ନଭେମ୍ବର ୧ରୁ ୟୁଜି ଓ ୧୫ରୁ ପିଜିର ପ୍ରଥମ ବର୍ଷ ପିଲାଙ୍କ ଆରମ୍ଭ ହେବ ଅଫଲାଇନ ପାଠପଢ଼ା
ଭୁବନେଶ୍ୱର, ୨୭/୧୦ : କରୋନା ସଂକ୍ରମଣ କମିବା ପରେ ଏବେ ଅଫଲାଇନରେ ଆରମ୍ଭ ହେବ ପାଠପଢ଼ା। ସଂକ୍ରମଣ କମ ହେବା ସହ କରୋନା ଟିକାକରଣ ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ଏବେ ସରକାର କଟକଣାକୁ କୋହଳ କରିଛନ୍ତି।
ପ୍ରଥମ ବର୍ଷ ୟୁଜି(ସ୍ନାତକ) ଓ ପିଜି(ସ୍ନାତକୋତ୍ତର) ଛାତ୍ରଛାତ୍ରୀମାନଙ୍କ ପାଇଁ ଅଫଲାଇନ୍ ପାଠପଢ଼ା ଆରମ୍ଭ କରିବା ପାଇଁ ନିଷ୍ପତ୍ତି ନେଇଛି ଉଚ୍ଚଶିକ୍ଷା ବିଭାଗ। ନଭେମ୍ବର ୧ ଏବଂ ନଭେମ୍ବର ୧୫ରୁ ଓଡ଼ିଶାରେ ଡିଗ୍ରୀ କଲେଜ ଏବଂ ବିଶ୍ୱବିଦ୍ୟାଳୟରେ ଆରମ୍ଭ ହେବ ୟୁଜି(ସ୍ନାତକ) ଓ ପିଜି(ସ୍ନାତକୋତ୍ତର) ପାଠପଢ଼ା।
ଏହି ପରିପ୍ରେକ୍ଷୀରେ ରାଜ୍ୟ ସରକାର ସମସ୍ତ ମହାବିଦ୍ୟାଳୟର ପ୍ରିନ୍ସିପାଲ୍ ଏବଂ ସମସ୍ତ ବିଶ୍ୱବିଦ୍ୟାଳୟର କୁଳପତିମାନଙ୍କୁ ଚିଠି ଲେଖିଛନ୍ତି। ଚିଠିରେ ନଭେମ୍ବର ୧ ଏବଂ ନଭେମ୍ବର ୧୫ରୁ ୟୁଜି(ସ୍ନାତକ) ଓ ପିଜି(ସ୍ନାତକୋତ୍ତର) ଅଫଲାଇନ ପାଠପଢ଼ା ଆରମ୍ଭ କରିବାକୁ ନିର୍ଦ୍ଦେଶ ଦିଆଯିବା ସହ ସାମାଜିକ ଦୂରତା ଏବଂ ଉପଯୁକ୍ତ କରୋନା କଟକଣା ଅନୁସରଣ କରି ପାଠପଢ଼ା ଆରମ୍ଭ କରିବାକୁ କୁହାଯାଇଛି।
ଶ୍ରେଣୀଗୃହ ସହ ହଷ୍ଟେଲରେ ମଧ୍ୟ କରୋନା କଟକଣାର ପାଳନ କରାଯିବ।
