ବୌଦ୍ଧ ଆର୍ଟ ଅଫ ଲିଭିଂ ପରିବାର ତରଫରୁ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ,୧୫/୫: ବୌଦ୍ଧ ଆର୍ଟ ଅଫ ଲିଭିଂ ପରିବାର ତରଫରୁ ବିଶ୍ୱ ଯୋଗ ଗୁରୁ ରବି ଶଙ୍କର ଜି ଙ୍କ ୬୮ ତମ ଜନ୍ମଦିନ ଅବସରରେ ବୁଟୁପାଳି ସେବା ବିହାରରେ ସତସଙ୍ଗ ଓ ସେବା କାର୍ଯ୍ୟକ୍ରମ ଅନୁଷ୍ଠିତ ହେବାପରେ ସନ୍ଧ୍ୟାରେ ମହାନଦୀ ଆରତୀ ଘାଟରେ ମହାନଦୀ ଆଳତୀ,ସତସଙ୍ଗ ଓ ଅନ୍ନ ସେବା ଅନୁଷ୍ଠିତ ହୋଇଥିଲା । ଏହି ଅବସରରେ ଧର୍ମ ସଭା ଓ ସତସଙ୍ଗ ଅନୁଷ୍ଠିତ ହୋଇଥିଲା ।
ଅତିଥି ଭାବେ ପୁନଃ ଗଠନ ଓଡିଶା ର ଆବାହକ ମଧୁ ସୂଦନ ଦାସ, ଅଧ୍ୟାପକ ପ୍ରବୀର କୁମାର ଦାସ, ଜିଲ୍ଲା ଉନ୍ନୟନ ପରିଷଦ ସଭାପତି ଚିତ୍ତରଞ୍ଜନ ଦାଶ, ଯୋଗ ଦେଇଥିଲେ ।
ଶ୍ରୀ ଶ୍ରୀ ରବି ଶଙ୍କର ଙ୍କ ସୁଦର୍ଶନ କ୍ରିୟା ଯୋଗ ମାଧ୍ୟମରେ ଆନନ୍ଦ ର ଅନୁଭୂତି ଦ୍ୱାରା ଜୀବନରେ ବଞ୍ଚିବାର କଳା ଶିଖିବାର ଶୈଳୀ, ସାଧାନା, ଯୋଗ ଓ ପ୍ରାଣାୟକ୍ଷମ ସହିତ ସେବା କରିବା ପାଇଁ କହିଛନ୍ତି ।
ଉକ୍ତ କାର୍ଯ୍ୟକ୍ରମକୁ ପରିଚାଳନାରେ ରାଜଲଷ୍ମୀ ବିଶ୍ୱାଳ, ବିଜୟ କୁମାର ପ୍ରଧାନ, ସୁଜ୍ଞାନ କୁମାର ପାତ୍ର, ସୁନିତା ଦାସ, ଦେବାଶିଷ ପୁରୋହିତ, ସୂର୍ୟ୍ୟନ୍ଦୁ ଶତପଥି,ଆସମାନ ମହାକୁଡ଼, କୃତ୍ତିବାସ ପଲିଆ ସହଯୋଗ କରିଥିଲେ ।
ମହିଳା ଭୋଟ ହାତେଇବାକୁ ତିନି ଦଳର ନଜର
ବୌଦ୍ଧ,୧୫/୫ : ବୌଦ୍ଧଜିଲ୍ଲାରେ ସାଧାରଣ ନିର୍ବାଚନକୁ ନେଇ ରାଜନୈତିକ ଉଷ୍ମତା ବୃଦ୍ଧି ପାଉଥିବା ବେଳେ ଜିଲ୍ଲାର ବୌଦ୍ଧ ଓ କଣ୍ଟାମାଳ ନିର୍ବାଚନ ମଣ୍ଡଳିରେ ତିନି ପ୍ରମୁଖ ରାଜନୈତିକ ଦଳ ନେତାମାନେ ଏବେ ମହିଳା ଭୋଟ ହାତେଇବାକୁ ଉଦ୍ୟମ ଜାରି ରଖିଛନ୍ତି ।
