ବୌଦ୍ଧ ଜିଲ୍ଲାର ଉପାନ୍ତ ଅଞ୍ଚଳରେ ପନିପରିବା ଚାଷ ତାଲିମ ସହିତ କ୍ଷେତ୍ର ପରିଦର୍ଶନ କଲେ କୃଷି ବୈଜ୍ଞାନିକ
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ /ହରଭଙ୍ଗା ,୪/୧୨ : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ କୁଶଙ୍ଗ ପଂଚାୟତ କୁମାରୀ ଗ୍ରାମରେ ବୌଦ୍ଧ ପାଳଝାର ସ୍ଥିତ କୃଷି ବିଜ୍ଞାନ କେନ୍ଦ୍ର ତରଫରୁ କୃଷିଜୀବୀ ମହିଳା ମାନଙ୍କୁ ନେଇ ପନିପରିବା ଚାଷ ଉପରେ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଉକ୍ତ କାର୍ଯ୍ୟକ୍ରମରେ ଗ୍ରାମର ସ୍ୱୟଂ ସହାୟିକା ଦଳର ମହିଳା ଚାଷୀ ମାନଙ୍କୁ ନେଇ ଏକ ଦିବସ୍ୟୀ ତାଲିମ ଶିବିର ଅନୁଷ୍ଠିତ ହୋଇଯାଇଛି ।
କୃଷି ବିଜ୍ଞାନ କେନ୍ଦ୍ରର ବରିଷ୍ଠ ବୈଜ୍ଞାନିକ ଡା ତପନ କୁମାର ଦାସ,ଡା ମୟୂରୀ ସିଂ ସରଦାର ଓ ଡା ସମାପିକା ଦଳେଇ ଯୋଗ ଦେଇ ଉପସ୍ଥିତ କୃଷକ ମାନଙ୍କୁ ଧାନ ଚାଷ ପରେ ମୁଗ, ବିରି, ପନିପରିବା ଚାଷ କରିବା ପାଇଁ ପରାମର୍ଶ ଦେଇ କିପରି ଚାଷ କଲେ ନିଜ ପରିବାରର ଅର୍ଥନୌତିକ ଅଭିବୃଦ୍ଧି ହେବ ତାଲିମ ପ୍ରଦାନ କରିଥିଲେ ।
ଏହି ଶିବିରରେ ୬୦ରୁ ଅଧିକ ମହିଳା ଚାଷୀ ଯୋଗ ଦେଇଥିଲା ବେଳେ ଅତିଥି ଭାବେ ଅତିରିକ୍ତ ଜିଲ୍ଲା ମଙ୍ଗଳ ଅଧିକାରୀ ସମୀର ରଞ୍ଜନ ରାଏ ଯୋଗ ଦେଇଥିଲେ । ଶେଷରେ ମହିଳା ମାନେ କରିଥିବା ପନିପରିବା ଚାଷ କ୍ଷେତ୍ର ପରିଦର୍ଶନ କରିଥିଲେ ।
