ନିଆରା ଢଙ୍ଗରେ ଦଶହରା ପର୍ବ ପାଳନ କଲେ ପ୍ରଭାକର
ସଞ୍ଜୟ କୁମାର ପାଣିଗ୍ରାହୀଙ୍କ ରିପୋର୍ଟ
ବାଲିଗୁଡା,୨୫/୧୦: କନ୍ଧମାଳ ଜିଲ୍ଲା ବାଲିଗୁଡ଼ା ନୂଆସାହି ର ପ୍ରଭାକର ନାୟକ ଏକ ନିଆରା ଢଙ୍ଗରେ ଦଶହରା ପର୍ବ ପାଳନ କରିଛନ୍ତି । ପ୍ରତ୍ୟେକ ବର୍ଷ ପରି ଚଳିତ ବର୍ଷ ମଧ୍ୟ ନିଜ ବାସ ଭବନରେ ମାଆ ଦୁର୍ଗାଙ୍କୁ ମହା ଆଡ଼ମ୍ବର ସହକାରେ ପାଳନ କରିଛନ୍ତି । ନିଜ ବାସଭବନ ରେ ବାସ୍ତୁ ପୂଜା, ଗୃହ ପୂଜା, ନବଗ୍ରହ ପୂଜା, କରିବା ସହିତ ହୋମ ଯଜ୍ଞ ମଧ୍ୟ କରିଛନ୍ତି । ତତ୍ ସହିତ ନୂଆସାହି ଗ୍ରାମ୍ୟ କମିଟି ର ସମସ୍ତ ସଦସ୍ୟ ଓ ସାହିର ବରିଷ୍ଠ ନାଗରିକ ମାନଙ୍କୁ ନିମନ୍ତ୍ରଣ କରି ସ୍ବାଗତ ସମ୍ବର୍ଦ୍ଧନା ଜଣାଇଥିଲେ । ଗାଁ ର ଅସହାୟ ବିଧବା ବାର୍ଦ୍ଧକ୍ୟ ଙ୍କୁ ଘରକୁ ଡ଼ାକି ନୂଆବସ୍ତ୍ର ବଣ୍ଟନ କରିଛନ୍ତି ।
ମାଆ ଦୂର୍ଗା ଓ ଦକ୍ଷିଣ କାଳୀ ଙ୍କ ପ୍ରତି ପରିବାର ଲୋକଙ୍କ ଅଗାଢ ବିଶ୍ବାସ ରହିଛି କ୍ଷ ମାଆ ଙ୍କ ଆପାର କରୁଣାରୁ ପରିବାର ମଧ୍ୟରେ ଶାନ୍ତି ସଦଭାବନା ଆସିଛି ।
ଗୋପ ଲକ୍ଷ୍ମୀ ଧନ ଧନ୍ୟ ରେ ପୁରି ଉଠିଛି । ପରିବାର ମଧ୍ୟରେ ଦୁଃଖ କ୍ଲେଶ ରୋଗ ବ୍ୟାଧି ଉଭେଇ ଯାଉଥିବା କହିଛନ୍ତି ପ୍ରଭାକର ଙ୍କ ଧର୍ମ ପତ୍ନୀ । ଜୀବନ ଥିବା ପର୍ୟ୍ୟନ୍ତ ଦୂର୍ଗାପୂଜା ସହିତ ଏହିଭଳି ଭାବରେ ଗରିବ ଅସହାୟ ଙ୍କୁ ବସ୍ତ୍ର ବଣ୍ଟନ କରିବେ ବୋଲି ପ୍ରକାଶ କରିଛନ୍ତି ପ୍ରଭାକର ।
ନବରାତ୍ରି ଦୁର୍ଗାପୂଜା ଓ ଦଶହରା ଉତ୍ସବକୁ ନେଇ ସମଗ୍ର କନ୍ଧମାଳ ଚଳ ଚଞ୍ଚଳ
କନ୍ଧମାଳ,୨୫/୧୦: ନବରାତ୍ରି ଦୁର୍ଗାପୂଜା ଓ ଦଶହରା ଉତ୍ସବକୁ ନେଇ ସମଗ୍ର କନ୍ଧମାଳ ଚଳ ଚଞ୍ଚଳ ହୋଇ ଉଠିଛି । ବିଶେଷ କରି ଜିଲାର ବିଭିନ୍ନ ବଜାର କମିଟି, ଅନୁଷ୍ଠାନ ପକ୍ଷରୁ ବିଭିନ୍ନ ସ୍ଥାନରେ ଦୁର୍ଗା ମଣ୍ଡପ ନିର୍ମାଣ ହୋଇ ରିତିନୀତି ପ୍ରକାରେ ପୂଜାର୍ଚ୍ଚନା ଆରମ୍ଭ ହୋଇଥିବା ବେଳେ ଜିଲାର ବିଭିନ୍ନ ଦେବୀ ପୀଠ ମାନଙ୍କରେ ମଧ୍ୟ ରିତିନୀତି ପ୍ରକାରେ ଆରମ୍ଭ ହୋଇଛି ପୂଜାପାଠ। ରବିବାର ଅଷ୍ଟମୀ ଦିନରେ ବିଭିନ୍ନ ମଣ୍ଡପ ଓ ଦେବୀ ପୀଠ ମାନଙ୍କରେ ବେସ୍ ଜନସମାଗମ ହୋଇଥିବାର ଦେଖାଯାଇଛି। ଦଶହରାକୁ ନେଇ ବିଭିନ୍ନ ସ୍ଥାନରେ ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଛି। ସେହିଭଳି ଫୁଲବାଣୀ ସଦର ମହକୁମା