ବୌଦ୍ଧ ଜିଲ୍ଲାରେ ଆସନ୍ତା ୨୦ ତାରିଖରେ ଭୋଟ ଗ୍ରହଣ ହେବ । ବୌଦ୍ଧ ନିର୍ବାଚନ ମଣ୍ଡଳିରେ ୬ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଥିବା ବେଳେ କଣ୍ଟାମାଳ ନିର୍ବାଚନ ମଣ୍ଡଳିରେ ମଧ୍ୟ ୬ ଜଣ ପ୍ରତିଦ୍ୱନ୍ଦ୍ୱିତା କରୁଛନ୍ତି । ଜିଲ୍ଲାରେ ତିନି ପ୍ରମୁଖ ରାଜନୈତିକ ଦଳ ବିଜେଡି, ବିଜେପି ଓ କଂଗ୍ରେସ ସମେତ ସ୍ୱାଧୀନ ପ୍ରାର୍ଥୀଙ୍କୁ ମିଶାଇ ୬ ଜଣ ଲେଖାଁଏ ପ୍ରାର୍ଥୀ ନିର୍ବାଚନ ଲଢୁଛନ୍ତି । ତିନି ରାଜନୈତିକ ଦଳ ମହିଳା ଭୋଟରଙ୍କୁ ନିଜ ସପକ୍ଷରେ ଆଣିବା ପାଇଁ ସମାବେଶ ମାନ କରୁଛନ୍ତି । ଏହି ସମାବେଶରେ କିପରି ଅଧିକରୁ ଅଧିକ ମହିଳା ଯୋଗଦେବେ ସେଥି ପାଇଁ ବିଭିନ୍ନ ରଣନିତି ଆପଣାଉଛନ୍ତି । ଜିଲ୍ଲାର ବୌଦ୍ଧ ନିର୍ବାଚନ ମଣ୍ଡଳିରେ ୧୬୪୮୫୪ ରୁ ଉର୍ଦ୍ଧ୍ୱ ଭୋଟର ରହିଥିବା ବେଳେ ସେଥିମଧ୍ୟରୁ ମହିଳା ଭୋଟରଙ୍କ ସଂଖ୍ୟା ୮୦୦୭୨ ଉର୍ଦ୍ଧ୍ୱ ଭୋଟ ରହିଛି ।
ସେହିପରି କଣ୍ଟାମାଳ ନିର୍ବାଚନ ମଣ୍ଡଳିରେ ୧୬୭୬୩୮ ଉର୍ଦ୍ଧ୍ୱ ଭୋଟର ରହିଛନ୍ତି । ସେଥିମଧ୍ୟରୁ ୮୧୯୧୦ ଉର୍ଦ୍ଧ୍ୱ ମହିଳା ଭୋଟ ରହିଥିବା ଜଣାପଡିଛି । ଜିଲ୍ଲାରେ ଗତ ୨୬ ତାରିଖରୁ ୩ ତାରିଖ ପର୍ଯ୍ୟନ୍ତ ନାମାଙ୍କନପତ୍ର ଦାଖଲ କରିବାର ପ୍ରକ୍ରିୟା ରହିଥିବା ବେଳେ ନାମାଙ୍କନ ଶୋଭାଯାତ୍ରା ସମୟରେ ଶହଶହ ସଂଖ୍ୟାରେ ମହିଳା ଭୋଟର ସାମିଲ ହୋଇଥିଲେ ।
ଜିଲାରେ ବିଜୁଜନତା ଦଳ ମହିଳା ସମାବେଶ କରି ଭୋଟ ହାତେଇବା ପାଇଁ ରଣତିନି କରିଥିବାବେଳେ ବିଭିନ୍ନ ସମାବେଶ ଗୁଡିକରେ ମହିଳାଙ୍କୁ ଅଧିକା ଦେଖିବାକୁ ମିଳୁଛି । ଏପେଟ ବିରୋଧି କଂଗ୍ରେସ ଓ ବିଜେପି ମହିଳା ଭୋଟ ହାତେଇବା ପାଇଁ ଗାଁ ଗାଁ ବୁଲି ୨୫ ବର୍ଷର ସରକାରଙ୍କ ବିଫଳତା ନେଇ କହିବା ସହ ଭୋଟ ଦେବାକୁ ନିବେଦନ କରୁଛନ୍ତି । ଜିଲ୍ଲାରେ ୧୫ ହଜାରରୁ ଉର୍ଦ୍ଧ୍ୱ ସ୍ୱଂୟ ସହାୟୀକା ଗୋଷ୍ଠୀ ରହିଥିବା ବେଳେ ଏଥିରେ ୯୦ ହଜାରରୁ ଅଧିକ ମହିଳା ରହିଛନ୍ତି । ଦେଖାଯାଉ ବୌଦ୍ଧ ଓ କଂଟାମାଳ ନିର୍ବାଚନ ମଣ୍ଡଳିରେ ମହିଳାଙ୍କ ଭୋଟ କେଉଁ ଦଳ କେତେ ମହିଳା ଭୋଟର ହାତେଇପାରୁଛି ତାହା ଆଗାମୀ ଫଳାଫଳରୁ ହିଁ ଜଣାପଡିବ ।
