ରାଜ୍ୟରେ ଆଉ ୮୨୧୬ ଦୈନିକ କରୋନା ସଂକ୍ରମିତ ଚିହ୍ନଟ, ୧୫ ମୃତ
ଭୁବନେଶ୍ୱର, ୪/୫ : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଆଉ ୮୨୧୬ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଏଥିସହିତ ଗୋଟିଏ ଦିନରେ ୧୫ କରୋନା ସଂକ୍ରମିତଙ୍କର ମୃତ୍ୟୁ ଘଟିଛି। ଖୋର୍ଦ୍ଧାରେ ଦିନକ ମଧ୍ୟରେ ସର୍ବାଧିକ ୧୨୭୧ ଆକ୍ରାନ୍ତ ହୋଇଥିବାବେଳେ ସଂକ୍ରମିତଙ୍କ ମଧ୍ୟରୁ ସର୍ବାଧିକ ୫ ଜଣ ପ୍ରାଣ ହରାଇଛନ୍ତି ଏହି ଜିଲାରେ।
ଗୋଟିଏ ଦିନରେ ସୁନ୍ଦରଗଡ ୬୩୬, କଟକ ୪୪୭, ପୁରୀ ୪୦୨, ଅନୁଗୁଳ ୩୯୪, ସମ୍ବଲପୁର ୩୮୫, ବରଗଡ ୩୭୫, ଯାଜପୁର ୩୪୭, ନବରଙ୍ଗପୁର ୩୧୯, ଝାରସୁଗୁଡା ଜିଲାରେ ୩୧୬ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିଭଳି ବଲାଙ୍ଗୀରରୁ ୩୦୫, ବାଲେଶ୍ୱର ୩୦୨, ନୂଆପଡା ୨୬୧, ନୟାଗଡ ୨୫୦, ସୁବର୍ଣ୍ଣପୁରରୁ ୨୪୮ ଜଣ ଚିହ୍ନଟ ହୋଇଛନ୍ତି। ଏହି ସମୟ ମଧ୍ୟରେ ଷ୍ଟେଟ ପୁଲରୁ ୨୩୮ ଜଣ ଚିହ୍ନଟ ହୋଇଥିବାବେଳେ କଳାହାଣ୍ଡି ଜିଲାରୁ ମଧ୍ୟ ୨୩୮ ଜଣଙ୍କୁ ଚିହ୍ନଟ କରାଯାଇଛି। ଏଥିସହିତ ରାୟଗଡାରୁ ୨୩୨, ମୟୁରଭଞ୍ଜ ୧୯୦, କୋରାପୁଟ ୧୩୩, କେନ୍ଦୁଝର ୧୨୯, ଗଜପତି ୧୨୧, ଜଗତସିଂହପୁର ୧୦୬, ବଉଦ ଓ ଦେବଗଡରୁ ୯୮ ଲେଖାଏଁ, କେନ୍ଦ୍ରାପଡା ୮୭, କନ୍ଧମାଳ ୬୭, ଗଞ୍ଜାମ ୬୯, ଭଦ୍ରକ ୬୩, ଢେଙ୍କାନାଳ ୪୭, ମାଲକାନଗିରିରୁ ୩୨ ଜଣ ସଂକ୍ରମିତଙ୍କୁ ଚିହ୍ନଟ କରାଯାଇଛି।
ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୪ ଲକ୍ଷ ୭୯ ହଜାର ୭୫୨କୁ ବୃଦ୍ଧିପାଇଛି। ସେମାନଙ୍କ ମଧ୍ୟରୁ ୪ ଲକ୍ଷ ୪ ହଜାର ୬୩ ଜଣ ସୁସ୍ଥ ହୋଇଥିବାବେଳେ ସକ୍ରିୟ ସଂକ୍ରମିତଙ୍କ ସଂଖ୍ୟା ୭୩ ହଜାର ୫୪୮ ରହିଛି।
ଦିନକ ମଧ୍ୟରେ ରାଜ୍ୟରେ ୧୫ ଜଣ କରୋନା ସଂକ୍ରମିତଙ୍କର ମୃତ୍ୟୁ ଘଟିଛି। ସେମାନଙ୍କ ମଧ୍ୟରୁ ଖୋର୍ଦ୍ଧାରୁ ସର୍ବାଧିକ ୫ ଜଣ ପ୍ରାଣ ହରାଇଛନ୍ତି। ଏଥିସହିତ ରାୟଗଡା, ସୁନ୍ଦରଗଡ ଓ କଳାହାଣ୍ଡି ଜିଲାରୁ ୨ ଜଣ ଲେଖାଏଁ କରୋନା ସଂକ୍ରମିତଙ୍କର ମୃତ୍ୟୁ ଘଟିଛି। ସେହିଭଳି କଟକ, ପୁରୀ ଓ ସୁବର୍ଣ୍ଣପୁରରୁ ଜଣେ ଲେଖାଏଁ ପ୍ରାଣ ହରାଇଛନ୍ତି। ଏଥିସହିତ ରାଜ୍ୟରେ କରୋନା ଜନିତ ମୃତ୍ୟୁସଂଖ୍ୟା ୨୦୮୮କୁ ବୃଦ୍ଧିପାଇଛି।
-ସମାଜ
