ପାନ୍ ସହିତ ଆଧାର ଲିଙ୍କ୍ ଅବଧିକୁ ଆଉ ୬ ମାସ ବଢ଼ାଇଲା ଆୟକର ବିଭାଗ
![ପାନ୍ ସହିତ ଆଧାର ଲିଙ୍କ୍ ଅବଧିକୁ ଆଉ ୬ ମାସ ବଢ଼ାଇଲା ଆୟକର ବିଭାଗ](http://indusvalleytimes.com/news/wp-content/uploads/2021/09/pan-680x365_c.jpeg)
September 18
10:34
2021
ନୂଆଦିଲ୍ଲୀ, ୧୮/୯ : ସରକାର ଶୁକ୍ରବାର ପାନ୍ (ପରମାନେଣ୍ଟ ଆକାଉଣ୍ଟ ନମ୍ବର) ସହିତ ଆଧାର ଲିଙ୍କର ଅବଧିକୁ ଆଉ ୬ ମାସ ବଢ଼ାଇ ଦେଇଛନ୍ତି। ଆୟକର ବିଭାଗ ପକ୍ଷରୁ ଏ ନେଇ ଟ୍ୱିଟ୍ କରି ସୂଚନା ଦିଆଯାଇଛି। କରୋନା ଯୋଗୁ ଲୋକେ ବିଭିନ୍ନ ପ୍ରକାର ସମସ୍ୟାର ସମ୍ମୁଖୀନ ହେଉଥିବା ଯୋଗୁ ଏଭଳି ନିଷ୍ପତ୍ତି ନିଆଯାଇଥିବା ଏଥିରେ କୁହାଯାଇଛି।
ପୂର୍ବରୁ ପାନ୍ ସହିତ ଆଧାର ଲିଙ୍କର ଶେଷ ତାରିଖ ସେପ୍ଟେମ୍ବର ୩୦ ରଖାଯାଇଥିବା ବେଳେ ଏବେ ଏହାକୁ ୨୦୨୨ ମାର୍ଚ୍ଚ ୩୧ ପର୍ଯ୍ୟନ୍ତ ବଢ଼ାଇ ଦିଆଯାଇଛି। ଏହା ପୂର୍ବରୁ ମଧ୍ୟ ସରକାର ବହୁବାର ପାନ୍-ଆଧାର ଲିଙ୍କ୍ ଅବଧି ବଢ଼ାଇଥିଲେ।
ଚଳିତ ବର୍ଷ ପ୍ରାରମ୍ଭରେ ଆୟକର ବିଭାଗ ପକ୍ଷରୁ ପାନ୍-ଆଧାର ଲିଙ୍କର ଅବଧିକୁ ମାର୍ଚ୍ଚ ୩୧ରୁ ସେପ୍ଟେମ୍ବର ୩୦ ପର୍ଯ୍ୟନ୍ତ ବୃଦ୍ଧି କରାଯାଇଥିଲା। କରୋନାକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଥିଲା।