ଅଜବ ଗଜବ: କମ୍ପ୍ୟୁଟର ଜାଣି ନ ଥିଲେ ଡ୍ରାଇବିଂ ଲାଇସେନ୍ସ ମନା !!!
No driving license without computer knowledge policy leaves many disappointed
By Mahendra Kumar Darjee
ବଲାଙ୍ଗୀର, Dec. 25: – ଗାଡ଼ି ଚଳାଇବା ପାଇଁ ଲାଇସେନ୍ସ ଆବଶ୍ୟକ । ଚାରି ଚକିଆ ହେଉ ଅବା ଦୁଇ ଚକିଆ ରାସ୍ତାରେ ବିନା ଲାଇସେନ୍ସ ରେ ଚଳାଇବା ଅପରାଧ । ଏଣୁ ଚାଳକକୁ ଆର୍ ଟି ଓ, ଅଫିସ୍ ରେ ପ୍ରଥମେ ଲର୍ଣ୍ଣିଂ ଲାଇସେନ୍ସ ବା ଏଲ୍ ଏଲ , ଓ ପରେ ଡ୍ରାଇଭିଂ ଲାଇସେନ୍ସ ବା ଡି ଏଲ, ଲାଇସେନ୍ସ କରିବାକୁ ପଡେ ।
ଏଲ ଏଲ , ଲାଇସେନ୍ସ ଚାଳକକୁ ଯାନ ଶିଖିବା ପାଇଁ ମିଳୁଥିଲା । ଏବେ ଏଲ ଏଲ, ଲାଇସେନ୍ସ ପାଇବାକୁ ହେଲେ ପରୀକ୍ଷାର୍ଥୀ କୁ କମ୍ପୁଟର ଶିଖିବା ଜରୁରୀ । କମ୍ପୁଟର ରେ କୋଡ଼ିଏ ଗୋଟି ପ୍ରଶ୍ନ ରୁ ୧୨ ଗୋଟି ର ସଠିକ ଉତ୍ତର ଦେଲେ ଏଲ ଏଲ , ଲାଇସେନ୍ସ ପାଇପାରିବା ର ନିୟମ ଅଛି । ଜଣେ ଡ୍ରାଇଭର ପଢି ଥାଉ କିମ୍ବା ପଢି ନ ଥାଉ ଯଦି କମ୍ପ୍ୟୁଟର ଚାଳନା ଶିଖି ନାହିଁ ତେବେ ସେ ଲାଇସେନ୍ସ ପାଇବା ପାଇଁ ଅଯୋଗ୍ୟ ।
ସରକାର ଙ୍କ ଏହି ଅଜବ ନୀତି ନିୟମ ଯୋଗୁ ଅନେକ ଗାଡ଼ି ଚାଳକ ଟେଷ୍ଟ ଦେବାକୁ ଯାଇ କମ୍ପ୍ୟୁଟର ସମ୍ମୁଖ ରେ ବସି ହତାଶ ହୋଇ ଫେରି ଯାଉଛନ୍ତି । କାରଣ କମ୍ପ୍ୟୁଟର ଖୋଲି ଓଟିପି , ଏପ୍ଲିକେସନ୍ ନମ୍ୱର୍ , ଜନ୍ମ ତାରିଖ ଟାଇପ୍ କରି ଲଗ୍ କଲା ପରେ କମ୍ପ୍ୟୁଟର ଖୋଲିବ । ଏହାପରେ କୋଡ଼ିଏ ଗୋଟି ପ୍ରଶ୍ନ ସ୍କ୍ରିନ୍ ରେ ଆସିବ । ୧୨ ଗୋଟି ସଠିକ ଉତ୍ତର ଦେଲେ ଏଲ ଏଲ ଲାଇସେନ୍ସ ପାଇବାକୁ ଯୋଗ୍ୟ ହେବେ । କମ୍ପ୍ୟୁଟର ଜାଣିନଥିବା ବ୍ୟକ୍ତବିଶେଷ ଏଲ ଏଲ ଲାଇସେନ୍ସ ପାଇବାରୁ ବଞ୍ଚିତ ହୁଅନ୍ତି । ସରକାର ଙ୍କ ଅଜବ ନୀତି ଯୋଗୁ ଅନେକ ଚାଳକ ଲାଇସେନ୍ସ ନ ପାଇ ବିନା ଲାଇସେନ୍ସ ରେ ଗାଡ଼ି ଚଳାଉଥିବା ଦେଖିବାକୁ ମିଳୁଛି । ସରକାର ନିଜ ନୀତି ପରିବର୍ତ୍ତନ ନ କଲେ ଆଗାମୀ ଦିନରେ ଅନେକ ଗାଡ଼ି ଚାଳକ ବିନା ଲାଇସେନ୍ସ ରେ ଗାଡ଼ି ଚଳାଉଥିବା ଦେଖିବାକୁ ମିଳିବ । ଏଣୁ ସରକାର ଏଥିପ୍ରତି ଦୃଷ୍ଟି ଦେଇ ଗାଡ଼ି ଚାଳନା ପରୀକ୍ଷା ତଥା ପ୍ରଶ୍ନ ପଚାରି ଲାଇସେନ୍ସ ଦେଲେ ଅନେକ ଗାଡ଼ି ଚାଳକ ଲାଇସେନ୍ସ ପାଇଁ ଗାଡ଼ି ଚଳାଇବାର ଯୋଗ୍ୟତା ପାଇପାରିବେ।