Indus Valley Times

ବାରଙ୍ଗ, ୧/୧୨ : ପୁଅ ଓ ବୋହୂଙ୍କୁ ପେଟ୍ରୋଲ୍ ଢାଳି ବୃଦ୍ଧ ନିଆଁ ଲଗାଇବା ଘଟଣାରେ ସାମନାକୁ ଆସିଛି ଦୁଃଖଦ ଖବର । କଟକ ଘରୋଇ ମେଡିକାଲରେ ଚିକିତ୍ସାଧୀନ ଅବସ୍ଥାରେ ବୋହୂଙ୍କର ମୃତ୍ୟୁ ଘଟିଛି। ଗୁରୁତର ଥିବା ପୁଅଙ୍କର ଆଇସିୟୁରେ ଚିକିତ୍ସା ଚାଲିଛି।
ସୂଚନା ଅନୁସାରେ ଶନିବାର ସଂଧ୍ୟା ସମୟରେ ଅଭିଯୁକ୍ତ ଗୋବର୍ଦ୍ଧନଙ୍କ ଘରେ ପାଟିତୁଣ୍ଡ ଆରମ୍ଭ ହୋଇଥିଲା । ଏହାର କିଛି ସମୟ ପରେ ହଠାତ ତାଙ୍କ ଘରୁ ବଡ ପାଟିରେ ଚିକ୍ରାର ଶୁଣାଯାଇଥିଲା । ଯାହା ଶୁଣି ପଡୋଶୀମାନେ ଧାଇଁ ଯାଇଥିଲେ । ସେତବେଳକୁ ପୁଅ ବୋହୂଙ୍କ ଶରୀରର ବହୁ ଅଂଶ ଜଳିଯାଇଥଲା । ତେବେ ଗୋବର୍ଦ୍ଧନ ସେମାନଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇଦେଇଥିବା ପୁଅ ଦୀନବନ୍ଧୁ କହିଥିବା ବେଳେ ଗୋବର୍ଦ୍ଧନ କିନ୍ତୁ ନିର୍ବିକାର ଭାବରେ ବାରଣ୍ଡାରେ ବସିଥିଲେ । ଏନେଇ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ଏହାପରେ ପୋଲିସ ଘଟଣା ସ୍ଥଳରେ ପହଂଚି ଆମ୍ବୁଲାନ୍ସ ଯୋଗେ କଟକ ପଠାଇଥିବା ବେଳେ ଅଭିଯୁକ୍ତ ଗୋବର୍ଦ୍ଧନ ରାଉତଙ୍କୁ ଅଟକ ରଖିଛି ପୋଲିସ ।