ଅଟିଜିମ୍ ନେଇ ଅଚ୍ୟୁତଙ୍କ ବିବାଦୀୟ ମନ୍ତବ୍ୟ, ବିଭିନ୍ନ ବର୍ଗରୁ ନିନ୍ଦା
ଭୁବନେଶ୍ୱର, ୫/୪ : ଅଚ୍ୟୁତ ସାମନ୍ତଙ୍କ ମନ୍ତବ୍ୟକୁ ନିନ୍ଦା କଲେ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀ ନିତ୍ୟାନନ୍ଦ ଗଣ୍ଡ । ପୂର୍ବ ଜନ୍ମର କର୍ମଫଳ ପାଇଁ ଭିନ୍ନକ୍ଷମ ଶିଶୁ ଭାବେ ଜନ୍ମ ମନ୍ତବ୍ୟକୁ ନିନ୍ଦା କଲେ ମନ୍ତ୍ରୀ ।
ମୁଁ ଏହି କଥାକୁ ଗ୍ରହଣ କରି ପାରୁନି । ପ୍ରେରିତ କରି ସମାଜରେ ସମ୍ମାନଜନକ ଭାବେ ବଞ୍ଚିବାକୁ ଦେବା ଉଚିତ୍ । ସାଧାରଣ ଲୋକଙ୍କ ଭଳି କିପରି ଜୀବନ ଯାପନ କରିବେ ତାହା କରିବା କଥା । ସେମାନନଙ୍କୁ ସହାନୁଭୂତି ଦେଖାଇବା କଥା । ଏଭଳି ମନ୍ତବ୍ୟ ଦେବା ଠିକ୍ ନୁହେଁ ।
ଅଚ୍ୟୁତ ସାମନ୍ତଙ୍କ ମତ୍ତବ୍ୟ ଅତ୍ୟନ୍ତ ଲଜ୍ଜାନକ ବୋଲି କହିଲେ ପ୍ରଫେସର ପ୍ରତାପ ରଥ । ଏଭଳି ମନ୍ତବ୍ୟ ସମ୍ବିଧାନ ବିରୋଧୀ, ଧର୍ତ୍ତବ୍ୟ ଅପରାଧ ଏବଂ ନିହାତି ଅରୁଚିକର । ପୂର୍ବ ଜନ୍ମ, ପର ଜନ୍ମ ବୋଲି କିଛି ନାହିଁ । ଅଚ୍ୟୁତ ସାମନ୍ତ ପ୍ରମାଣ କରି ପାରିବେ କି । ଓପନ ଲର୍ଣ୍ଣିଂ ଜରିଆରେ ୪୦ ବର୍ଷ ହେଲା ଭିନ୍ନକ୍ଷମ ପିଲାଙ୍କ ପାଇଁ କାମ କରୁଛି ।
ଯିଏ ଏପରି ଅରୁଚିକର ମନ୍ତବ୍ୟ ଦେଉଛି, ତାଙ୍କୁ ମୁଁ ଶିକ୍ଷାବିତ କହି ପାରିବି ନାହିଁ । ପିଲାମାନଙ୍କ ପାଇଁ ସ୍କୁଲ କରି ଏପରି ଅରୁଚିକର ମନ୍ତବ୍ୟ ଦେବା ଧର୍ତ୍ତବ୍ୟ ଅପରାଧ । ପ୍ରତ୍ୟେକଙ୍କୁ ଆତ୍ମ ସମ୍ମାନର ସହ ବଞ୍ଚିବା ପାଇଁ ସମ୍ବିଧାନ ଅଧିକାର ଦେଇଛି । କୌଣସି ବାପା ମାଆ ଏପରି ଅରୁଚିକର ମନ୍ତବ୍ୟକୁ ଗୁରୁତ୍ୱ ଦିଅନ୍ତୁ ନାହିଁ ।
କଣ କହିଥିଲେ ଅଚ୍ୟୁତ ?
ଏହା ପୂର୍ବରୁ କିଟ୍ ପ୍ରତିଷ୍ଠାତା ଅଚ୍ୟୁତ ସାମନ୍ତ ବିବାଦୀୟ ମନ୍ତବ୍ୟ ଦେଇିଥିଲେ । ଅବିଶ୍ୱ ଅଟିଜିମ ଦିବସରେ ଅଟିଜିମ ଶିଶୁଙ୍କ ପ୍ରତି ସମ୍ବେଦନହୀନ ମନ୍ତବ୍ୟ ଦେଇଥିଲେ । ସେ କହିଥିଲେ ପୂର୍ବ ଜନ୍ମର କର୍ମ ଫଳ ପାଇଁ ଅଟିଷ୍ଟିକ ଚାଇଲ୍ଡ ଜନ୍ମ ହୁଅନ୍ତି । ଜଣଙ୍କ ଜନ୍ମ ରାଜକୁମାର ଭଳି ଏବଂ ଆଉ ଜଣେ ଅଟିଷ୍ଟିକ ହୋଇ ଜନ୍ମ ହେଉଛି । ଶିଶୁ ତ କିଛି ପାପ କରିନି, ସେ କାଇଁ ଅଟିଷ୍ଟିକ ଚାଇଲ୍ଡ ହେଲା । ଏ ଦଶା କେବଳ ପୂର୍ବ ଜନ୍ମ କର୍ମଫଳର ପାଇଁ ।
ବେଳେ ବେଳେ ଦୁଷ୍ଟ ଲୋକଙ୍କୁ କୁହେ ଆରେ କାଇଁ ଏମିତି ହେଉଛ । ଏମିତି ଆଦୌ ହୁଅନି, ଏତେ ଅନ୍ୟାୟ, ଅନୀତି, ଅଧର୍ମ କରନି । ପର ଜନ୍ମରେ ଅଟିଷ୍ଟିକ ଚାଇଲ୍ଡ ହୋଇ ଯିବୁରେ । ଏଭଳି ବିବାଦୀୟ ମନ୍ତବ୍ୟ ବେଳେ ଉପସ୍ଥିତ ଥିଲେ ମନ୍ତ୍ରୀ ନିତ୍ୟାନନ୍ଦ ଗଣ୍ଡ । ଅଚ୍ୟୁତଙ୍କ ଏଭଳି ଦାୟିତ୍ୱହୀନ ମନ୍ତବ୍ୟ ଭାଇରାଲ୍ ପରେ ତୀବ୍ର ଅସନ୍ତୋଷ ପ୍ରକାଶ ପାଇଛି ।
