ପୂର୍ଣ୍ଣକାଳୀନ ଅଧ୍ୟକ୍ଷ ଦାବି କରୁଥିବା ଅସନ୍ତୁଷ୍ଟ ନେତାଙ୍କୁ କଡ଼ା ଜବାବ ଦେଲେ ସୋନିଆ
ନୂଆଦିଲ୍ଲୀ,୧୬/୧୦: ଜାତୀୟ କଂଗ୍ରେସର କନ୍ଧଳ ମଧ୍ୟରେ ନୂଆ ଦିଲ୍ଲୀ ସ୍ଥିତ କଂଗ୍ରେସ ମୁଖ୍ୟାଳୟରେ ସୋନିଆଗାନ୍ଧିଙ୍କ ଅଧ୍ୟକ୍ଷତାରେ କଂଗ୍ରେସ ୱାର୍କିଂ କମିଟି (ସିଡବ୍ଳ୍ୟୁସି) ବୈଠକ ଅନୁଷ୍ଠିତ ହୋଇଛି । ପୂର୍ଣ୍ଣକାଳୀନ ଅଧ୍ୟକ୍ଷ ଦାବି କରୁଥିବା ଅସନ୍ତୁଷ୍ଟ ନେତାଙ୍କୁ କଡ଼ା ସମାଲୋଚନା କରିବା ସହ ମୁଁ କଂଗ୍ରେସର ଫୁଲ ଟାଇମ୍ ଅଧ୍ୟକ୍ଷ ବୋଲି କହିଛନ୍ତି । କଂଗ୍ରେସର ଅଧ୍ୟକ୍ଷ ତଥା ସାଂଗଠନିକ ନିର୍ବାଚନକୁ ଦୃଷ୍ଟିରେ ରଖି ସୋନିଆ ଗାନ୍ଧି ପ୍ରାରମ୍ଭିକ ଉଦବୋଧନରେ କହିଛନ୍ତି କଂଗ୍ରେସର ପ୍ରତ୍ୟେକ ସଦସ୍ୟ ଦଳର ପୁନର୍ଜିବନ ଚାହୁଁଛନ୍ତି । ତେବେ ଏଥିପାଇଁ ଦଳର ଏକତା ତଥା ସ୍ୱାର୍ଥ ପାଇଁ ସର୍ବୋପରି ଏକାଠି ହେବା ଆବଶ୍ୟକ । ଏଥିପାଇଁ ସେ ଦଳର ନେତାଙ୍କୁ ଆତ୍ମନିୟନ୍ତ୍ରଣ ଓ ଆନୁଶାସନରେ ରହିବାକୁ ପରାମର୍ଶ ଦେଇଛନ୍ତି ।
ବୈଠକରେ ବିଦ୍ରୋହି ନେତା ସମୂହ ତଥା ଜି-୨୩କୁ ପରୋକ୍ଷରେ ସମାଲୋଚନା କରିଛନ୍ତି ସୋନିଆ ଗାନ୍ଧି । ମୁଁ ପୁର୍ଣ୍ଣକାଳୀନ ତଥା କଂଗ୍ରେସର ସଭାପତି । ଗଣମାଧ୍ୟମରେ ମୋ ସହିତ କଥାବର୍ତ୍ତା କରିବାର କୌଣସି ଆବଶ୍ୟକତା ନାହିଁ । ସମସ୍ତେ ମିଳିମିଶି ଆଲୋଚନା କରିବା, ଲୁଚାଛପାରେ ସମାଧାନ ମିଳିବ ନାହିଁ । ସାଂଗଠନିକ ନିର୍ବାଚନ ଏବଂ ଅଧ୍ୟକ୍ଷ ନିର୍ବାଚନ ସଂମ୍ପର୍କରେ ସୋନିଆ ଗାନ୍ଧି କହିଛନ୍ତି, ନିୟମିତ କଂଗ୍ରେସ ମୁଖ୍ୟଙ୍କ ପାଇଁ ଜୁନ୍ ୩୦ ସୁଧ୍ୟା ରୋଡ଼ ମ୍ୟାପ ଶେଷ ହୋଇଥିଲା । କିନ୍ତୁ କରୋନାର ଦ୍ୱିତୀୟ ଲହର ଯୋଗୁଁ ସମୟସୀମା ଅନିର୍ଦ୍ଦିଷ୍ଟ କାଳ ପାଇଁ ବୃଦ୍ଧି କରାଯାଇଥିଲା । ଆଜି ସବୁଦିଗ ପାଇଁ ଆଲୋଚନା ମାଧ୍ୟମରେ ସ୍ପଷ୍ଟତା ଆଣିବାର ଏକ ସୁଯୋଗ ଦେଇଛି ।
ସେହିପରି ଲଖିମପୁର ଖେରି ହିଂସା ଘଟଣା ଉପରେ ମଧ୍ୟ ବିଜେପିକୁ ଆଲୋଚନା କରିଛନ୍ତି ସୋନିଆ ଗାନ୍ଧି । ବିଜେପିକ ୁ ଟାର୍ଗେଟ କରି ସୋନିଆ ଗାନ୍ଧି କହିଛନ୍ତି, ଏହି ହିଂସା କାଣ୍ଡରେ ବିଜେପିର ମାନସିକତାକୁ ଦର୍ଶାଉଛି । କୃଷକଙ୍କ ଆନ୍ଦୋଳନକୁ ବିଜେପି କିପରି ଦେଖୁଛି ତାହା ଏଥିରୁ ଅନୁମାନ କରୁଛି ।
ସୁଚନାଯୋଗ୍ୟ ବିଦ୍ରୋହୀ କଂଗ୍ରେସ ନେତାଙ୍କ ଗୋଷ୍ଠୀ ଜି-୨୩ କ୍ର୍ରମାଗତ ଭାବେ ସିଡବ୍ଲ୍ୟୁସି ବୈଠକ ଡାକିବାକି ଦାବି କରୁଥିଲେ । ଗତ ମାସରେ ହୋଇଥିବା ପଞ୍ଜାବରେ ହୋଇଥିବା ଅଶାନ୍ତି ମଧ୍ୟରେ କପିଲ ସିବଲ ପ୍ରଶ୍ନ କରିଥିଲେ, ପୁର୍ଣ୍ଣକାଳୀନ ଅଧ୍ୟକ୍ଷଙ୍କ ଅନୁପସ୍ଥିତିରେ କି’ଏ ନିଷ୍ପତ୍ତି ନେଉଛନ୍ତି ?
