ନୀରଜଙ୍କୁ ଶୁଭେଚ୍ଛା ଜଣାଇଲେ ଓଡିଶା ଇଂଜିନିୟର ସଂଘର ସଭାପତି ତାରାପ୍ରସାଦ
![ନୀରଜଙ୍କୁ ଶୁଭେଚ୍ଛା ଜଣାଇଲେ ଓଡିଶା ଇଂଜିନିୟର ସଂଘର ସଭାପତି ତାରାପ୍ରସାଦ](http://indusvalleytimes.com/news/wp-content/uploads/2021/08/at--680x365_c.jpg)
August 07
20:27
2021
ଯାଜପୁର, ୭/୮ : ଟୋକିଓ ଅଲିମ୍ପିକ୍ସ ୨୦୨୦ ର ୧୫ ତମ ଦିନ ଭାରତ ପାଇଁ ଏକ ଐତିହାସିକ ଦିନ । ଜାଭେଲିନ୍ ଥ୍ରୋରେ ନୀରଜ ଚୋପ୍ରା ଭାରତ ପାଇଁ ପ୍ରଥମ ଥର ସ୍ୱର୍ଣ୍ଣ ପଦକ ଆଣିଛନ୍ତି । ନୀରଜ ଆଥଲେଟିକ୍ସରେ ୧୦୦ ବର୍ଷର ଇତିହାସକୁ ମଧ୍ୟ ବଦଳାଇଛନ୍ତି । ୧୦୦ ବର୍ଷ ପରେ ଆଥଲେଟିକ୍ସରେ ଭାରତ ପ୍ରଥମ ଥର ଅଲିମ୍ପିକ୍ ପଦକ ପାଇଛି । ଏହା ସହ ଭାରତକୁ ଅଲିମ୍ପିକରେ ସପ୍ତମ ପଦକ ହାସଲ ହୋଇଛି ।
ସେପଟେ, ଅଲିମ୍ପିକରେ ସ୍ୱର୍ଣ୍ଣ ପଦକ ଜିତିବା ପରେ ନୀରଜଙ୍କୁ ଛୁଟିଛି ଶୁଭେଚ୍ଛାର ସୁଅ । ମୁଖ୍ୟମନ୍ତ୍ରୀଙ୍କ ଠାରୁ ଆରମ୍ଭ କରି ପ୍ରଧାନମନ୍ତ୍ରୀଙ୍କ ପର୍ଯ୍ୟନ୍ତ ସମସ୍ତେ ତାଙ୍କୁ ଶୁଭେଚ୍ଛା ଜଣାଇଛନ୍ତି । ଏହି ପରିପ୍ରେକ୍ଷୀରେ ଓଡିଶା ଇଂଜିନିୟର ସଂଘର ସଭାପତି ତାରାପ୍ରସାଦ ମିଶ୍ର ନୀରଜକୁ ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି ଏହା ଆମ ସମସ୍ତଙ୍କ ପାଇଁ ଗର୍ବ ଓ ଗୌରବର ବିଷୟ । ସେ ଆମର ହିରୋ । ଏହା ସହ ସମସ୍ତ ଭାରତୀୟ ଅଲିମ୍ପିକ ଖେଳାଳୀଙ୍କୁ ମଧ୍ୟ ଶୁଭେଚ୍ଛା ଜଣାଇଛନ୍ତି ।