ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ବଡ଼ ପରିବର୍ତ୍ତନ ଘୋଷଣା : ଏଣିକି ଦୁଇଟି ସିଫ୍ଟରେ କାମ କରିବେ କର୍ମଚାରୀ ଓ ଅଧିକାରୀ
ନୂଆଦିଲ୍ଲୀ ୯/୭: ରେଳମନ୍ତ୍ରୀ ଭାବରେ ଦାୟୀତ୍ୱ ନେଉ ନେଉ ଅଶ୍ୱିନୀ ବୈଷବ ବଡ ପରିବର୍ତ୍ତନ ଘୋଷଣା କରିଛନ୍ତି । ରେଳ ମନ୍ତ୍ରୀଙ୍କ ଘୋଷଣା ଅନୁଯାୟୀ ମନ୍ତ୍ରଣାଳୟ ସହିତ ସଂଯୁକ୍ତ ବିଭାଗର କର୍ମଚାରୀ ଓ ଅଧିକାରୀମାନେ ଏଣିକି ଦୁଇଟି ସିଫ୍ଟରେ କାମ କରିବେ । ରେଳ, ଯୋଗାଯୋଗ ଏବଂ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀଙ୍କ କାର୍ଯ୍ୟାଳୟରୁ ଏକ ନୋଟିସ ଜାରି କରାଯାଇଛି ।
ଯେଉଁଥିରେ କୁହାଯାଇଛି ଯେ ରେଳମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ ମନ୍ତ୍ରଣାଳୟର ସମସ୍ତ କର୍ମଚାରୀ ଦୁଇଟି ସିଫ୍ଟରେ କାମ କରିବେ । ପ୍ରଥମ ସିଫ୍ଟ ସକାଳ ୭ ଟାରୁ ଆରମ୍ଭ ହୋଇ ଅପରାହ୍ନ ୪ ଟା ପର୍ଯ୍ୟନ୍ତ ଚାଲିବ । ଦ୍ୱିତୀୟ ସିଫ୍ଟ ଅପରାହ୍ନ ୩ ଟାରୁ ଆରମ୍ଭ ହୋଇ ରାତି ୧୨ଟା ପର୍ଯ୍ୟନ୍ତ ଚାଲିବ । ରେଳ ବୋର୍ଡ ଅଧିକାରୀ ସ୍ପଷ୍ଟ କରିଛନ୍ତି ଯେ ଏହି ନିର୍ଦ୍ଦେଶ ଅନୁଯାୟୀ କେବଳ ମନ୍ତ୍ରୀ ସେଲର ଲୋକ ଆସିବେ ।
ଘରୋଇ ଏବଂ ରେଳ କର୍ମଚାରୀମାନେ ପୂର୍ବ ପରି କାର୍ଯ୍ୟ କରିବେ । ଗୁରୁବାର ଦିନ ଦାୟିତ୍ୱ ଗ୍ରହଣ କରିବା ପରେ ମନ୍ତ୍ରୀ ଅଶ୍ୱିନୀ ବୈଷବ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦିଗଦର୍ଶନର ଏକ ଗୁରୁତ୍ୱପୂର୍ଣ୍ଣ ଅଂଶ । ରେଳବାଇ ମାଧ୍ୟମରେ ଲୋକଙ୍କ ଜୀବନକୁ ପରିବର୍ତ୍ତନ କରିବାକୁ ପଡିବ । ଯାହାଫଳରେ ସାଧାରଣ ମଣିଷ, କୃଷକ, ଗରିବ ଲୋକ ଏହାର ଲାଭ ପାଇବେ ।
