ରାଜେନ୍ଦ୍ର ବିଶ୍ଵବିଦ୍ୟାଳୟ ଏବଂ ଓଡ଼ିଶା ରସାୟନ ବିଭାଗର ମିଳିତ ଆନୁକୁଲ୍ୟରେ ଏକ ଦିବସୀୟ ପାଠଚକ୍ର ଅନୁଷ୍ଠିତ
ମହେନ୍ଦ୍ର କୁମାର ଦର୍ଜିଙ୍କ ରିପୋର୍ଟ
ବଲାଙ୍ଗିର, ୧୨/୧୨: ରାଜେନ୍ଦ୍ର ବିଶ୍ଵବିଦ୍ୟାଳୟ ର ରସାୟନ ବିଭାଗ ଏବଂ ଓଡ଼ିଶା ରସାୟନ ବିଭାଗୀୟ ସଂସ୍କାର ମିଳିତ ଆନୁକୁଲ୍ୟରେ ଏକ ଦିବସୀୟ ପାଠଚକ୍ର ବିଶ୍ଵବିଦ୍ୟାଳୟ ପରିସରରେ ଅନୁଷ୍ଠିତ ହୋଇ ଯାଇଛି।
ଏହି ପାଠଚକ୍ରରେ ବିଶ୍ଵବିଦ୍ୟାଳୟ ର କୁଳପତି ପ୍ରଫେସର ଉମାବଲ୍ଲଭ ମହାପାତ୍ର ଙ୍କ ସଭାପତିତ୍ବ ରେ ଶୁଭାରମ୍ଭ ହୋଇଥିଲା। ଅନ୍ୟତମ ସମ୍ମାନିତ ଅତିଥି ଭାବେ ଓଡ଼ିଶା ରସାୟନ ବିଭାଗ ସଂସ୍କାର ସଭାପତି ପ୍ରଫେସର ଅଜୟ କୁମାର ବେହେରା,ସ୍ନାତକୋତ୍ତ ପରିଷଦ ର ଅଧ୍ୟକ୍ଷ ପ୍ରଫେସର ରାଜକିଶୋର ପାତ୍ର,ରସାୟନ ବିଭାଗର ମୁଖ୍ୟ ଓ ସହାୟକ ପ୍ରଫେସର ସତ୍ୟନାରାୟଣ ଗଉଲିଆ ସମ୍ମାନିତ ଅତିଥି ଭାବେ ଯୋଗଦେଇଥିଲେ।
ବିଷୟ ବିଶେଷଜ୍ଞ ଭାବେ ସମ୍ବଲପୁର ବିଶ୍ବ ବିଦ୍ୟାଳୟ ର ରସାୟନ ବିଜ୍ଞାନ ବିଭାଗ ପ୍ରଫେସର ବିଜୟ କୁମାର ମିଶ୍ର,ଅମ୍ରିଶ ମିଶ୍ର,ପ୍ରଫେସର ସତ୍ୟନାରାୟଣ ସାହୁ,ପ୍ରଫେସର ହିରକ୍ ଚକ୍ରବର୍ତ୍ତୀ ଏବଂ ପଦାର୍ଥ ବିଜ୍ଞାନ ର ପ୍ରଫେସର ଦିବାକର ସାହୁ, ପ୍ରତିରକ୍ଷା ଗବେଷଣା ଉନ୍ନୟନ ପରିଷଦ ର ବୈଜ୍ଞାନିକ ଡଃ ସରୋଜ କୁମାର ସାହୁ ଯୋଗଦାନ କରିଥିଲେ।
ବିଷୟ ବିଶେଷଜ୍ଞ ମାନେ Frontiers in chemical science ର ବିବିଧ ଦିଗ ଉପରେ ପର୍ୟ୍ୟାଲୋଚନା କରିଥିଲେ।ବିଭାଗର ସହାୟକ ପ୍ରଫେସର ତଥା ଆୟୋଜକ ସଂସ୍କାର ସଂଯୋଜକ ଭାବେ ଡଃ ଅର୍ଚନାମୟୀ ବେହେରା ତାଙ୍କ ଦାୟିତ୍ଵ କୁ ସୂଚାରୁ ରୂପେ ସମ୍ପାଦନା କରିଥିଲେ।
ଅନୁଷ୍ଠାନ ର ସହାୟକ ପ୍ରଫେସର ଡ଼ଃ ଗଜେନ୍ଦ୍ର କୁମାର ପ୍ରଧାନ ଧନ୍ୟବାଦ୍ ଅର୍ପଣ କରିଥିଲେ।ଏହି ଏକ ଦିବସୀୟ ପାଠଚକ୍ର ରେ ବିଶ୍ଵବିଦ୍ୟାଳୟ ର ବିଭିନ୍ନ ବିଭାଗର ବିଭାଗୀୟ ମୁଖ୍ୟ ପ୍ରଧ୍ୟାପକ,ପ୍ରଧ୍ୟାପିକା,ଛାତ୍ର ଛାତ୍ରୀ ବିପୁଳ ସଂଖ୍ୟାରେ ଯୋଗଦାନ କରି ଏହି ସଭାକୁ ସାଫଲ୍ୟ ମଣ୍ଡିତ କରିଥିଲେ।
