କରଞ୍ଜିଆ ବନଖଣ୍ଡରେ ମହାବଳ ବାଘ ଆତଙ୍କ, ଅଞ୍ଚଳରେ କୋକୁଆ ଭୟ ଖେଳିଯାଇଛି
October 30
10:13
2025
କରଞ୍ଜିଆ , ୩୦/୧୦ : ବୁଲୁଛି ମହାବଳ ବାଘ । ଗାଁ ନିକଟ ଜଙ୍ଗଲରେ ବାଘ ବୁଲୁଥିବାରୁ ଆତଙ୍କିତ ଅବସ୍ଥାରେ ରହୁଛନ୍ତି ଦୁଇ ପଞ୍ଚାୟତ ବାସୀ । ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡ ଠାକୁରମୁଣ୍ଡା ରେଞ୍ଜ ଅଞ୍ଚଳରେ ମହାବଳ ବାଘ ବୁଲୁଥିବା ଦେଖିବାକୁ ମିଳିଛି । ଠାକୁରମୁଣ୍ଡା ରେଞ୍ଜ କାଳିଆଜିଆଣୀ ଗାଁ ନିକଟ ସଂରକ୍ଷିତ ଜଙ୍ଗଲରେ ଗ୍ରାମବାସୀମାନେ ମହାବଳ ବାଘ ବୁଲୁଥିବାର ଦେଖିବାକୁ ପାଇଥିଲେ ।
ମହାବଳ ବାଘ ଆସିଥିବାର ଖବର ପ୍ରଚାର ହେବା ପରେ ହାତୀଗୋଡା ଓ ସାଲେଇବେଡା ପଞ୍ଚାୟତର ଆଖ ପାଖ ଗ୍ରାମ ଗୁଡିକରେ କୋକୁଆ ଭୟ ଖେଳିଯାଇଥିଲା । ମହାବଳ ବାଘ ବୋଲି ବନବିଭାଗ ଚିହ୍ନଟ କଲାପରେ ଜଙ୍ଗଲକୁ ନଯିବା ସହ ଗୃହପାଳିତ ପଶୁମାନଙ୍କୁ ମଧ୍ୟ ଜଙ୍ଗଲକୁ ନଛାଡିବା ପାଇଁ କାଳିଆଜିଆଣୀ ଏବଂ ନିକଟସ୍ଥ ଗାଁ ଗୁଡିକୁ ଯାଇ ଡାକବାଜି ଯନ୍ତ୍ର ସାହାଯ୍ୟରେ ସଚେତନ କରୁଛି ବନବିଭାଗ ।
