ରାସ୍ତାକଡ଼ ବ୍ୟାଗରୁ ନବଜାତ ଶିଶୁକନ୍ୟା ଉଦ୍ଧାର ,ନିକଟସ୍ଥ ସିସିଟିଭି ଫୁଟେଜ୍ ରୁ ଯାଞ୍ଚ କରୁଛି ପୋଲିସ୍
August 11
12:04
2022
ଚଣ୍ଡିଖୋଲ ୧୧।୦୮: ରାସ୍ତାକଡ଼ ବ୍ୟାଗରୁ ନବଜାତ ଶିଶୁକନ୍ୟା ଉଦ୍ଧାର । ଯାଜପୁର ଜିଲ୍ଲା ବଡ଼ଚଣା ଥାନା କଡେଇ ଛକ ନିକଟରୁ ଏହି ଶିଶୁକନ୍ୟାକୁ ଉଦ୍ଧାର କରାଯାଇଛି । ଘଟଣାସ୍ଥଳରେ ବଡଚଣା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଖବର ଅନୁଯାୟୀ, ଗୁରୁବାର ଦିନ କଡେଇ ଛକ ନିକଟ ରାସ୍ତା କଡ଼ରେ ଏକ ବ୍ୟାଗ୍ରେ ନବଜାତ ଶିଶୁକନ୍ୟାଟି ପଡିଥିବା ଦେଖିଥିଲେ ସ୍ଥାନୀୟଲୋକେ । ଏହାପରେ ତୁରନ୍ତ ସ୍ଥାନୀୟଲୋକେ ବଡଚଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ପରେ ଶିଶୁଟିର ଅବସ୍ଥା ଗୁରୁତର ଥିବାର ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଛି । ଶିଶୁଟିର ଅବସ୍ଥା ଏବେ ସ୍ଥିର ରହିଛି ।
ଅନ୍ୟପଟେ ଶିଶୁଟିର ପଛପଟେ ଏକ ଅଙ୍ଗ ବଢିଥିବା ଦେଖିବାକୁ ମିଳିଛି । ତେବେ ତିନିଦିନର ଶିଶୁଟିକୁ ଏପରି କିଏ ଓ କାହିଁକି ରାସ୍ତାକଡ଼ରେ ଫିଙ୍ଗିଦେଇଛି । ସେନେଇ ବଡ଼ଚଣା ପୋଲିସ ଛାନ୍ଭିନ୍ ଆରମ୍ଭ କରିଛି ।
