Indus Valley Times

ଶର୍ମିଷ୍ଠାଙ୍କ ଠାରୁ ୧୦ ହଜାର ଟଙ୍କା ଦାବି କରୁଥିଲେ ମାନସ, କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟାକାଣ୍ଡରେ ନୂଆ ତଥ୍ୟ ଦେଲା କ୍ରାଇମବ୍ରାଞ୍ଚ

 Breaking News

ଶର୍ମିଷ୍ଠାଙ୍କ ଠାରୁ ୧୦ ହଜାର ଟଙ୍କା ଦାବି କରୁଥିଲେ ମାନସ, କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟାକାଣ୍ଡରେ ନୂଆ ତଥ୍ୟ ଦେଲା କ୍ରାଇମବ୍ରାଞ୍ଚ

ଶର୍ମିଷ୍ଠାଙ୍କ ଠାରୁ ୧୦ ହଜାର ଟଙ୍କା ଦାବି କରୁଥିଲେ ମାନସ, କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟାକାଣ୍ଡରେ ନୂଆ ତଥ୍ୟ ଦେଲା କ୍ରାଇମବ୍ରାଞ୍ଚ
April 06
20:56 2022

ଭୁବନେଶ୍ୱର, ୬/୪: କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟା ମାମଲାରେ ଆଭିଯୁକ୍ତଙ୍କୁ ଘନଘନ ଜେରା କରୁଛି କ୍ରାଇମବ୍ରାଞ୍ଚ। ଜେରା ବେଳେ ହତ୍ୟା ମାମଲାରେ ନୂଆ ତଥ୍ୟ କ୍ରାଇମ୍ବ୍ରାଞ୍ଚ ହାତରେ ଲାଗିଛି । ମାନସକୁ ଶର୍ମିଷ୍ଠା ଓ ନିରଞ୍ଜନ ପୂର୍ବରୁ ମଧ୍ୟ ଥରେ ମାଡ଼ ମାରିଥିବା ଜେରା ବେଳେ ଜଣାପଡ଼ିଛି ।
ଜାନୁଆରୀ ୧୦ ପରଠାରୁ ମାନସ ଦୟାଲ ଆଶ୍ରମରେ ରହୁଥିଲେ । ଜାନୁଆରୀ ୩୦ ତାରିଖରେ ଶର୍ମିଷ୍ଠା ଏବଂ ନିରଞ୍ଜନ ମାନସଙ୍କ ସଂପୂର୍ଣ୍ଣ ଅଫିସ୍କୁ ଡକାଇଥିଲେ । ସେଠାରେ ଉଭୟ ତାଙ୍କୁ ଚିପ୍ ମାଗିବା ସହ ମାଡ଼ ମାରିଥିଲେ । ଅଫିସ୍ ଭିତରେ ମାଡ଼ ମାରି ତାଙ୍କୁ ଦୟାଲ୍ ଅଶ୍ରମକୁ ନେଇଥିଲେ ।
ଦୟାଲ ଆଶ୍ରମରେ ମାନସଙ୍କ ଠାରୁ ତାଙ୍କ କ୍ୟାମେରା ସେମାନେ ଛଡ଼ାଇ ଆଣିଥିଲେ । ଘଟଣା ପରଦିନ ଠାରୁ ମାନସ ଦୟାଲ ଆଶ୍ରମ ଛାଡ଼ି ଅନ୍ୟତ୍ର ରହିଥିଲେ ।
ଭୁବନେଶ୍ୱରରେ ରହି ସେ ଶର୍ମିଷ୍ଠାଙ୍କ ଠାରୁ ୧୦ ହଜାର ଟଙ୍କା ଏବଂ କ୍ୟାମେରା ଦାବି କରିଥିଲେ । ପରେ ୫ ତାରିଖରେ ମାନସ ଚାନ୍ଦବାଲି ଯାଇଥିବା ବେଳେ ତାଙ୍କୁ ସେମାନେ ଅପହରଣ କରିଥିବା କହିଛି କ୍ରାଇମ୍ବ୍ରାଞ୍ଚ ।
