ବୌଦ୍ଧ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଧରିତ୍ରୀ ଆବା ଜନଜାତୀୟ ଗ୍ରାମୀଣ ଉତକର୍ଷ ଯୋଜନା ସମ୍ବନ୍ଧରେ ଏକ ମନ୍ଥନ ଶିବିର ଅନୁଷ୍ଠିତ
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ, ୨୧/୧୨ : ସନ୍ଧ୍ୟା ୫ ଘଣ୍ଟିିକା ସମୟରେ ଆଜି ଜିଲ୍ଲାପାଳଙ୍କ ସଦ୍ଭାବନା ସଭା ଗୃହରେ ଜିଲ୍ଲାପାଳ ଶ୍ରୀଯୁକ୍ତ ସୁବ୍ରତ ପଣ୍ଡା, ବୌଦ୍ଧଙ୍କ ଅଧ୍ୟକ୍ଷତାରେ ଧରିତ୍ରୀ ଆବା ଜନଜାତୀୟ ଗ୍ରାମୀଣ ଉତକର୍ଷ (DA-JGUA) ଯୋଜନା ସମ୍ବନ୍ଧରେ ଏକ ମନ୍ଥନ ଶିବିର ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ନିର୍ବାହୀ ଅଧିକାରୀ ଜିଲ୍ଲା ପରିଷଦ ଶ୍ରୀଯୁକ୍ତ ଅନିରୁଦ୍ଧ ପ୍ରଧାନ,ଉପ ଜିଲ୍ଲାପାଳ ଶ୍ରୀଯୁକ୍ତ ପ୍ରଭାସ ଚନ୍ଦ୍ର ଦଣ୍ଡସେନା, ଜିଲ୍ଲା ମଙ୍ଗଳ ଅଧିକାରୀ ଶ୍ରୀଯୁକ୍ତ ସୂର୍ଯ୍ୟ ନାରାୟଣ ବେହେରା ସହିତ, ସମସ୍ତ ଜିଲ୍ଲା ସ୍ତରୀୟ ଅଧିକାରୀମାନେ ଉପସ୍ଥିତ ଥିଲେ । ଏହି ମନ୍ଥନ ଶିବିରରେ UNDP ରୁ ଆସିଥିବା ଅଧିକାରୀ ଶ୍ରୀଯୁକ୍ତ ସତ୍ୟଜିତ ମହାପାତ୍ର ଓ ଶ୍ରୀଯୁକ୍ତ ତାପସ କୁମାର ପାତ୍ର ଅଧ୍ୟକ୍ଷତାରେ ଧରିତ୍ରୀ ଆବା ଜନଜାତୀୟ ଗ୍ରାମୀଣ ଉତକର୍ଷ ଯୋଜନା ବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ବୌଦ୍ଧ ଜିଲ୍ଲାର ତିନିଗୋଟି ବ୍ଲକରେ ସମୁଦାୟ ହ୭ଟି ଆଦିବାସୀ ବହୁଳ ଗ୍ରାମକୁ ସେଥି ମଧ୍ୟରୁ ବୌଦ୍ଧ ବ୍ଲକର ଟିକରପଡ଼ା, ହରଭଙ୍ଗା ବ୍ଲକର ଟିକରପଡ଼ା , ହରଭଙ୍ଗା ବ୍ଲକର ଲାଣ୍ଡିବନ୍ଧ, ମାଧପୁର, କଣ୍ଟାମାଳ ବ୍ଲକର ନୂଆପାଲି, ସିଲେଇମାଲ, ଦେଢେନମାଲ, ଗୋଚ୍ଛାଗୋରା ଗ୍ରାମ (DA-JGUA) ଯୋଜନାରେ ଅନ୍ତଭୁକ୍ତ ହୋଇଅଛି । ଆର୍ଥିକ ବର୍ଷ ୨୦୨୪-୨୫ରୁ ୨୦୨୮-୨୯ ଏହି ଗ୍ରାମ ଗୁଡିକର ୧୩ ବିଭାଗ ତରଫରୁ ବିିଭିନ୍ନ ଯୋଜନା ଅନ୍ତଭୁକ୍ତ କରାଯିବ ଏବଂ ଏହି ସମୟ ସୀମା ମଧ୍ୟରେ ଉକ୍ତ କାମ ଗୁଡ଼ିକ ସମ୍ପୁର୍ଣ୍ଣ କରାଯିବା ଲକ୍ଷ୍ୟ ଧାର୍ଯ୍ୟ ହୋଇଅଛି । ସର୍ବଶେଷରେ ଜିଲ୍ଲା ମଙ୍ଗଳ ଅଧିକାରୀ ଧନ୍ୟବାଦ ଅର୍ପଣ କରିଥିଲେ ।
