ଓଡ଼ିଶାରେ ଫାର୍ମା ସେକ୍ଟରରେ ସୃଷ୍ଟି ହେବ ୩୮ ହଜାରରୁ ଅଧିକ ଚାକିରି: ମୁଖ୍ୟମନ୍ତ୍ରୀ
ଭୁବନେଶ୍ବର,୧୬/୧୨ : ଦେଶର ଫାର୍ମା ହବ୍ ହେବ ଓଡ଼ିଶା । ଓଡ଼ିଶା ଫାର୍ମା ସମିଟ୍ରେ ଯୋଗଦେଇ ଏଭଳି କହିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଫାର୍ମା ନିବେଶକଙ୍କୁ ଅନୁରୋଧ ଓଡ଼ିଶା ଆସନ୍ତୁ ସମସ୍ତ ପ୍ରକାର ସାହାଯ୍ୟ ସହଯୋଗ ଯୋଗାଇ ଦେବେ ସରକାର ।
ଏହି ଫାର୍ମା ସମ୍ମିଳନୀରେ ମୋଟ୍ ୪୨ଟି ବୁଝାମଣା ପତ୍ର ସ୍ୱାକ୍ଷରିତ ହୋଇଛି । ୬୨୬୩ କୋଟିରୁ ଅଧିକ ଟଙ୍କାର ପୁଞ୍ଜି ନିବେଶ ହୋଇଛି । ଏହାଦ୍ୱାରା ମୋଟ୍ ୩୮,୪୦୬ ନିଯୁକ୍ତି ସୁଯୋଗ ସୃଷ୍ଟି ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି, ଦେଶର ଫାର୍ମା ସେକ୍ଟରରେ ଓଡ଼ିଶାର ନାଁ ସାମିଲ ହେବାକୁ ଯାଉଛି । ଆମର ପ୍ରଥମ ପଦକ୍ଷେପ ହେବ ଓଡ଼ିଶାକୁ ନିବେଶକ ମାନଙ୍କର ପ୍ରଥମ ପସନ୍ଦ ବନେଇବୁ । ମାତ୍ର ଦେଢ଼ ବର୍ଷରେ ଆମେ ଆମ ଲକ୍ଷ୍ୟକୁ ହାସିଲ କରିପାରିଛୁ । ଦେଶରେ ଫାର୍ମା ହବ୍ ହେବ ଓଡ଼ିଶା ।
ଗୁଣବତ୍ତାକୁ ଗୁରୁତ୍ୱ ଦିଆଯିବ । ଫାର୍ମା ନିବେଶକଙ୍କୁ ମୋର ଅନୁରୋଧ ଓଡ଼ିଶା ଆସନ୍ତୁ ସମସ୍ତ ପ୍ରକାର ସାହାଯ୍ୟ ସହଯୋଗ ଯୋଗାଇ ଦେବେ ସରକାର । ଆମର ଗ୍ୟାରେଣ୍ଟି କେବେ ପଛକୁ ବୁଲି ଦେଖିବାକୁ ପଡିବନି ।
ଡ୍ରଗ୍ ମାନୁଫାକଚରିଂ ୟୁନିଟ୍ ଖୋର୍ଦ୍ଧାରେ, ଡ଼ିଭାଇସ ମାନୁଫାକଚରିଂ ୟୁନିଟ୍ ବି ଖୋର୍ଦ୍ଧାରେ ନିର୍ମାଣ ହେବ । ଫାର୍ମା ସମ୍ମିଳନୀରେ ୨୦ ଦେଶରୁ ବଡ଼ କମ୍ପାନୀ ଆସିଛନ୍ତି । ମୋଟ୍ ୪୨ଟି ବୁଝାମଣା ପତ୍ର ସ୍ୱାକ୍ଷରିତ ହୋଇଛି । ୬୨୬୩ କୋଟିରୁ ଅଧିକ ଟଙ୍କାର ପୁଞ୍ଜି ନିବେଶ ହୋଇଛି ।