ସମେତ ଜିଲ୍ଲାର ପ୍ରତ୍ୟେକ ଅଞ୍ଚଳରେ ସନ୍ଧ୍ୟା ସମୟରେ ଦଶହରାକୁ ନେଇ ବଜାର ବେଶ୍ ଜନଗହଳି ଦେଖାଯାଇଛି। ଆଇନ ଶୃଙ୍ଖଳା ପାଇଁ ପୁଲିସ୍ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। ସେହିଭଳି ସହରରେ ଥିବା ବିଭିନ୍ନ ପୂଜା ମଣ୍ଡପରେ ପୂଜା ଆରମ୍ଭ ହୋଇଥିବା ବେଳେ ମା ଦୁର୍ଗାଙ୍କ ଆଶୀର୍ବାଦ ପାଇଁ ବିଭିନ୍ନ ପୂଜା ମଣ୍ଡପରେ ଭକ୍ତ ମାନଙ୍କର ମଧ୍ୟ ସମାଗମ ଦେଖାଯାଇଛି। ଫୁଲବାଣୀ ସହରର ବସଷ୍ଟାଣ୍ଡ, ବିଦ୍ୟୁତ୍ ବିଭାଗ, ମାଦିକୁନ୍ଦା ଛକ, ଆରଟିଓ ଅଫିସ୍ ଛକ, ଟ୍ୟାକ୍ସିଂ ସଂଘ ଏବଂ ବାଲିଗୁଡା ଟାଉନ ର ମା \’ ପାଟଖଣ୍ଡା ଦୁର୍ଗାପୂଜା ସମିତି, ବିଦ୍ୟୁତ ବିଭାଗ ଓ ମା \’ ବରାଳ ଦେବୀ ପୀଠ ଭଳି ବିଭିନ୍ନ ଅନୁଷ୍ଠାନ ପକ୍ଷରୁ ମା ଦୁର୍ଗାଙ୍କର ପୂଜା ଆରମ୍ଭ ହୋଇଥିବା ବେଳେ ବିଭିନ୍ନ ପୂଜା ମଣ୍ଡପ ଗୁଡ଼ିକ ଝିଲିମିଲି ଆଲୁଅରେ ମଧ୍ୟ ଚହଟି ଉଠୁଛି। ବହୁ ଭକ୍ତଙ୍କର ମଧ୍ୟ ସମାଗମ ହେଉଥିବାର ଦେଖାଯାଇଛି।
ପୁଲିସ୍ ପେଟ୍ରୋଲିଂ ବ୍ୟବସ୍ଥାକୁ ମଧ୍ୟ ସହରରେ କଡ଼ାକଡ଼ି କରାଯାଇଛି। ଦଶହରା ଯୋଗୁଁ ପ୍ରତ୍ୟେକଙ୍କ ଘରେ ବହୁ ସମ୍ପର୍କୀୟମାନେ ପହଞ୍ଚିଥିବା ବେଳେ ପ୍ରତ୍ୟେକ ଘରେ ଏକ ପ୍ରକାର ଖୁସିର ଲହରି ଦେଖାଯାଇଛି। ବିଭିନ୍ନ ପୂଜା ମଣ୍ଡପ ମାନଙ୍କରେ ଏକ ପ୍ରକାର ଅଧ୍ୟାତ୍କିକ ପରିବେଶ ସୃଷ୍ଟି ହୋଇଛି।
କନ୍ଧମାଳ ଜିଲ୍ଲାର ଫୁଲବାଣୀ, ଖଜୁରିପଡ଼ା, ଫିରିଙ୍ଗିଆ, କୋଟଗଡ଼଼, ତୁମୁଡ଼ିବନ୍ଧ, ରାଇକିଆ, ଦାରିଙ୍ଗବାଡ଼ି, ଟିକାବାଲି, କ.ନୂଆଗାଁ ଭଳି ସମସ୍ତ ସହର ମହକୁମାରେ ଦୁର୍ଗାମେଢ, ତୋରଣ ନିର୍ମାଣ ହୋଇଥିବା ବେଳେ ଏହି ସବୁ ଅଞ୍ଚଳର ସମସ୍ତ ଦେବୀ ପୀଠ ମାନଙ୍କରେ ମଧ୍ୟ ସ୍ୱତନ୍ତ୍ର ପୂଜା ପାଠ ଆରମ୍ଭ ହୋଇଛି।
