ଗଜପତି: ରା: ଉଦୟଗିରି ବ୍ଲକସ୍ତରୀୟ ବିଜେଡିର ଜନସଂପର୍କ ପଦଯାତ୍ରା ଅନୁଷ୍ଠିତ
ଗଣେଶ କୁମାର ରାଜୁଙ୍କ ରିପୋର୍ଟ
ଗଜପତି,୨୨ /୧୦: ଗଜପତି ଜିଲ୍ଲା ରା: ଉଦୟଗିରି ବ୍ଲକରେ ବିଜେଡିର ବ୍ଲକ୍ ସ୍ତରୀୟ ଜନସଂପର୍କ ପଦଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି ।
ଏହି ଅବସରରେ ବିଜେଡି ଜିଲ୍ଲା ସଭାପତି ଶ୍ରୀ ପ୍ରଦୀପ କୁମାର ନାୟକଙ୍କ ନେତୃତ୍ୱରେ ବ୍ଲକର ଛେଳିଗଡ ଠାରେ ଏକ ଜନସଂପର୍କ ପଦଯାତ୍ରା ଶତାଧିକ ସଂଖ୍ୟାରେ ଦଳୀୟ ନେତା ଓ କର୍ମୀ ମାନେ ଛେଲିଗଡ଼ ଗ୍ରାମରୁ ଏକ ବିରାଟ ସଚେତନତା ଶୋଭାଯାତ୍ରା ବାହାରି ଗାଁ ପରିକ୍ରମା କରି ହାଟପଦା ପର୍ଯ୍ୟନ୍ତ ଯାଇଥିଲା ।
ପରେ ଛେଲିଗଡ ସ୍ଥିତ ରାଜୀବ ଗାନ୍ଧୀ ସେବା କେନ୍ଦ୍ର ପରିସରରେ ଏକ ସଚେତନତା ସଭା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ରା: ଉଦୟଗିରି ବ୍ଲକ୍ ଅଧ୍ୟକ୍ଷ ଲକ୍ଷ୍ମୀ ନାରାୟଣ ଶବରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଚେତନତା ସଭା କାର୍ଯ୍ୟକ୍ରମରେ ଜିଲ୍ଲା ପରିଷଦ ଅଧ୍ୟକ୍ଷ ଶ୍ରୀ ଗାବରା ତିରୁପତି ରାଓ , ବିଜେଡି ଜିଲ୍ଲା ସଭାପତି ଶ୍ରୀ ପ୍ରଦୀପ କୁମାର ନାୟକ , ଗଜପତି ଜିଲ୍ଲା ଏସଡିସି: ଅଧ୍ୟକ୍ଷା ଶ୍ରୀମତୀ ମୋରୀୟମ ରାଇଟ , ଉପାଧ୍ୟକ୍ଷ ଶ୍ରୀ ଧନେଶ୍ଵର ଭୂୟାଁ ପ୍ରମୁଖ ମଞ୍ଚାସିନ ଅତିଥି ଭାବେ ଯୋଗଦେଇ ନବୀନ ସରକାର ତଥା ରାଜ୍ୟ ସରକାରଙ୍କ ପକ୍ଷରୁ କାର୍ଯ୍ୟକାରିତା ହେଉଥିବା ବିଭିନ୍ନ ଉନ୍ନୟନ ମୂଳକ ଲୋକହିତକର ଯୋଜନା ଗୁଡିକ ସମ୍ପର୍କରେ ବିସ୍ତୃତ ଭାବେ ଅବଗତ କରାଇ ଥିଲେ ।
ଅନ୍ୟପକ୍ଷରେ କାର୍ଯ୍ୟକାରିତା ହେଉଥିବା ଏହି ସମସ୍ତ ଲୋକାଭିମୁଖୀ ଯୋଜନା କାର୍ଯ୍ୟ ଗୁଡ଼ିକ ତୃଣମୂଳ ସ୍ତରରେ ପ୍ରତ୍ୟେକ ଘରେ ଘରେ ପହଞ୍ଚାଇବା ସହ ବିକାଶ ଧାରାକୁ ସଫଳ ରୂପାୟନ କରିବା ଦିଗରେ ସଚେତନ କରାଇ ଥିଲେ ।
ରାଜ୍ୟ ସରକାରଙ୍କ ପକ୍ଷରୁ କାର୍ଯ୍ୟକାରିତା ହେଉଥିବା ପ୍ରତ୍ୟେକ ଲୋକାଭିମୁଖୀ ଯୋଜନା ଗୁଡିକରେ ପ୍ରତ୍ୟେକ ହିତାଧିକାରୀ ଯେଭଳି ସାମିଲ ହୋଇ ବିକାଶ ଧାରାକୁ ଆଗେଇ ନେଇ ପାରିବେ , ସେ ଦିଗରେ କାର୍ଯ୍ୟକାରୀ ଦଳୀୟ ସଂଗଠନକୁ ସୁଦୃଢ଼ କରିବାରେ ସହାୟକ ହେବାପାଇଁ ଆହ୍ବାନ କରିଥିଲେ ।
ଅନ୍ୟମାନଙ୍କ ମଧ୍ୟରେ ଏହି ସମସ୍ତ କାର୍ଯ୍ୟକ୍ରମରେ ଉପାଧ୍ୟକ୍ଷା ବିଜୟ ଲକ୍ଷ୍ମୀ ପଟନାୟକ , ସରପଞ୍ଚ ସନ୍ତୋଷି ପାଇକ , ସାଂସଦ ପ୍ରତିନିଧି ଶ୍ରୀ ଗୋପବନ୍ଧୁ ଦାସ , ପୂର୍ବତନ ଏସଡିସି ଶ୍ରୀ ଅନ୍ତର୍ଯ୍ୟାମୀ ଗମାଙ୍ଗ , ରାୟଗଡ଼ ବ୍ଲକ୍ ଅଧ୍ୟକ୍ଷା ଶ୍ରୀମତୀ ପୂର୍ଣବାସୀ ନାୟକ , ରା: ଉଦୟଗିରି ବ୍ଲକ୍ ସଭାପତି ଶ୍ରୀ ଭୀମ ପାଇକ , ଜିଲ୍ଲା ପରିଷଦ ସଭ୍ୟ ଯମୁନା ଦଳବେହେରା , ବରିଷ୍ଠ ବିଜେଡି ନେତା ଶ୍ରୀ ଜମିଦାର ପଟନାୟକ , ଶ୍ରୀ ପ୍ରନୋଜ ପଟନାୟକ ଏବଂ ସୁପ୍ରଭା ମଣ୍ଡଳଙ୍କ ସମେତ ବହୁ ସଂଖ୍ୟାରେ ସରପଞ୍ଚ , ସମିତିସଭ୍ୟ , ଜିଲ୍ଲା ଓ ବ୍ଲକସ୍ତରୀୟ ଦଳୀୟ କର୍ମକର୍ତ୍ତା ମାନେ ଯୋଗ ଦେଇଥିଲେ ।
