୯ ବର୍ଷ ବୟସରେ ଦଶମ ପାସ୍, ୧୪ ବର୍ଷରେ ସ୍ନାତକ ଡିଗ୍ରୀ ହାସଲ କରି ଇତିହାସ ସୃଷ୍ଟି କଲେ ଅଗସ୍ତ୍ୟ
ମାତ୍ର ୯ବର୍ଷ ବୟଷରେ ଦଶମ ପାସ୍ , ୧୧ ବର୍ଷ ବୟସରେ ଅଗସ୍ତ୍ୟ ଜୈସୱାଲ ଯୁକ୍ତ ଦୁଇ ପାସ୍ ଓ ୧୪ବର୍ଷରେ ସ୍ନାତକ ଡିଗ୍ରୀ ହାସଲ କରି ଇତିହାସ ରଚିଛନ୍ତି ହାଇଦ୍ରାବାଦର ଅଗସ୍ତ୍ୟ ଜୈସୱାଲ । ଭାରତର ପ୍ରଥମ ଛାତ୍ର ଭାବେ ଅଗସ୍ତ୍ୟ ଏତେ କମ୍ ବୟଷରେ ସଫଳତା ହାସଲ କରିଛନ୍ତି । ତା’ସାଙ୍ଗକୁ ସେ ଜଣେ ଜାତୀୟ ସ୍ତରର ଟେବୁଲ୍ ଟେନିସ୍ ଖେଳାଳି ମଧ୍ୟ ।
ଅଗସ୍ତ୍ୟ ଜୈସୱାଲ ହାଇଦ୍ରାବାଦର ଓସମାନିଆ ବିଶ୍ୱବିଦ୍ୟାଳୟରୁ ସାମ୍ବାଦିକତା ଓ ଗଣଯୋଗାଯୋଗରେ ସ୍ନାତକ ଡିଗ୍ରୀ ହାସଲ କରିଛନ୍ତି। ଅଗସ୍ତ୍ୟ ଅନ୍ୟ ଏକ ପ୍ରତିଭା ହେଉଛି ସେ ଦୁଇ ହାତରେ ଲେଖିବାରେ ଧୁରନ୍ଧର । ଅଗସ୍ତ୍ୟଙ୍କ ଏଭଳି ପ୍ରତିଭା ଦେଖି ପିତାମାତା ତାଙ୍କ ପାଇଁ ବେଶ ଗର୍ବିତ ବୋଲି କହିଛନ୍ତି ।
ଅଗସ୍ତ୍ୟ ଜୈସୱାଲ ଜଣେ ବହୁ ପ୍ରତିଭାବାନ ପିଲା । ପାଠ ପଢା ସହ ଅନ୍ୟକଳାରେ ମଧ୍ୟ ସେ ଧୁରନ୍ଧର। ସେ ଜଣେ ଗାୟକ ଏବଂ ପିଆନୋ ବାଦକ ମଧ୍ୟ। ଏହା ବ୍ୟତୀତ ସେ ଜଣେ ଆନ୍ତର୍ଜାତୀୟ ମୋଟିଭେସନାଲ୍ ବକ୍ତା ଭାବେ ମଧ୍ୟ ପରିଚିତ। ଅଗସ୍ତ୍ୟ ଜୈସୱାଲଙ୍କ ପିତାମାତାଙ୍କ କହିବା କଥା “ପ୍ରତ୍ୟେକ ପିଲାର କିଛି ବିଶେଷ ଗୁଣ ଅଛି, ଯଦି ସମସ୍ତଙ୍କ ପିତାମାତା ତାଙ୍କ ପିଲା ପ୍ରତି ବିଶେଷ ଧ୍ୟାନ ଦିଅନ୍ତି ତେବେ ସେମାନଙ୍କ ପିଲା ମଧ୍ୟ କୌଣସି ନା କୌଣସି କ୍ଷେତ୍ରରେ ଇତିହାସ ସୃଷ୍ଟି କରିପାରିବେ ।
ଏହାପୂର୍ବରୁ ଅଗସ୍ତ୍ୟ ଜୈସୱାଲ ତେଲେଙ୍ଗାନାର ପ୍ରଥମ ଛାତ୍ର ଯିଏକି ୯ ବର୍ଷ ବୟସରେ ୭.୫ ଜିପିଏ ସହ ଦଶମ ପାସ୍ କରିଥିଲେ। ୧୧ ବର୍ଷ ବୟସରେ ଅଗସ୍ତ୍ୟ ଜୈସୱାଲ ମଧ୍ୟ ପ୍ରଥମ ଛାତ୍ର ଯିଏକି ୬୩% ରଖି ଯୁକ୍ତ ଦୁଇ ପାସ୍ କରିବା ସହ ତେଲେଙ୍ଗାନାରେ ରେକର୍ଡ କରିଥିଲେ। ଅଗସ୍ତ୍ୟ ହାଇଦ୍ରାବାଦର ସେଣ୍ଟ ମେରି କଲେଜ ୟୁସୁଫଗୁଡାର ଛାତ୍ର ।
ଅଗସ୍ତ୍ୟ କହିଛନ୍ତି ଯେ ସେ ଏମବିବିଏସ୍ କରି ଡାକ୍ତର ହେବାକୁ ଚାହୁଁଛନ୍ତି। ତାଙ୍କ ମା ଭାଗୀଲକ୍ଷ୍ମୀ କୁହନ୍ତି ଯେ ଆମେ ତାଙ୍କୁ ସବୁବେଳେ ତାକୁ କହୁ ଯାହା ପଢୁଛୁ ସେହି ବିଷୟକୁ ସମ୍ପୁର୍ଣ୍ଣ ବୁଝିବା ସହ ନିଜ ଭାଷାରେ ତାହାକୁ ରୁପାନ୍ତରିତ କରିବା ପାଇଁ କହୁ, ଯାହା ଦ୍ବାରା ବିଷୟକୁ ବୁଝିବାରେ କୌଣସି ଅସୁବିଧା ହେବ ନାହିଁ। ଅଗସ୍ତ୍ୟ ଆମକୁ ସବୁବେଳେ ପ୍ରଶ୍ନ ପଚାରନ୍ତି ଏବଂ ଆମେ ସେମାନଙ୍କୁ ପ୍ରାକ୍ଟିକାଲ୍ ଉତ୍ତର ଦେଉ । ଆମେ ତାକୁ ହସ୍ତଲିଖନ ଏବଂ ସ୍ମୃତି ଅଭ୍ୟାସରେ ମଧ୍ୟ ତାଲିମ ଦେଇଥିଲୁ, ତାହା ମଧ୍ୟ ଏକ ଖୋଲା ପରିବେଶରେ । ଭାଷା ଏବଂ ମୌଳିକ ଗଣିତ ଯାହାକୁ ଆମେ ଏକ ପଦ୍ଧତିଗତ ଉପାୟରେ ଅଗସ୍ତ୍ୟକୁ ତାଲିମ ଦେଇଛୁ ବୋଲି ତାଙ୍କ ମା କହିଛନ୍ତି।