୧୮୮ ରନରେ ବାଂଲାଦେଶକୁ ହରାଇଲା ଭାରତ
ଚଟ୍ଟଗ୍ରାମ,୧୮/୧୨: ବାଂଲାଦେଶର ଚଟ୍ଟଗ୍ରାମସ୍ଥିତ ‘ଜହୁର୍ ଅହମଦ୍ ଚୌଧୁରୀ’ ଷ୍ଟାଡିୟମ୍ରେ ଆୟୋଜିତ ଦୁଇ-ମ୍ୟାଚ୍ ସିରିଜ୍ର ପ୍ରଥମ ଟେଷ୍ଟ୍ ମ୍ୟାଚ୍ର ୫ମ ଦିନରେ ଆଜି ବାଂଲାଦେଶକୁ ୩୨୪ ରନ୍ରେ ଆଉଟ୍ କରି ଭାରତ ୧୮୮ ରନ୍ରେ ବିଜୟୀ ହୋଇ ୧-୦ରେ ଅଗ୍ରଣୀ ରହିଛି।
ଆଜି ସକାଳ ଓଳି ଖେଳରେ ୧୧.୨ ଓଭର୍ ଖେଳି ବାଂଲାଦେଶ ୫୨ ରନ୍ ସଂଗ୍ରହ କରି ୪ ୱିକେଟ୍ ହରାଇଛି। ଗତକାଲି ଏହି ମ୍ୟାଚ୍ର ୪ର୍ଥ ଦିନରେ ଦ୍ବିତୀୟ ଇନିଙ୍ଗ୍ସ୍ ଖେଳୁଥିବା ବାଂଲାଦେଶ ୬ ୱିକେଟ୍ ବିନିମୟରେ ୨୭୨ ରନ୍ ସଂଗ୍ରହ କରିଥିଲା।
ଇୟସୂଚନାଯୋଗ୍ୟ, ଏହି ପ୍ରଥମ ଟେଷ୍ଟ୍ ମ୍ୟାଚ୍ର ଦ୍ବିତୀୟ ଇନିଙ୍ଗ୍ସ୍ରେ ୫୧୩ ରନ୍ ସଂଗ୍ରହ କରି ଭାରତ ପାଳି ଘୋଷଣା କରିଥିଲା।
ଏହି ସିରିଜ୍ର ପ୍ରଥମ ଟେଷ୍ଟ୍ ମ୍ୟାଚ୍ରେ ଭାରତ ପ୍ରଥମ ଇନିଙ୍ଗ୍ସ୍ରେ ୪୦୪ ଓ ଦ୍ବିତୀୟ ଇନିଙ୍ଗ୍ସ୍ରେ ୨୫୮ ରନ୍ ସଂଗ୍ରହ କରିଛି। ସେହିପରି, ବାଂଲାଦେଶ ପ୍ରଥମ ଇନିଙ୍ଗ୍ସ୍ରେ ୧୫୦ ଓ ଦ୍ବିତୀୟ ଇନିଙ୍ଗ୍ସ୍ରେ ୩୨୪ ରନ୍ କରିଛି।
ଦ୍ବିତୀୟ ଇନିଙ୍ଗ୍ସ୍ରେ ଭାରତୀୟ ବୋଲର୍ ଅକ୍ଷର ପଟେଲ୍ ୪ ୱିକେଟ୍ ଓ କୁଳଦୀପ ଯାଦବ ୩ ୱିକେଟ୍ ନେଇଛନ୍ତି। ସେହିପରି, ଖେଳର ୪ର୍ଥ ଦିନରେ ବାଂଲାଦେଶର ଜାକିର୍ ହସନ୍ ଶତକ ହାସଲ୍ କରି ଶ୍ରେଷ୍ଠ ରନ୍ ସଂଗ୍ରାହକ ହୋଇଛନ୍ତି।
ଏହି ସିରିଜ୍ର ଦ୍ବିତୀୟ ଟେଷ୍ଟ୍ ମ୍ୟାଚ୍ ଡିସେମ୍ବର ୨୨ ତାରିଖ ଦିନ ମିର୍ପୁରରେ ଆରମ୍ଭ ହେବ।
