ନୟାଗଡ଼ ମୁନିସିପାଲଟି ଗାଡ଼ିର ଅପବ୍ୟବହାର ଅଭିଯୋଗ ଆଣିଲେ କଂଗ୍ରେସ ସଭାପତି
July 02
21:20
2021
କିଶୋର ମହାପାତ୍ରଙ୍କ ରିପୋର୍ଟ
ନୟାଗଡ଼, ୨/୭ : ନୟାଗଡ ମୁନିସିପାଲିଟିରେ ଦୀର୍ଘ ବର୍ଷ ଧରି ନିର୍ବାଚିତ କାଉନସିଲ ବଡି ନଥିବା ଯୋଗୁଁ ଏହି ସଂସ୍ଥାରେ ଏବେ ମନମାନି ବଢ଼ିବଢ଼ି ଚାଲିଛି ।କୋଭିଡ ପରିଚାଳନା ପାଇଁ ନୟାଗଡ ମୁନିସିପାଲିଟିରେ ଆୟୁଷ ଡାକ୍ତର ମାନଙ୍କ ପାଇଁ ୫ ଗୋଟି ବୋଲେରୋ ଗାଡି ଭଡାସୂତ୍ରେ ଲାଗିଛି । ଏବେ ନୟାଗଡ ପୌରାଞ୍ଚଳରେ କୋଭିଡ ପଜିଟିଭ ସଂଖ୍ୟା କମିକମି ଯାଇଥିବାରୁ ଏଠାରେ କୋଭିଡ ପାଇଁ ନିୟୋଜିତ ଥିବା ସମସ୍ତ ଆୟୁଷ ଡାକ୍ତର ମାନଙ୍କୁ ରାଜ୍ୟ ସରକାର ସେମାନଙ୍କ ପୂର୍ବ କାର୍ଯ୍ୟସ୍ଥଳକୁ ଆଜିକୁ ୧୫ ଦିନ ପୂର୍ବରୁ ଫେରାଇ ନେଇ ସାରିଲେଣି କିନ୍ତୁ ପୂର୍ବବତ ସେହି ବୋଲେରୋ ଗୁଡିକୁ କୋଭିଡ ଡ୍ୟୁଟି ଦେଖାଯାଇ ମୁନିସିପାଲିଟିର ବିଭିନ୍ନ ଅଧିକାରୀଙ୍କ ବ୍ୟକ୍ତିଗତ କାର୍ଯ୍ୟରେ ଲଗାଯାଇ ଗାଡି ଭଡା ସହ ଦିନକୁ ଶହଶହ ଲିଟର ଡିଜେଲ ବାରବାଦ କରାଯାଉଛି । କୋଭିଡ ପରିଚାଳନା ନାଁରେ ଜନସାଧାରଣଙ୍କ ଟିକସ ଟଙ୍କାର ଅପବ୍ୟୟ ହେଉଥିଲାବେଳ ଏଥିପ୍ରତି ମୁନିସିପାଲିଟି ପ୍ରଶକ୍ଷଶିକା ତଥା ଜିଲ୍ଲାପାଳ ଙ୍କ ମଧ୍ୟ ଅଙ୍କୁଶ ଲାଗୁ ନଥିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ଜିଲ୍ଲା କଂଗ୍ରେସ ସଭାପତି ଆଇନଜୀବି ରଣଜିତ ଦାଶ ଅଭିଯୋଗ କରିଛନ୍ତି ଏବଂ ତୁରନ୍ତ ଅପବ୍ୟୟ ରୋକିବା ପାଇଁ ଗାଡିଗୁଡିକ ପ୍ରତ୍ୟାହାର କରାଯାଉ । ଆଜି ସରକାରୀ କାର୍ଯ୍ୟଦିବସ ନୟାଗଡ ମୁନିସିପାଲିଟିର ମାରୁତି ଏର୍ଟିଗା କାର ଜିଲ୍ଲାପାଳଙ୍କ ସମ୍ପର୍କୀୟଙ୍କୁ ନେଇ ଗଣିଆରୁ ସତକୋଶିଆ ଅଭୟକ୍ଷଅରଣ୍ୟ ଆଡେ ଯାଇଥିବାର ଜଣାଯାଇଛି ଯାହାକି ତଦନ୍ତ ସାପେକ୍ଷ ବୋଲି ଜିଲ୍ଲା କଂଗ୍ରେସ ପକ୍ଷରୁ କୁହାଯାଇଛି । ମୁନିସିପାଲିଟିରେ କୋଭିଡ ଡ୍ୟୁଟିରେ ଲାଗିଥିବା ବୋଲେରୋ ଗାଡି ତତ ସହ ଡିଜେଲର ଅପ ବ୍ୟବହାର ବନ୍ଦ କରାଯାଉ ।