କୁମାରବସ୍ତ ଲୋକନାଥ ଦେଵ କ୍ରିକେଟ ଟୁର୍ନାମେଣ୍ଟ ,ପଳାସପୁର ଓ ଯଦୁପୁର ବିଜୟୀ
ପ୍ରସନ୍ନ କୁମାର ପାଇକରାୟଙ୍କ ରିପୋର୍ଟ
ଖୋର୍ଦ୍ଧା , ୧୯/୧୧ : ଖୋର୍ଦ୍ଧା ଉପକଣ୍ଠ କୁମାରବସ୍ତ ଖେଳପଡିଆ ଠାରେ ରାଇଜିଙ୍ଗଷ୍ଟାର କ୍ରିକେଟ କ୍ଲବ, କୁମାରବସ୍ତ ଆନୁକୂଲ୍ୟରେ ଲୋକନାଥଦେବ କ୍ରିକେଟ ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚରେ ପଳାସପୁର ଦଳ ମେଣ୍ଢାଶାଳକୁ ୫ ୱକେଟରେ ପରାସ୍ତ କରିଛି ।
ମେଣ୍ଢାଶାଳ ଦଳ ପ୍ରଥମେ ବ୍ୟାଟିଂ କରି ବିଷ୍ଣୁ ମହାପାତ୍ରଙ୍କ ୩୮ ରନ ସହାୟତାରେ ୧୬ ଓଭରରେ ୧୪୧ ରନ ସଂଗ୍ରହ କରିଥିଲେ। ଜବାବରେ ପଳାସପୁର ଦଳ ସୋମନାଥ ପ୍ରଧାନ ଙ୍କ ୪୩ ରନ ସହାୟତାରେ ୧୪ ଓଭରରେ ୫ ୱକେଟ ହରାଇ ୧୪୨ କରି ବିଜେତା ହୋଇଥିଲା।
ଶ୍ରେଷ୍ଠ ଖେଳାଳି ଭାବେ ବସନ୍ତ ସାହୁଙ୍କୁ ବି ଏସ ଟ୍ରାନ୍ସପୋର୍ଟ ର ମାଲିକ ବିରଞ୍ଚି କୁମାର ସାହୁ ପୁରସ୍କୃତ କରିଥିଲେ। ଦ୍ଵିତୀୟ ମ୍ୟାଚରେ ଯଦୁପୁର ଦଳ ତମାଣ୍ଡୋ ଦଳକୁ ୬୭ ରନରେ ପରାଜିତ କରିଥିଲେ।
ପ୍ରଥମେ ବ୍ୟାଟିଂ କରି ଯଦୁପୁର ଦଳ ନିର୍ଦ୍ଧାରିତ ୧୮ ଓଭରରୁ ୫ ୱକେଟ ହରାଇ ୨୦୭ ରନ ସଂଗ୍ରହ କରିଥିଲେ। ଦଳ ପକ୍ଷରୁ ରିୟାସାତ ଖାନ ୧୦୭ ରନ କରିଥିଲେ। ଜବାବରେ ତମାଣ୍ଡୋ ଦଳ ୧୬. ୩ ଓଭରରେ ସମସ୍ତ ୱକେଟ ହରାଇ ୧୪୦ ରନରେ ସୀମିତ ରହିଥିଲେ।
ଶ୍ରେଷ୍ଠ ଖେଳାଳି ଭାବେ ଯଦୁପୁର ଦଳର ରିୟାସତ ଖାନଙ୍କୁ ଦିବ୍ୟସିଙ୍ଘ ପାତ୍ର, ସଂଗ୍ରାମ କେଶରୀ ସାମନ୍ତସିଂହାର, ଭ୍ରମରବର ସାମନ୍ତରାୟ, କେଶବ ଚନ୍ଦ୍ର ଗଜେନ୍ଦ୍ର ଓ ଦୁର୍ଯ୍ୟୋଧନ ବରାଳ ପୁରସ୍କୃତ କରିଥିଲେ।ଆଜିର ମ୍ୟାଚରେ ଖେଳ ପରିଚାଳନା କରିଥିଲେ ସାନୁଜ ବିଶ୍ୱାଳ, ବି ବି ରାଉତରାୟ, ତୁଷାରକାନ୍ତ ସୁନ୍ଦରାୟ ଓ ସୂର୍ଯ୍ୟ ପ୍ରତାପ ଗଜେନ୍ଦ୍ର। ସ୍କୋରର ଦାୟିତ୍ଵରେ ପ୍ରକାଶ ସାହୁ ଓ ଆକାଶ ବରାଳ ରହିଥିଲେ। ଭାଷ୍ୟକାର ଭାବେ ଅବ୍ୟକ୍ତ ହରିହର ଖାଡ଼ଙ୍ଗା,ପ୍ରଶାନ୍ତ ନାଟୁଆ ଓ ଅମୀୟ ପ୍ରଧାନ କାର୍ଯ୍ୟ କରିଥିଲେ।
କାଜଲ ବଳିୟାର ସିଂ ମ୍ୟାଚ ରେଫରୀ ଦାୟିତ୍ଵ ତୁଲାଇଥିଲେ ।୨୦/୧୧/୨୫ ଗୁରୁବାର ପ୍ରଥମ ମ୍ୟାଚ କୁମାରବସ୍ତ ବନାମ ଆଇ ଆର ବି ଏବଂ ଦ୍ଵିତୀୟ ମ୍ୟାଚ କଳାପଥର ବନାମ କୁମାରବସ୍ତ (ବି) ମଧ୍ୟରେ ଅନୁଷ୍ଠିତ ହେବ ବୋଲି ଦୁର୍ଯ୍ୟୋଧନ ପରିଡା ଜଣାଇଛନ୍ତି।
