ଭାଜପା ପକ୍ଷରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୭୧ତମ ଜନ୍ମ-ଦିବସ ଓ କୃଷକ-ସୈନିକ ସମ୍ମାନ ଦିବସ
ଗଣେଶ କୁମାର ରାଜୁଙ୍କ ରିପୋର୍ଟ
ପାରଳାଖେମୁଣ୍ଡି,୧୭/୯: ପାରଳାଖେମୁଣ୍ଡି ସ୍ଥିତ ସାଇଲାମ କଲ୍ୟାଣ ମଣ୍ଡପ ପରିସରରେ ଶୁକ୍ରବାର ଗଜପତି ଜିଲ୍ଲା ଭାରତୀୟ ଜନତା ପାର୍ଟି କୃଷକ ମୋର୍ଚ୍ଚା ପକ୍ଷରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ୭୧ ତମ ଜନ୍ମ ଦିବସ ତଥା ସେବା ସମର୍ପଣ ଦିବସ ଅଭିଯାନ ପାଳନ ଅବସରରେ କୃଷକ-ସୈନିକ ସମ୍ମାନ ଦିବସ କାର୍ଯ୍ୟକ୍ରମ ପାଳିତ ହୋଇଯାଇଛି ।
ଗଜପତି ଜିଲ୍ଲା ଭାଜପା କୃଷକ ମୋର୍ଚ୍ଚା ସଭାପତି ଶ୍ରୀ ପ୍ରଶାନ୍ତ କୁମାର ପାଳଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ରାଜ୍ୟ କାର୍ଯ୍ୟକାରିଣୀର ବରିଷ୍ଠ ସଭ୍ୟ ଶ୍ରୀ ସିଦ୍ଧେଶ୍ବର ମିଶ୍ର , ଭାଜପା ଜିଲ୍ଲା ସାଧାରଣ ସମ୍ପାଦକ ଶ୍ରୀ ନୃସିଂହ ଚରଣ ପଟନାୟକ , ଉପସଭାପତି ଶ୍ରୀ ଜଗନ୍ନାଥ ମହାପାତ୍ର , ପୂର୍ବତନ ଜିଲ୍ଲା ସଭାପତି ଶ୍ରୀ ମୁଲି ଗୋପାଳ ରାଓ ଏବଂ ରାଜ୍ୟ କୃଷକ ମୋର୍ଚ୍ଚାର କାର୍ଯ୍ୟ କାରିଣୀ ସଭ୍ୟ ଶ୍ରୀ ପିନିଟି କ୍ରାନ୍ତି ପ୍ରମୁଖ ମଞ୍ଚଆସିନ ଥିଲେ ।
ମଞ୍ଚାସିନ ବ୍ୟକ୍ତି ମାନେ ମୁଖ୍ୟତଃ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ କର୍ମମୟ ଜୀବନୀ ଆଲୋଚନା କରିଥିଲେ । ଶ୍ରୀ ମୋଦୀ ପ୍ରଧାନମନ୍ତ୍ରୀ ଦାୟିତ୍ୱ ନେବା ପରେ ଅନ୍ତର୍ଜାତୀୟ ସ୍ତରରେ ଭାରତର ମର୍ଯ୍ୟାଦା ଓ ଭାବମୂର୍ତ୍ତି କିଭଳି ବୃଦ୍ଧି ପାଇଛି ।
ଅନ୍ୟପକ୍ଷରେ ଆତଙ୍କବାଦ ବିରୁଦ୍ଧରେ ସମଗ୍ର ବିଶ୍ୱକୁ ଏକତ୍ରିତ କରିବାରେ ତାଙ୍କର ଗୁରୁତ୍ୱପୂର୍ଣ୍ଣ ଭୂମିକା ଓ ଭାରତୀୟ ଯୋଗ ପରମ୍ପରାକୁ ବିଶ୍ୱ ଦରବାରରେ ପହଞ୍ଚାଇବା ଦିଗରେ ତାଙ୍କର ଅବଦାନ ସମ୍ପର୍କରେ କହିଥିଲେ ।
ନରେନ୍ଦ୍ର ମୋଦୀଙ୍କ ପ୍ରଧାନମନ୍ତ୍ରୀତ୍ୱ ଓ ଗୁଜୁରାଟର ମୁଖ୍ୟମାତୃ ଭାବେ ଦେଶପ୍ରତି ତାଙ୍କ ସେବା-ସମର୍ପଣର ଆଜି ୨୦ ବର୍ଷ ପୂରଣ ହୋଇଛି ।
ତେଣୁ ତାଙ୍କର ଆଜି ୧୭ ତାରିଖ ଜନ୍ମ-ଦିବସ ଠାରୁ ଆସନ୍ତା ଅକ୍ଟୋବର ୭ ତାରିଖ ପର୍ଯ୍ୟନ୍ତ ୨୦ ଦିନ ଧରି ଭାଜପା ପକ୍ଷରୁ ସେବା ଓ ସମର୍ପଣ ଅଭିଯାନ ପାଳନ କରାଯିବ ବୋଲି କୁହା ଯାଇଥିଲା ।
ମୁଖ୍ୟତଃ ଏହି ସେବା ଓ ସମର୍ପଣ ଅଭିଯାନ ପାଳନ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବ୍ୟକ୍ତିତ୍ୱ , କୃତିତ୍ୱ , ଜନସେବା ଓ ଦିବ୍ୟାଙ୍ଗ ମାନଙ୍କ ପାଇଁ ସମର୍ପିତ ସେବା ପ୍ରଭୃତି ଉପରେ ଆଲୋଚନାର ମୁଖ୍ୟ ବିଷୟ ହେବ ବୋଲି କୁହାଯାଇଛି ।
ଶେଷରେ ବହୁ କୃଷକ ଓ ସୈନିକ ମାନଙ୍କୁ ଦଳୀୟ ଟୋପି , ଉତ୍ତରୀୟ ଓ ପ୍ରମାଣପତ୍ର ଦେଇ ସମ୍ମାନିତ କରା ଯାଇଥିଲା ।