ମେଣ୍ଟ ହେବ ନା ହେବ ନି? କାହିଁକି ସ୍ପଷ୍ଟ ହେଉନି ଚିତ୍ର?
Know why suspense continues over BJD-BJP alliance bid
ଭୁବନେଶ୍ୱର, ତା ୯/୩: ଓଡିଶା ଏବେ ପଡୁଛି, ଉଠୁଛି । ମେଣ୍ଟ ହେବ ନା ହେବନି? ୍ଣମଣ୍ଟ ହେଲେ କିଏ କେତେ ଆସନରୁ ଲଢିବ? କାହାର ଲାଭ ହେବ ଓ କାହାର କ୍ଷ୍ତି ହେବ? ଏହି ସବୁ ପ୍ରଶ୍ନ ଏବେ ଗଳିକନ୍ଦିରେ ବେଶ୍ ଚର୍ଚ୍ଚା ହେଉଛି ।
ବିଶ୍ୱସ୍ତ ସୂତ୍ରରୁ ଯାହା ଖବର ମେଣ୍ଟ ହେବା ପ୍ରୟାସ ଏକ ଗୁଜବ ନୁହେଁ । ଉଭୟ ଦଳର କିଛି ବରିଷ୍ଠ ତଥା ପ୍ରଭାବଶାଳୀ ନେତାମାନେ ଏ ନେଇ କଥାବାର୍ତା ହୋଇଥିବା ଏବଂ ହେଉଥିବା ନେଇ ଗଣମାଧ୍ୟମ ଆଗରେ ସ୍ପଷ୍ଟ ଭାବେ କହିଛନ୍ତି ।
ତେବେ କଥା ଅଟକି ଛି କେଉଁଠି ? କିଏ ସେ ଶକ୍ତିମାନ ଯିଏ କି ମେଣ୍ଟ ପ୍ରକ୍ରିୟାକୁ ଆଗକୁ ଯିବାକୁ ଦେଉନାହିଁ ବା ପ୍ରଲମ୍ବିତ କରୁଛି?
ଏଠାରେ ଉଲ୍ଲେଖଯୋଗ୍ୟ ଯେ ୨୦୦୦ ମସିହାରେ ମନମୋହନ ସାମଲଙ୍କ ନେତୃତ୍ୱାଧୀନ ବିଜେପି ସେତେବେଳେ ୮୪-୬୩ (ବିଜେଡି ୮୪/ ବିଜେପି ୬୩) ଆସନ ଫର୍ମୂଲାରେ ନିର୍ବାଚ ଲଢିଥିଲା । ଏଥିରେ ବିଜେଡି ବିଜେଡି ୬୮ଟି ସିଟ୍ ଲାଭ କରିଥିଲା ବେଳେ ବିଜେପି ୩୮ଟି ଆସନ ଲାଭ କରିଥିଲା । ଅର୍ଥାତ୍ ବିଜେଡିର ସ୍କୋରିଂ ବା ଷ୍ଟ୍ରାଇକ୍ ରେଟ୍ ୯୧ ପ୍ରତିଶତ (୮୦.୯୫) ଥିଲାବେଳେ ବିଜେପିର ଷ୍ଟ୍ରାଇକ୍ ରେଟ୍ ୫୬ ପ୍ରତିଶତ (୫୫.୮୮) ରହିଥିଲା ।
୨୦୦୪ ମସିହାରେ ବିଜେଡି ୭୨ଦଶମିକ ୬୧ ପ୍ରତିଶତ ଷ୍ଟ୍ରାଇକ୍ ରେଟ୍ରେ ୬୧ଟି ଆସନ ଜିତିଥିବାବେଳେ ୪୭ଦଶମିକ୦୫ ପ୍ରତିଶତ ଷ୍ଟ୍ରାଇକ୍ ରେଟ୍ରେ ୩୬ଟି ଆସନ ଜିତିଥିଲା । ଅର୍ଥାତ୍ ଉଭୟଙ୍କର ଷ୍ଟ୍ରାଇକ୍ ରେଟ୍ରେ ୮ ପ୍ରତିଶତ ଭୋଟ୍ ହ୍ରାସ ହୋଇଥିଲା ।
୨୦୦୯ରେ ମେଣ୍ଟ ଭାଙ୍ଗିଗଲା ପରେ ବିଜେଡିର କିଛି କ୍ଷତି ହେଲା ନାହିଁ । ଦଳ ୧୪୭ ଆସନ ଲଢି ୭୨ଦଶମିକ ୭୧ ଷ୍ଟ୍ରାଇକ୍ ରେଟ୍ରେ ୧୦୩ଟି ବିଧାନସଭା ଆସନ ଲାଭ କରିଥିବା ବେଳେ ବିଜେପି ୧୪୭ ଆସନ ଲଢି ମାତ୍ର ୬ଟି ଆସନ ପାଇଲା । ଦଳର ଷ୍ଟ୍ରାଇକ୍ ରେଟ୍୍ ହାର ମାତ୍ର ୪ଦଶମିକ ୦୮କୁ ଖସି ଆସିଲା ।
୨୦୦୦ ମସିହାରେ ଯେତେବେଳେ ମେଣ୍ଟ ଚର୍ଚ୍ଚା ହେଉଥିଲା, ସେତେବେଳେ ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପାୟୀ ଓଡିଶାର କିଛି ନେତାଙ୍କୁ ମେଣ୍ଟ ନକରିବା ପାଇଁ କହିଥିଲେ । କହିଥିଲେ ଯେ ଯଦି ମେଣ୍ଟ କରିବ, ତେବେ ଦଳ ୨୦ ବର୍ଷ ପଛକୁ ପଳାଇବ । ତାହାଁହିଁ ହେଲା । ଏବେ ଦଳର ୧୫ ବର୍ଷ ହେଲାଣି ସଂଘର୍ଷ କରୁଛି ।
ଯାହା ବିଭିନ୍ନ ସ୍ଥାନରୁ ଖବର ଆସୁଛି ଯଦି ବିଜେପି ମେଣ୍ଟ କରିବ, ତେବେ ଶତାଧିକ ଆଶାୟୀ ପ୍ରାର୍ଥୀଙ୍କ ରାଜନୈତିକ ଭାଗ୍ୟ ଅନ୍ଧକାରକୁ ଠେଲି ହୋଇଯିବ ।
ତୃଣମୂଳସ୍ତରରୁ ଯାହା ଖବର ଆସୁଛି, ଯଦି ମେଣ୍ଟ ହୁଏ ବହୁ ସଂଖ୍ୟାରେ ବିଜେପି ଆଶାୟୀ ସ୍ୱାଧୀନ ଭାବରେ ଲଢିବେ ବା କଂଗ୍ରେସକୁ ଚାଲିଯିବେ । ଦଳର କର୍ମୀ ନେତାମାନଙ୍କର ଭାବାବେଗକୁ ମନମୋହନ ସାମଲ ସିଧାସଳଖ କେନ୍ଦ୍ରିୟ ନେତାଙ୍କୁ ଜଣାଇଦେବା ପରେ ମେଂଟ ସପକ୍ଷବାଦୀଙ୍କ ଅଧିକାଂଶ ନେତାଙ୍କ ମୁଣ୍ଡ ଏବେ ଖରାପ ।
ଏବେ ଦେଖିବାର କଥା, ବିଜେପି ଅତୀତର ତ୍ରୁଟିର ସୁଧାରୁଛି ନା ପୁଣିଥରେ ସେହି ଭୂଲ କରି ବସୁଛି ।
