କଟକ ମହାନଦୀ ମୁଣ୍ଡଳୀ ବ୍ୟାରେଜରୁ ଡେଇଁ ଯୁବକ ନିଖୋଜ, କାରଣ ଅସ୍ପଷ୍ଟ
October 28
16:18
2021
କଟକ,୨୮/୧୦: ମହାନଦୀ ମୁଣ୍ଡଳୀ ବ୍ୟାରେଜରୁ ଡେଇଁ ଜଣେ ନିଖୋଜ ହୋଇଛନ୍ତି । ନିଖୋଜ ବ୍ୟକ୍ତିଙ୍କର କୌଣସି ପତ୍ତା ମିଳିନାହିଁ ।
ତେବେ ବ୍ରିଜ୍ ଉପରେ ତାଙ୍କ ସ୍କୁଟି ଓ ମୋବାଇଲ୍ ରହିଛି । ନିଖୋଜ ବ୍ୟକ୍ତି ଜଣଙ୍କ ଭୁବନେଶ୍ବରର ବୋଲି ସୂଚନା ମିଳିଛି ।
ସୂଚନାଯୋଗ୍ୟ ଯେ, ମହାନଦୀ ମୁଣ୍ଡଳୀ ବ୍ୟାରେଜ ଉପରେ ଗାଡି ଓ ମୋବାଇଲ ରଖି ଜଣେ ବ୍ୟକ୍ତି ପାଣି ଭିତରକୁ ଡେଇଁପଡିଛନ୍ତି । ଏ ନେଇ ଖବର ପାଇ ଅଗ୍ନିଶମବାହିନୀ ଓ ପୋଲିସ ଘଟଣାସ୍ଥଳରେ ପହଞ୍ଚିଛି ।
ନିଖୋଜ ବ୍ୟକ୍ତିଙ୍କୁ ଖୋଜାଖୋଜି ଜାରି ରଖିଥିଲେ ମଧ୍ୟ ଏ ପର୍ଯ୍ୟନ୍ତ ତାଙ୍କର କୌଣସି ପତ୍ତା ମିଳିନାହିଁ ।
ତେବେ ସେ କେଉଁ କାରଣରୁ ପାଣିକୁ ଡେଇଁଛନ୍ତି ସେ ସମ୍ପର୍କରେ ମଧ୍ୟ କୌଣସି ପତ୍ତା ମିଳିପାରିନାହିଁ । ଏହା ପଛରେ ପାରିବାରିକ କଳହ କିମ୍ବା ଅନ୍ୟ କେଉଁ କାରଣ ରହିଛି ତାହାର ମଧ୍ୟ ସ୍ପଷ୍ଟ ତଥ୍ୟ ମିଳିପାରିନାହିଁ ।
