ଫିଲ୍ମ ‘ବେଲବଟମ୍‘ରେ ଲାରା ଦତ୍ତାଙ୍କ ଲୁକ୍କୁ ନେଇ ଚର୍ଚ୍ଚା : ଇନ୍ଦିରା ଗାନ୍ଧିଙ୍କ ଭୂମିକାରେ ନଜର ଆସିବେ
ନୂଆଦିଲ୍ଲୀ, ୪/୮ : ଅକ୍ଷୟ କୁମାରଙ୍କ ବହୁ ପ୍ରତୀକ୍ଷିତ ଫିଲ୍ମ ‘ବେଲବଟମ୍’ର ଟ୍ରେଲର୍ ରିଲିଜ୍ ହୋଇସାରିଛି । ବିମାନ ଅପହରଣର ପ୍ରକୃତ ଘଟଣା ଦ୍ୱାରା ଅନୁପ୍ରାଣିତ ଏହି ଫିଲ୍ମରେ ଅକ୍ଷୟଙ୍କ ବ୍ୟତୀତ ଲାରା ଦତ୍ତା, ବାଣୀ କପୁର ଏବଂ ହୁମା କ୍ୟୁରେଶି ପ୍ରମୁଖ ଭୂମିକାରେ ଅଛନ୍ତି।
ରିଲିଜ୍ ହୋଇଥିବା ଏହି ଟ୍ରେଲରରେ ଏଗୁଡ଼ିକର ପ୍ରଥମ ଝଲକ ଦେଖିବାକୁ ମିଳିଛି । ଟ୍ରେଲରକୁ ଦର୍ଶକ ଖୁବ୍ ପସନ୍ଦ କରିଛନ୍ତି । କିନ୍ତୁ ଟ୍ରେଲରରେ ଲାରା ଦତ୍ତଙ୍କ ଟ୍ରାନ୍ସଫର୍ମେସନ୍ ଲୋକମାନଙ୍କୁ ଆଶ୍ଚର୍ଯ୍ୟ କରିଛି । ଟ୍ରେଲରରେ ଲାରାଙ୍କୁ ଚିହ୍ନିବା କଷ୍ଟକର ହୋଇପଡିଛି ।
ଏହି ଫିଲ୍ମରେ ଲାରା ଦତ୍ତା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକାରେ ଅଭିନୟ କରିଛନ୍ତି । ଏହି ଭୂମିକା କରିବା ପାଇଁ ଲାରା କଠିନ ପରିଶ୍ରମ କରିଛନ୍ତି । ଏହି ଭୂମିକା ପାଇଁ ଲାରା ପ୍ରୋଥେଟିକ୍ସ ମେକଅପ୍ ର ସାହାରା ନେଇଛନ୍ତି।
ଟ୍ରେଲର ରିଲିଜ ହେବା ପରେ ଲାରା ଏବଂ ତାଙ୍କ ମେକ୍ ଅପ୍ ଆର୍ଟିଷ୍ଟଙ୍କୁ ସୋସିଆଲ ମିଡିଆରେ ଖୁବ୍ ପ୍ରଶଂସା କରାଯାଉଛି । ଲୋକମାନେ କହୁଛନ୍ତି ଯେ ଲାରା ଅବିକଳ ଇନ୍ଦିରା ଗାନ୍ଧୀଙ୍କ ପରି ଦେଖାଯାଉଛନ୍ତି। ସେ ତାଙ୍କ ଶୈଳୀ ଏବଂ ରୂପକୁ ଠିକ୍ ଭାବରେ ଗ୍ରହଣ କରିଛନ୍ତି ।
ଏହି ଫିଲ୍ମରେ ଅକ୍ଷୟ କୁମାର ଜଣେ ଅଣ୍ଡରକଭର୍ ଅଧିକାରୀ ଭୂମିକା ଗ୍ରହଣ କରିଛନ୍ତି, ଯାହାଙ୍କୁ ଭାରତ ସରକାରଙ୍କ ଦ୍ୱାରା ୪ ଅପହରଣକାରୀ ମଧ୍ୟରୁ ୨୪୦ ଯାତ୍ରୀଙ୍କୁ ଉଦ୍ଧାର କରିବା ପାଇଁ ନିଯୁକ୍ତ କରାଯାଇଛି । କରୋନା କାଳ ପରେ ‘ବେଲ୍ ବଟମ୍’ ପ୍ରଥମ ବଡ ବଜେଟ୍ ଫିଲ୍ମ ହେବ ଯାହା ପ୍ରେକ୍ଷାଳୟରେ ରିଲିଜ୍ ହେବାକୁ ଯାଉଛି ।
ଏହି ଫିଲ୍ମଟି ୩ଊ ରେ ରିଲିଜ୍ ହେବାର କାର୍ଯ୍ୟକ୍ରମ ରହିଛି। ଏହି ଫିଲ୍ମ ଅଗଷ୍ଟ ୧୯ ରେ ପ୍ରେକ୍ଷାଳୟରେ ରିଲିଜ୍ ହେବ । ଫିଲ୍ମଟି ଭାସୁ ଭାଗ୍ନାନୀ, ଜ୍ୟାକି ଭାଗ୍ନାନୀ, ଦୀପଶିଖା ଦେଶମୁଖ, ମୋନିଶା ଆଡଭାନୀ ଏବଂ ନିଖିଲ ଆଡଭାନୀଙ୍କ ଦ୍ୱାରା ନିର୍ମିତ ଏବଂ ରଞ୍ଜିତ ତିୱାରୀ ଏହାକୁ ନିର୍ଦ୍ଦେଶନା ଦେଇଛନ୍ତି।
