ପୁଣି ଖୋର୍ଦ୍ଧା ବସଷ୍ଟାଣ୍ଡ ନିକଟରୁ ବିପୁଳ ପରିମାଣର ବ୍ରାଉନ ସୁଗାର ଜବତ ସହ ୩ଜଣ ଗିରଫ
August 13
12:31
2021
ଖୋର୍ଦ୍ଧା, ୧୩/୮: ରାଜ୍ୟରେ ଗତ କିଛି ମାସ ଧରି ଧଳାଜହର କାରବାର ସୀମା ଟପୁଥିବା ବେଳେ ପ୍ରାୟ ସବୁ ପ୍ରାନ୍ତରେ ଏବେ ସକ୍ରିୟ ବ୍ରାଉନସୁଗାର ମାଫିଆ ।
ଶୁକ୍ରବାର ପୁଣି ରାଜଧାନୀ ନିକଟସ୍ଥ ଖୋର୍ଦ୍ଧା ବସଷ୍ଟାଣ୍ଡ ନିକଟରୁ ବିପୁଳ ପରିମାଣର ବ୍ରାଉନସୁଗାର ଜବତ୍ କରିଛି ରାଜ୍ୟ କ୍ରାଇମବ୍ରାଞ୍ଚ ଏସଟିଏଫ୍ ।
ସୂଚନା ଅନୁସାରେ ବାହାର ରାଜ୍ୟରୁ ରାଜ୍ୟ ଭିତରକୁ ଏହି ବ୍ରାଉନସୁଗାର ଜବତ୍ ଚାଲାଣ କରାଯାଉଥିବା ବେଳେ ପୋଲିସ୍ ହାତରେ ଧରାପଡିଥିଲେ ।
ଏହି ମାମଲାରେ ଏସଟିଏଫ୍ ଦ୍ୱାରା ୩ ଜଣ ଡ୍ରଗ୍ସ ପେଡ଼ଲର ଗିରଫ କରାଯାଇଥିବା ବେଳେ ପ୍ରାୟ ୧ କେଜି ୩୨ ଗ୍ରାମ ବ୍ରାଉନସୁଗାର ଜବତ୍ କରାଯାଇଥିବା ସୂଚନା ମିଳିଛି । ଯାହାର ଆନୁମାନିକ ବଜାର ମୂଲ୍ୟ ୧ କୋଟି ୨୦ ଲକ୍ଷ ଟଙ୍କା ହେବ ବୋଲି ଜଣାପଡିଛି ।
ଘଟଣାରେ ତିନି ଜଣଙ୍କୁ ଗିରଫ କରିଛି କ୍ରାଇମବ୍ରାଞ୍ଚ । ଗିରଫ ଅଭିଯୁକ୍ତ କଟକର ଅଫତାବ, ଭଦ୍ରକର ମୁନ୍ନା ଓ ଖୋର୍ଦ୍ଧାର ସୌରଭ ପଟ୍ଟନାୟକ ବୋଲି ଜଣାପଡିଛି ।