ୍ୟକ୍ଷ ଭାବରେ ତେଲିବନ୍ଧ ସେବା ସମବାୟ ସମିତିର ସମ୍ପାଦକ ସୀତାରାମ ମେହେରଙ୍କୁ ସର୍ବସମ୍ମତିକ୍ରମେ ମନୋନୀତ କରାଯାଇଥିଲା । ସମବାୟ ସମିତିର ସମ୍ପାଦକମାନଙ୍କ ମଧ୍ୟରେ ସମନ୍ୱୟ ରକ୍ଷା କରିବା ସହ ସମବାୟର ବିକାଶ ଦିଗରେ ସଂଘ କାର୍ଯ୍ୟ କରିବ ବୋଲି ବୈଠକରେ ଆଲୋଚନା କରାଯାଇଥିଲା ।
ସାମ୍ବାଦିକ କୁନା ବେହରାଙ୍କ ଭାତୃ ବିୟୋଗ
ବୌଦ୍ଧ,୧୭ା୧୦: ବୌଦ୍ଧ ଜିଲ୍ଲା ହରଭଙ୍ଗା ବ୍ଳକର ତଳଗାଁର ସାମ୍ବାଦିକ କୁନା ବେହରାଙ୍କ ଭାଇ ଅନିରୁଦ୍ଧ ବେହେରାଙ୍କ ରବିବାର ଦିନ ଅକାଳ ବିୟୋଗ ଘଟିଛି । ମୃତ୍ୟୁ ବେଳକୁ ତାଙ୍କୁ ମାତ୍ର ୪୭ ବର୍ଷ ହୋଇଥିଲା । ସମ୍ବାଦିକ ଶ୍ରୀ ବେହେରାଙ୍କ ଭାଇ ବନ ବିଭାଗରେ ୱାଚର ଭାବେ କାର୍ଯ୍ୟ କରିଆସୁଥିଲେ । କିନ୍ତୁ ପ୍ରାୟ ୪ ମାସ ତଳେ କରୋନା ଦ୍ୱାରା ସଂକ୍ରମିତ ହୋଇ ସୁସ୍ଥ ହୋଇଥିଲେ । କରୋନାରୁ ଭଲ ହେବା ପରେ ସେ ବିଭିନ୍ନ ସମୟରେ ଅସୁସ୍ଥ ଓ ଦୁର୍ବଳ ଅନୁଭବ କରୁଥିଲେ । କିନ୍ତୁ ଶିନିବାର ଦିନ ହଠାତ ତାଙ୍କର ମଧୁମେହ ଓ ଉକ୍ତରକ୍ତ ଚାପ ବଢିଯାଇଥିବା ସହ ବାନ୍ତି ହୋଇ ଗୁରୁତର ଅସୁସ୍ଥ ହୋଇପଡିଥିଲେ । ପରିବାର ଲୋକ ଡାକ୍ତରଙ୍କ ପରାମର୍ଶକ୍ରମେ ତାଙ୍କୁ ଔଷଧ ଦେଇଥିଲେ । କିନ୍ତୁ ରବିବାର ଦିନ ୧୧ ଟା ସମୟରେ ତାଙ୍କର ମୃତ୍ୟୁ ହୋଇଯାଇଥିଲା । ତାଙ୍କର ଶେଷ କୃତ୍ୟୁ ଗାଁ ଶ୍ମସାନରେ କରାଯାଇଥିବା ଜଣାପଡିଛି । ଅନିରୁଦ୍ଧ ଦୀର୍ଘ ୨୫ ବର୍ଷ ହେବ ବନ ବଭାଗରେ ୱାଚର ଭାବେ କାର୍ଯ୍ୟ କରି ଆସୁଥିଲେ ଓ ଅବିବାହିତ ଥିଲେ । ସେ ଜଣେ ମେଳାପି, ଭଦ୍ର,ଆମାୟିକ ବ୍ୟକ୍ତି ଥିଲେ । ତାଙ୍କର ମୃତ୍ୟୁରେ ତଳଗାଁ ଅଞ୍ଚଳେ ଶୋକର ଛାୟା ଖେଳିଯାଇଛି ।