ତଦନ୍ତ ଅନୁସାରେ ଶେଷ ପର‌୍ୟ୍ୟନ୍ତ ମାନସଙ୍କ ପାଖରେ ଚିପ୍ ରହିଥିଲା ବୋଲି ଜେରା ବେଳେ ତଥ୍ୟ ଆଦାୟ କରିଛି କ୍ରାଇମବ୍ରାଞ୍ଚ।
ସୂଚନାଯୋଗ୍ୟ ଯେ କ୍ୟାମେରାମ୍ୟାନ ମାନସ ସ୍ୱାଇଁ ହତ୍ୟା ଘଟଣାରେ ପ୍ରଥମ ରିମାଣ୍ଡ ଅବଧି ସରିବା ପରେ କ୍ରାଇମବ୍ରାଞ୍ଚକୁ ପୁଣି ୩ ଦିନର ରିମାଣ୍ଡ ଅନୁମତି ଦେଇଥିଲେ କୋର୍ଟ । ପୂର୍ବରୁ ନିରଞ୍ଜନ, ରଞ୍ଜନ, ଝୁନା ଓ ଶର୍ମିଷ୍ଠାଙ୍କୁ ୧୦ ଦିନ ରିମାଣ୍ଡରେ ନେବା ପାଇଁ ଅନୁମତି ମାଗିଥିଲେ ।
କିନ୍ତୁ ୫ ଦିନ ରିମାଣ୍ଡ ଅନୁମତି ମିଳିଥିଲା । ରିମାଣ୍ଡ ଅବଧି ସରିବା ପରେ ସେମାନଙ୍କୁ ଚାନ୍ଦବାଲି ହଜ୍ଞଲମଙ୍କ ନିକଟରେ ହାଜର କରିଥିଲା କ୍ରାଇମ୍ବ୍ରାଞ୍ଚ ।
କାଗଜପତ୍ର ଓ ରିମାଣ୍ଡ ଆବେଦନ ପ୍ରକ୍ରିୟା ପରେ ସେହି ଦିନ ପ୍ରାୟ ୩ ଟା ୩୦ ମିନିଟ ପରେ ପରେ ମାନ୍ୟବର ବିଚାରପତିଙ୍କ ନିକଟରେ ରିମାଣ୍ଡ ପାଇଁ ଆବେଦନ କରିଥିଲା ବିଭାଗ ।
ତେବେ କ୍ରାଇମବ୍ରାଞ୍ଚ ପୁଣି ତଦନ୍ତର ଆବଶ୍ୟକତା ନେଇ ଯୁକ୍ତି ରଖି ପୁଣି ୪ ଜଣଙ୍କୁ ୫ ଦିନର ରିମାଣ୍ଡ ଅନୁମତି ମାଗିଥିଲା । ମାତ୍ର ପ୍ରତିପକ୍ଷ ଓକିଲଙ୍କ ଯୁକ୍ତି ପରେ ମାନ୍ୟବର ବିଚାରପତି ଶର୍ମିଷ୍ଠା ଓ ଝୁନାଙ୍କୁ ପୁଣି ୩ଦିନ ପାଇଁ ରିମାଣ୍ଡରେ ନେବା ପାଇଁ ଅନୁମତି ଦେଇଥିଲେ ।
କେତେକ ସର୍ତ୍ତ ଆଧାରରେ ଆସନ୍ତା ୭ ତାରିଖ ଦିନ ୧ ସୁଦ୍ଧା କୋର୍ଟରେ ହାଜର ପାଇଁ ଅନୁମତି ଦେଇଥିଲେ । ତେବେ ଆସନ୍ତାକାଲି ଦ୍ୱିତୀୟ ରିମାଣ୍ଡ ସରୁଥିବା ବେଳେ ବର୍ତ୍ତମାନ ଦୁଇ ଅଭିଯୁକ୍ତଙ୍କୁ ଜେରା ଜାରି ରଖିଛି କ୍ରାଇମବ୍ରାଞ୍ଚ ।

About Author

indadmin

indadmin

Related Articles

Archives

Calendar

July 2024
M T W T F S S
1234567
891011121314
15161718192021
22232425262728
293031