ଏହାଦ୍ୱାରା ମୋଟ୍ ୩୮,୪୦୬ ନିଯୁକ୍ତି ସୁଯୋଗ ସୃଷ୍ଟି ହେବ । ସମ୍ ଲାଇଫ ସାଇନସେସ୍ ସହିତ ରାଜ୍ୟ ସରକାରଙ୍କ ବୁଝାମଣା ପତ୍ର ସ୍ୱାକ୍ଷରିତ ହୋଇଛି । ଭୁବନେଶ୍ୱର ଗୋଠପାଟଣା ଠାରେ ହେବ ସମ୍ ଲାଇଫ୍ ସାଇନ୍ସ ଔଷଧ ଉତ୍ପାଦନ କେନ୍ଦ୍ର । ଏଠାରେ ୨୦୨୭ରୁ ଉତ୍ପାଦନ ଆରମ୍ଭ ହେବ । ଏଥିରେ ଓରାଲ ଟାବଲେଟ, ଇନଜେକ୍ଟଟେବଲସ ପ୍ରମୁଖ ନିର୍ମାଣ କରାଯିବ ।
ସେପଟେ, ଓଡ଼ିଶା ଔଷଧ ଏବଂ ଚିକିତ୍ସା ଉପକରଣ ନୀତି ୨୦୨୫ ଉନ୍ମୋଚିତ ହୋଇଛି । ପଲିସିର ମୁଖ୍ୟ ଉଦ୍ଦେଶ୍ୟ ରହିବ, ନିବେଶ, ନିଯୁକ୍ତି, ନବସୃଜନ ଏବଂ ସବୁଜ ଉତ୍ପାଦନ ମାଧ୍ୟମରେ ଔଷଧ ଏବଂ ଚିକିତ୍ସା ଉପକରଣର ପୂର୍ବାଞ୍ଚଳ କେନ୍ଦ୍ର ଭାବରେ ଓଡ଼ିଶାକୁ ଦ୍ରୁତ ଗତିରେ ପ୍ରତିଷ୍ଠା । ୨୦୩୦ ସୁଦ୍ଧା ୨୫,୦୦୦ କୋଟି ନିବେଶ ସାଙ୍ଗକୁ ୧,୦୦,୦୦୦ ପ୍ରତ୍ୟକ୍ଷ ଏବଂ ପରୋକ୍ଷ ନିଯୁକ୍ତି ଲକ୍ଷ୍ୟ ରହିଛି ।
ଏହି ନୀତିର ଲକ୍ଷ୍ୟ ହେଉଛି ନିବେଶକୁ ଆକର୍ଷିତ କରିବା ଏବଂ ସ୍ଥାନୀୟ ଉଦ୍ୟୋଗିତା ଏବଂ ଏମଏସଏମଇ ଅଭିବୃଦ୍ଧିକୁ ପ୍ରେରଣା ଦେବା, ଦକ୍ଷ ଏବଂ ଅର୍ଦ୍ଧ-ଦକ୍ଷ ବିଭାଗରେ ନିଯୁକ୍ତି ସୃଷ୍ଟି କରିବା । ଔଷଧ ଏବଂ ଚିକିତ୍ସା ଉପକରଣରେ ରପ୍ତାନୀମୁଖୀ ଉତ୍ପାଦନକୁ ଆଗକୁ ବଢାଇବା, ବିଶ୍ୱସ୍ତରୀୟ ପାର୍କ ବିକଶିତ କରି ଲକ୍ଷ୍ୟଭିତ୍ତିକ ଆର୍ଥିକ ଏବଂ ଅଣ-ଆର୍ଥିକ ପ୍ରୋତ୍ସାହନ ପ୍ରଦାନ କରି, ନିୟମ ଏବଂ ଦକ୍ଷତାକୁ ସୁଦୃଢ଼ କରିବା ଏବଂ ୨୦୩୦ ସୁଦ୍ଧା ୧,୦୦,୦୦୦ରୁ ଅଧିକ ନିଯୁକ୍ତି ସୃଷ୍ଟି କରିବା ପାଇଁ ୨୫,୦୦୦ କୋଟି ଟଙ୍କା ସଂଗ୍ରହ କରିବା
