ପଲସାଗୋରା ଧାନ କ୍ରୟ କେନ୍ଦ୍ର ପରିଦର୍ଶନ କଲେ ଜିଲ୍ଲାପାଳ ଓ ବରିଷ୍ଠ ଅଧିକାରୀ
February 18
17:04
2025
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ, ୧୮/୨ : ସୋମବାର ଅପରାହ୍ନ ଘ.୨.୩୦ ମିନିଟ ସମୟରେ କଣ୍ଟାମାଳ ବ୍ଲକ୍ ପଲସାଗୋରା ମାର୍କେଟ ୟାର୍ଡ ଠାରେ ହୋଇଥିବା ସରକାରୀ ଧାନ କ୍ରୟ କେନ୍ଦ୍ର ପରିଦର୍ଶନ କରିଛନ୍ତି ଜିଲ୍ଲାପାଳ ସୁବ୍ରତ କୁମାର ପଣ୍ଡା ।
ଆଜି ଜିଲ୍ଲାପାଳ କଣ୍ଟାମାଳ ବ୍ଲକ୍ କାର୍ଯ୍ୟାଳୟକୁ ଜନଶୁଣାଣୀ ଶିବିରକୁ ଯାଇଥିବା ଅବସରରେ ପଲସାଗୋରା ଧାନ କ୍ରୟ ମଣ୍ଡି ପରିଦର୍ଶନ କରି ଧାନ କ୍ରୟ ବ୍ୟବସ୍ଥାର ପରିଦର୍ଶନ କରିଥିଲେ ।
ଉକ୍ତ ପରିଦର୍ଶନ ସମୟରେ ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପ୍ରଧାନ, ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ପ୍ରଭାସ ଚନ୍ଦ୍ର ଦଣ୍ଡସନା, ଉପ ଜିଲ୍ଲାପାଳ ପ୍ରବୀଣ କୁମାର ବାଣୁଆ, ସମବାୟ ସମିତି ସମୂହର ଉପ ନିବନ୍ଧକ ହାଡ଼ିବନ୍ଧୁ ମହାଖୁଡ, ଜିଲ୍ଲା ଯୋଗାଣ ଅଧିକାରୀ ଶ୍ରୀନାଥ ହାଁସଦା ପ୍ରମୁଖ ସାମିଲ୍ ଥିଲେ ।
