ମହିଳା ସାମ୍ବାଦିକା ଆଙ୍କରିଂ ଉପରେ ଲାଗିଲା ରୋକ: ଏଣିକି ତାଲିବାନ ଆଙ୍କର ଟିଭିରେ ଖବର ପଢ଼ିବେ
କାବୁଲ ୧୮/୮: ଆଫଗାନିସ୍ତାନ ଦଖଲ କରିବା ପରେ ତାଲିବାନୀମାନେ ମହିଳା ସାମ୍ବାଦିକା ଆଙ୍କରିଂ ଉପରେ ପ୍ରତିବନ୍ଧକ ଲଗାଇଛି । ତାଲିବାନ ଦ୍ୱାରା ଏକ ସରକାରୀ ନ୍ୟୁଜ୍ ଚ୍ୟାନେଲର ଜଣେ ମହିଳା ନ୍ୟୁଜ୍ ଆଙ୍କରଙ୍କୁ ବରଖାସ୍ତ କରାଯାଇଛି ।
ବର୍ତ୍ତମାନ ତାଲିବାନ ଆଙ୍କର୍ ଟିଭିରେ ଖବର ପଢିବେ । ଖଦିଜା ଆମିନା ନାମକ ଜଣେ ମହିଳା ସରକାରୀ ଖବର ଚ୍ୟାନେଲରେ ଆଙ୍କର୍ ଥିଲେ, ତାଙ୍କୁ ମଧ୍ୟ ହଟାଇ ଦିଆଯାଇଛି ।
ଏହାର ଗୋଟିଏ ଦିନ ପୂର୍ବରୁ ତାଲିବାନ କହିଥିଲା ଯେ ମହିଳାଙ୍କ ସ୍ୱାର୍ଥ ରକ୍ଷା କରାଯିବ। ବର୍ତ୍ତମାନ ତାଲିବାନ କହୁଛି ମହିଳାମାନଙ୍କୁ କେବଳ ସରିଆ ନିୟମ ଅନୁଯାୟୀ କାମ କରିବାକୁ ଅନୁମତି ଦିଆଯାଇଛି ।
ବହିଷ୍କୃତ ହେବା ପରେ ଆଫଗାନିସ୍ତାନ ନ୍ୟୁଜ୍ ଆଙ୍କର୍ ଖାଡିଜା ଆମିନା କହିଛନ୍ତି, ‘ମୁଁ କ’ଣ କରିବି, ପରବର୍ତ୍ତୀ ପିଢୀରେ କୌଣସି କାମ ହେବ ନାହିଁ । ୨୦ ବର୍ଷରେ ଯାହା ହାସଲ ହୋଇଛି ତାହା ଦୂର ହୋଇଯିବ ।
ତାଲିବାନ ହେଉଛନ୍ତି ତାଲିବାନ, ଯେଉଁମାନେ କି କେବ ବି ପରିବର୍ତ୍ତନ ହେବେନାହିଁ । ସୂଚନା ଥାଉକି, ଦିନକ ପୂର୍ବରୁ ତାଲିବାନ ମୁଖପାତ୍ର ଜାବିହୁଲ୍ଲା ମୁଜାହିଦ୍ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ବର୍ତ୍ତମାନ ଆଫଗାନିସ୍ତାନ ମୁକ୍ତ ହୋଇଛି ।
ପୂର୍ବ ସରକାରରେ ମହିଳାଙ୍କ ଉପରେ ଅନେକ କଡା ପ୍ରତିବନ୍ଧକ ଲଗାଯାଇଥିଲା । ଏଥି ସହିତ, ତାଙ୍କ ଶାସନ କାଳରେ ମହିଳାଙ୍କ ପ୍ରତି କୌଣସି ଭେଦଭାବ ହେବ ନାହିଁ । ମୁଜାହିଦ୍ ଅନୁଯାୟୀ ମହିଳାମାନଙ୍କୁ ଇସଲାମିକ୍ ଆଇନର ନିୟମ ଅନୁଯାୟୀ ଅଧିକାର ଦିଆଯିବ ।
ମହିଳାମାନେ ସ୍ୱାସ୍ଥ୍ୟ କ୍ଷେତ୍ର ଏବଂ ଅନ୍ୟାନ୍ୟ କ୍ଷେତ୍ରରେ କାର୍ଯ୍ୟ କରିବାର ସ୍ୱାଧିନତା ପାଇବେ । ସୂଚନା ଥଉକି, ୨୦ ବର୍ଷ ପୂର୍ବେ ତାଲିବାନର ଶାସନ ସମୟରେ ଆଫଗାନିସ୍ତାନର ମହିଳାମାନେ ଘରର ଚାରି କାନ୍ଥରେ ସୀମିତ ରହିଥିଲେ ।
ଏପରିକି ସେତେବେଳେ ମହିଳାଙ୍କ ଜୀବନ ଏବଂ ଅଧିକାର ଉପରେ ଅନେକ କଠୋର ପ୍ରତିବନ୍ଧକ ଲଗାଯାଇଥିଲା । ଏବେ ତାଲିବାନ ପୁଣି ଥରେ କ୍ଷମତାକୁ ଆସିଛି । ଏଭଳି ପରିସ୍ଥିତିରେ ଆଫଗାନିସ୍ତାନ ମହିଳାଙ୍କ ସୁରକ୍ଷା ଏବଂ ଅଧିକାର ସବୁଠୁ ବଡ ସମସ୍ୟା ହୋଇ ରହିଛି ।
-ପ୍ରମେୟ
