୨୦ ଯାଏ ଝଡ଼ବର୍ଷା: ୬ ଜିଲାକୁ ଅରେଞ୍ଜ ଓ୍ବାର୍ନିଂ
ଭୁବନେଶ୍ୱର, ୧୮/୩ : ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀ ସମ୍ଭାବନା । ବିଜୁଳି, ଘଡ଼ଘଡ଼ି ସହ ପ୍ରବଳ ବର୍ଷାର ଆଶଙ୍କା ରହିଛି । ଏହି ସମୟରେ ପବନର ବେଗର ୬୦ରୁ ୭୦ କିମି ବେଗରେ ରହିବାର ସମ୍ଭାବନା ରହିଛି । ପାଣିପାଗ ବିଶେଷଜ୍ଞଙ୍କ ପକ୍ଷରୁ ସତର୍କ ସୂଚନା ଜାରି କରାଯାଇଛି ।
ଖବର ଅନୁଯାୟୀ, ରାଜ୍ୟର ବିଭିନ୍ନ ସ୍ଥାନରେ ଘଡ଼ଘଡ଼ି ସହ ବର୍ଷା ସମ୍ଭାବନା । ବର୍ତ୍ତମାନ ରାଜ୍ୟରେ ଦକ୍ଷିଣ ପଶ୍ଚିମ ଦିଗରୁ ପବନ ପ୍ରବାହିତ ହେଉଛି । ଏହାଛଡ଼ା ଏକ ଗୁରୁଚାପ ମଧ୍ୟ ରହିଛି ।
ଯାହା କି କାଳବୈଶାଖୀ କରାଇବାରେ ସହଯୋଗ କରିଛି । ୧୮ ଓ ୧୯ ତାରିଖରେ ଦକ୍ଷିଣ ଓଡ଼ିଶାରେ କାଳବୈଶାଖୀର ପ୍ରଭାବ ଅଧିକ ରହିବ ବୋଲି କହିଛନ୍ତି ସୋଇ ସିଇସି ମୁଖ୍ୟ ଶରତ ଚନ୍ଦ୍ର ସାହୁ । ୨୦ ତାରିଖରେ ଉପକୂଳ ଓଡ଼ିଶାରେ ଅଧିକାଂଶ ସ୍ଥାନରେ କାଳବୈଶାଖୀ ଜନିତ ବର୍ଷା ସମ୍ଭାବନା ରହିଛି।
୨୧ ରେ ଉତ୍ତର ଓଡିଶାରେ ଘଡଘଡି ସହ ବର୍ଷା ହେବ ବୋଲି ସେ ପୂର୍ବାନୁମାନ କରିଛନ୍ତି। ୨୧ ଓ ୨୧ରେ କିଛି କିଛି ସ୍ଥାନରେ କାଳବୈଶାଖୀ ଯୋଗୁ ପବନର ବେଗ ୫୦ ରୁ ୬୦ ରହିବ । ଏପିରିକି କିଛି ସ୍ଥାନରେ ପବନର ବେଗ ୭୦ କିମି ରହିବାର ସମ୍ଭାବନା ରହିଛି ।
ସେହିପରି ରାଜ୍ୟରେ ମାର୍ଚ୍ଚ ଶେଷ ପର୍ୟ୍ୟନ୍ତ ତାପମାତ୍ରା କମ ରହିବ। ଉପକୂଳ ଅଞ୍ଚଳରେ ସର୍ବାଧିକ ୩୨ ରୁ ୩୩ ଡିଗ୍ରୀ ପର୍ୟ୍ୟନ୍ତ ରହିବାର ସମ୍ଭାବନା ଥିବା ବେଳେ ଆଭ୍ୟନ୍ତରୀଣ ଓଡିଶାରେ ପାରଦ ୩୫ ରୁ ୩୬ ରହିବାର ସମ୍ଭାବନା ରହିଛି।
