ଗଛରେ ଝୁଲୁଥିବା ପ୍ରେମୀ ଯୁଗଳଙ୍କ ମୃତ ଦେହ ଉଦ୍ଧାର
ଗଞ୍ଜାମ, ୨୬/୧୨ : ଗଛରେ ଝୁଲୁଥିବା ପ୍ରେମୀ ଯୁଗଳଙ୍କ ମୃତ ଦେହ ଉଦ୍ଧାର କରାଯାଇଛି । ଗଞ୍ଜାମ ଜିଲ୍ଲା ସଦର ଥାନା ଅନ୍ତର୍ଗତ ଆଲରିଗଡ଼ ଅଞ୍ଚଳର ନିଷ୍ଟିପୁର ଜଙ୍ଗଲରୁ ମୃତ ଦେହ ମିଳିଛି ।
ପାଇ ପୋଲିସ ଘଟଣା ସ୍ଥଳରେ ପହଁଚି ମୃତ ଦେହକୁ ଜବତ କରିଛି । ମୃତକ ଦୁଇ ଜଣ ପାଟପୁର ଥାନା ଅଞ୍ଚଳର ହୋଇଥିବା ବେଳେ ଉଭୟଙ୍କ ପରିଚୟ ମିଳିପାରି ନ ଥିଲା ।
ମିଳିଥିବା ପ୍ରାଥମିକ ସୂଚନା ମୁତାବକ, ମୃତ ପ୍ରେମୀ ଯୁଗଳ ଉଭୟ ବିବାହିତ ପୁରୁଷ ଏବଂ ମହିଳା । ସେମାନଙ୍କର ୩ଟି ଲେଖାଏଁ ପିଲା ମଧ୍ୟ ଅଛନ୍ତି । ମହିଳା ଜଣକ ନିଜ ପରିବାର ସହିତ ପୁରୁଷଙ୍କ ଘର ନିକଟରେ ଭଡ଼ାରେ ରହୁଥିଲେ । ସ୍ଥାନୀୟ ଲୋକଙ୍କ କହିବା ଅନୁଯାୟୀ ଉଭୟଙ୍କ ମଧ୍ୟର ଅନୈତିକ ପ୍ରେମ ସମ୍ପର୍କ ଗଢ଼ି ଉଠିଥିଲା । ଗତ ୧୦ ଦିନ ତଳେ ଉଭୟ ନିଖୋଜ ହୋଇଯାଇଥିଲେ । ଏ ନେଇ ପାଟପୁର ଥାନାରେ ଲିଖିତ ଅଭିଯୋଗ କରାଯାଇଥିଲା । ତେବେ ଆଜି ସକାଳେ ଉଭୟଙ୍କର ଝୁଲନ୍ତା ମୃତ ଦେହ ଉଦ୍ଧାର କରାଯାଇଛି ।
ସ୍ଥାନୀୟ ଲୋକେ ମୃତ ଦେହକୁ ଜଙ୍ଗଲରେ ଦେଖି ପୋଲିସକୁ ଖବର ଦେଇଥିଲେ । ପୋଲିସ ଘଟଣା ସ୍ଥଳରେ ପହଁଚି ଦୁଇଟି ମୃତ ଦେହକୁ ଜବତ କରିଛି । ଘଟଣାସ୍ଥଳରୁ ଏକ ବିଷ ବୋତଲ ମଧ୍ୟ ଜବତ କରାଯାଇଛି । ପାରିପାର୍ଶ୍ୱିକ ସ୍ଥିତିରୁ ଏହା ଏକ ଆତ୍ମହତ୍ୟା ଜନିତ ମାମଲା ସନ୍ଦେହ କରାଯାଉଥିବାବେଳେ ପୋଲିସ ତଦନ୍ତ ଆରମ୍ଭ କରିଛି ।
