ନୂଆବର୍ଷ ପାଇଁ ଶ୍ରୀମନ୍ଦିର ପ୍ରଶାସନର ପ୍ରସ୍ତୁତି, ରାତି ସାଢ଼େ ବାରଟାରୁ ଦ୍ବାର ଫିଟା
December 31
20:30
2024
ପୁରୀ, ୩୧/୧୨: ଆସନ୍ତାକାଲି ନୂଆ ବର୍ଷ । ମହାପ୍ରଭୁଙ୍କ ଦର୍ଶନ ପାଇଁ ଶ୍ରୀକ୍ଷେତ୍ରରେ ନାହିଁ ନ ଥିବା ଭିଡ଼ । ନୂଆବର୍ଷ ଉପଲକ୍ଷେ ଶ୍ରୀମନ୍ଦିରରେ ଅନୁଷ୍ଠିତ ହେବ ସ୍ୱତନ୍ତ୍ର ନୀତିକାନ୍ତି । ଚତୁର୍ଦ୍ଧାମୂର୍ତ୍ତି ଜଲଦି ଶୋଇବେ ଆଉ ଜଲଦି ଉଠିବେ । ମଧ୍ୟରାତ୍ର ଦ୍ୱାର ଫିଟା ନୀତି ଅନୁଷ୍ଠିତ ହେବ ବୋଲି ସୂଚନା ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ ।
ନୂଆ ବର୍ଷ ଭିଡ଼କୁ ଦୃଷ୍ଟିରେ ରଖି ମଙ୍ଗଳବାର-ବୁଧବାର ରାତି ସାଢ଼େ ୧୨ଟା ସୁଦ୍ଧା ଦ୍ୱାର ଫିଟା ନୀତି ହେବାର ସମୟ ନିର୍ଘଣ୍ଟ ହୋଇଛି । ସେଥିପାଇଁ ରାତି ୧୦ରୁ ସାଢ଼େ ୧୦ ଟା ମଧ୍ୟରେ ମହାପ୍ରଭୁଙ୍କର ପହୁଡ଼ ପଡ଼ିବ । ଶୀଘ୍ର ପହୁଡ଼, ଦ୍ୱାର ଫିଟା ନୀତି ହେଲେ ଶ୍ରଦ୍ଧାଳୁଙ୍କ ଦର୍ଶନ ସହଜ ହେବ । ଦର୍ଶନ ପାଇଁ ମାର୍କେଟ୍ ଛକଠାରୁ ଧାଡ଼ିରେ ଆସିବାକୁ ପରାମର୍ଶ ଦେଇଛନ୍ତି ମୁଖ୍ୟ ପ୍ରଶାସକ ।
