ବିଜେଡିର ରାଜ୍ୟ କାର୍ଯ୍ୟକାରିଣୀ ବୈଠକ, ସ୍ୱତନ୍ତ୍ର ରାଜ୍ୟ ମାନ୍ୟତା ପାଇଁ ଲଢେଇ ଜାରି ରହିବ
![ବିଜେଡିର ରାଜ୍ୟ କାର୍ଯ୍ୟକାରିଣୀ ବୈଠକ, ସ୍ୱତନ୍ତ୍ର ରାଜ୍ୟ ମାନ୍ୟତା ପାଇଁ ଲଢେଇ ଜାରି ରହିବ](http://indusvalleytimes.com/news/wp-content/uploads/2020/09/naveen-patnaik-680x365_c.jpg)
ଭୁୁବନେଶ୍ୱର,୨୦/୧୨: ବିଜେଡିର ରାଜ୍ୟ କାର୍ଯ୍ୟକାରିଣୀ ବୈଠକ ରବିବାର ଦିନ ଅନୁଷ୍ଠିତ ହୋଇଛି । ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ରାଜ୍ୟ ମୁଖ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ହୋଇଛି ।
ଯେଉଁଥିରେ କେନ୍ଦ୍ର ଅବହେଳା ପ୍ରସଙ୍ଗ ଦୋହରାଇଲା ଥିଲା ଦଳ । କେନ୍ଦ୍ରର ଅବହେଳା, ରାଜ୍ୟର ବିକାଶ ଦିଗରେ ବାଧକ। ତେବେ ସ୍ୱତନ୍ତ୍ର ରାଜ୍ୟ ମାନ୍ୟତା ପାଇଁ ଲଢେଇ ଜାରି ରହିବ ବୋଲି ମଧ୍ୟ ଦଳ କହିଛି । ଏସବୁ ସତ୍ତ୍ୱେ ରାଜ୍ୟରେ ସମସ୍ତ ଲୋକାଭିମୁଖି କାର୍ଯ୍ୟ ଜାରି ରହିବ ବୋଲି ବିଜେଡି ପକ୍ଷରୁ କୁହାଯାଇଛି ।
ସେହିପରି ରାଜ୍ୟ କାର୍ଯ୍ୟକାରିଣୀ ବୈଠକରେ ୮ଟି ପ୍ରସ୍ତାବ ରହିଛି ।
ମହାବାତ୍ୟାରୁ ମହାମାରୀ ପର୍ଯ୍ୟନ୍ତ ସବୁ ବାଧାବିଘ୍ନକୁ ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ବିଜେଡି ଦଳ ମୁକାବିଲା କରିପାରିଛି ବୋଲି ଦଳ କହିଛି । ସେହିପରି କୃଷି ଓ କୃଷକ ପାଇଁ ଲଢ଼େଇ ଜାରି ରହିବ । ସ୍ୱତନ୍ନ ରାଜ୍ୟମନ୍ୟତା ପାଇଁ ଓଡ଼ିଶା ଲଢ଼େଇ ଜାରି ରଖିବ । ଏ ପ୍ରସଙ୍ଗରେ ପ୍ରତିଶ୍ରୁତି ଦେଇ ପ୍ରତାରଣା କରିଛି କେନ୍ଦ୍ର । ମହିଳା ଶସକ୍ତି କରଣ ପାଇଁ ପ୍ରସ୍ତାବ । ପଂଚାୟତ ବ୍ୟବସ୍ଥା ମାଧ୍ୟମରେ ମହିଳାମାନଙ୍କୁ ସଂରକ୍ଷଣ ଦିଆଯାଇଛି । ବିଧାନସଭାରେ ଓ ସାଂସଦରେ ମହିଳାମାନଙ୍କୁ ପାଇଁ ୩୩ପ୍ରତିଶତ ସଂରକ୍ଷଣ ପାଇଁ ଦାବି କରିଛି ଦଳ ।
ସେହିପରି ଓଡ଼ିଶାର ସଂସ୍କୃତି ଐତିହ୍ୟର ସୁରକ୍ଷା ପ୍ରାଇଁ ପ୍ରସ୍ତାବ । ଓଡ଼ିଶାର ବର ପୁତ୍ର ମାନଙ୍କ ଗାଁକୁ ଆଦର୍ଶ ଗାଁ ହିସାବରେ ଗ୍ରହଣ କରାଯାଉ ।
ଭର୍ଚୁଆଲ ମାଧ୍ୟମରେ ବୈଠକରେ ସାମିଲ ହୋଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବୈଠକରେ ୮୦ ଜଣ କାର୍ୟ୍ୟକାରିଣୀ ସଦସ୍ୟ ଯୋଗ ଦେଇଥିଲେ ।
ତେବେ ସାଙ୍ଗଠନିକ ନିର୍ବାଚନ ସରିବା ପରେ ଏହା ବିଜେଡିର ପ୍ରଥମ କାର୍ଯ୍ୟକାରିଣୀ ।