ହେରାପଞ୍ଚମୀ ପାଇଁ ସ୍ୱତନ୍ତ୍ର ବ୍ୟବସ୍ଥା, କିନ୍ତୁ ଭିଆଇପି ଦର୍ଶନକୁ ନେଇ ଏମିତି କହିଲେ କେନ୍ଦ୍ରାଞ୍ଚଳ ଆଇଜି
ପୁରୀ, ୨୦/୭ : ଆଜି ହେରାପଞ୍ଚମୀ । ସେଥିପାଇଁ ଶ୍ରୀକ୍ଷେତ୍ରରେ ପ୍ରବଳ ଭକ୍ତ । ହେରାପଞ୍ଚମୀରେ ଆଡ଼ପ ଦର୍ଶନ କରିବାକୁ ଲକ୍ଷ ଲକ୍ଷ ଭକ୍ତଙ୍କ ସମାଗମ । କିନ୍ତୁ ହେରା ପଞ୍ଚମୀରେ କୌଣସି ଭିଆଇପି ଦର୍ଶନ ବ୍ୟବସ୍ଥା ନାହିଁ ବୋଲି ସ୍ପଷ୍ଟ ଭାବେ କହିଛନ୍ତି କେନ୍ଦ୍ରାଞ୍ଚଳ ଆଇଜି ସତ୍ୟଜିତ ନାଏକ ।
ଶ୍ରୀଗୁଣ୍ଡିଚା ମନ୍ଦିରରେ ମହାପ୍ରଭୁଙ୍କ ଆଡ଼ପ ଦର୍ଶନ ଜାରି ରହିଛି । କେନ୍ଦ୍ରାଞ୍ଚଳ ଆଇଜି ସୂଚନା ଦେଇଛନ୍ତି ହେରାପଞ୍ଚମୀରେ ଅଧିକ ଭକ୍ତଙ୍କ ସମାଗମ ହେଉଥିବାରୁ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ମନ୍ଦିରର ସୁରକ୍ଷା ବ୍ୟବସ୍ଥାକୁ ୮ ଭାଗରେ ବିଭକ୍ତ କରାଯାଇଛି । ବ୍ୟାପକ ପୋଲିସ ଫୋର୍ସ ମୁତୟନ ହୋଇଛନ୍ତି ।
ସେହିପରି ଭିଆଇପି ଦର୍ଶନ ନାଁରେ ଅନଲାଇନ ଫେକ୍ ଆକାଉଣ୍ଟ ଖୋଲା ଯାଇ ଭକ୍ତଙ୍କୁ ଭ୍ରମିତ କରାଯାଉଛି । ଭିଆଇପି ଦର୍ଶନ ପାଇଁ କୌଣସି ବ୍ୟବସ୍ଥା ହୋଇ ନାହିଁ । ଯେଉଁ ୱେବ୍ ପୋର୍ଟାଲରେ ଏଭଳି ଦାବି କରାଯାଇଛି ସେହି ପୋର୍ଟାଲ ରକ୍ଟଙୟସଗ୍ଦଷବ ନାଁରେ ଏତଲା ଦିଆଯାଇଛି । ତେଣୁ ଏହା ଉପରେ ବିଶ୍ୱାସ ନ କରିବାକୁ ଆଇଜି ସମସ୍ତ ଭକ୍ତଙ୍କୁ ପରାମର୍ଶ ଦେଇଛନ୍ତି ।
ଆସନ୍ତାକାଲି ତିନି ରଥର ଦକ୍ଷିଣ ମୋଡ଼ ହେବ । ସେଥିପାଇଁ ୫୨ ପ୍ଲାଟୁନ ଫୋର୍ସ ମୁତୟନ କରାଯାଇଛି । ପ୍ରଶାସନ ତରଫରୁ ଦିଆଯାଇଥିବା ନିୟମକୁ ମାନିବାକୁ ଏବଂ ପ୍ରଶାସନ ସହିତ ସହଯୋଗ କରିବାକୁ କେନ୍ଦ୍ରାଞ୍ଚଳ ଆଇଜି ସମସ୍ତ ଶ୍ରଦ୍ଧାଳୁଙ୍କୁ ଅନୁରୋଧ କରିଛନ୍ତି ।
