ବାଲେଶ୍ୱର: ଓଡ଼ିଶା ସମ୍ବାଦିକ ୟୁନିୟନ ଦୋହରାଇଲା ପେନ୍ସନ, ପ୍ରୋଟେକ୍ସନ ଓ ଅଧିସ୍ୱୀକୃତି ଦାବି
By Sudam Patra
ବାଲେଶ୍ୱର,୪/୯: ଓଡ଼ିଶା ସମ୍ବାଦିକ ସଂଘ ପେନ୍ସନ, ସୁରକ୍ଷା ଆଇନ୍ ବା ପ୍ରୋଟେକ୍ସନ ଓ ଅଧିସ୍ୱିକୃତି ବା ଆକ୍ରେଡିଟେସନ ନେଇ ଯେଉଁ ଦାବି ଉତ୍ଥାପିତ କରିଆସୁଛି, ତାହା ଯଥାର୍ଥ । ଏହି ଦାବିଗୁଡ଼ିକ ରାଜ୍ୟ ସରକାରଙ୍କ ନିକଟରେ ପ୍ରଭାବୀ ଢଙ୍ଗରେ ଉପସ୍ଥାପିତ କରାଯିବ । ଏହି ଦାବିଗୁଡ଼ିକ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସଦୟ ବିଚାର କରିବା ପାଇଁ ସେ ସବିନୟ ଅନୁରୋଧ କରିବେ ବୋଲି ସରକାରୀ ଦଳ ଉପମୂଖ୍ୟ ସଚେତକ ଗୋବିନ୍ଦ ଚନ୍ଦ୍ର ଦାସ ରବିବାର ଦିନ କହିଛନ୍ତି ।
ବାଲେଶ୍ୱରର ଚାନ୍ଦିପୁର ଠାରେ ଅନୁଷ୍ଠିତ ଓଡ଼ିଶା ସମ୍ବାଦିକ ସଂଘ (ଓୟୁଜେ)ର ରାଜ୍ୟ କାର୍ଯ୍ୟକାରିଣୀ ବୈଠକରେ ଉଦ୍ବୋଧନ ଦେଇ ଶ୍ରୀ ଦାସ କହିଲେ ଯେ ସେ ସାମ୍ବାଦିକମାନଙ୍କ କଥା ମୁଖ୍ୟମନ୍ତ୍ରୀ ଶ୍ରୀ ମାଝୀଙ୍କ ବ୍ୟତୀତ ରାଜ୍ୟ ବିଜେପି ସଭାପତି ମନମୋହନ ସାମଲଙ୍କ ନିକଟରେ ମଧ୍ୟ ସାମ୍ବାଦିକମାନଙ୍କ ସମସ୍ୟା ନେଇ ଆଲୋଚନା କରିବେ ଏବଂ ଏ ନେଇ ଦଳ ଯେଉଁ ନିର୍ବାଚନ ପୂର୍ବ ପ୍ରତିଶ୍ରୁତି ଦେଇଥିଲା, ତାହା ସେ ମନେପକାଇଦେବେ ।
ଓୟୁଜେ ସଭାପତି ପ୍ରସନ୍ନ ମହାନ୍ତିଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ଯୋଗଦେଇ ସିମୁଳିଆ ବିଧାୟକ ତଥା ବାଲେଶ୍ୱର ଜିଲ୍ଲା ବୋର୍ଡ ସଭାପତି ପଦ୍ମଲୋଚନ ପଣ୍ଡା ସାମ୍ବାଦିକମାନଙ୍କର ପେନ୍ସନ, ପ୍ରୋଟେକ୍ସନ ଓ ଆକ୍ରେଡିସନ୍ ଦାବି ରାଜ୍ୟ ସରକାରଙ୍କ ନିକଟରେ ଉପସ୍ଥାପିତ କରିବେ ବୋଲି ରବିବାର ଦିନ ଘୋଷଣା କରିଥିଲେ ।
ବାଲେଶ୍ୱର ସଦର ବିଧାୟକ ମାନସ ଦତ୍ତତାଙ୍କ ଅଭିଭାଷଣରେ ସମ୍ବାଦିକମାନଙ୍କର ଦାବି ପ୍ରତି ନିଜର ସମର୍ଥନ ଜଣାଇବା ସହିତ ମିଡିଆ ଏବେ ମଧ୍ୟ ଲୋକମାନଙ୍କର ଅଶା ଓ ଆସ୍ଥାର ପ୍ରତୀକ ବୋଲି କହିଥିଲେ । ରାଜ୍ୟ ସରକାରଙ୍କ ନିକଟରେ ଓୟୁଜେର ଦାବି ସେ ଉପସ୍ଥାପିତ କରିବେ ବୋଲି ସେ କହିଥିଲେ ।
ଓଡ଼ିଶା ସମ୍ବାଦିକ ସଂଘର ସଭାପତି ସଙ୍ଗଠନ ପେନ୍ସନ, ଆକ୍ରେଡିସନ୍ ଓ ସାମ୍ବାଦିକମାନଙ୍କର ପ୍ରୋଟେକ୍ସନ ଦାବିଗୁଡ଼ିକ ପ୍ରତି ସରକାର ଦୃଷ୍ଟିଦେବାକୁ ଅତିଥିମାନଙ୍କୁ ଅନୁରୋଧ କରିଦେଲେ ।
ଯୁବ ସମାଜସେବୀ ସଂଗ୍ରାମ କୁମାର ଦାସ ଓୟୁଜେ ସମ୍ବାଦିକମାନଙ୍କର ପ୍ରତି ଏକ ସମର୍ପିତ ସଙ୍ଗଠନ ବୋଲି କହିଥିଲେ ।
ପୂର୍ବତନ ବିଜେପିର ଜିଲ୍ଲା ସଭାପତି ଉମାକାନ୍ତ ମହାପାତ୍ର ସମ୍ବାଦିକମାନଙ୍କ ଦାବି ପ୍ରତି ନିଜର ସମର୍ଥନ ଜ୍ଞାପନ କରିବା ସହିତ ଏହାର ପୂରଣ ଦିଗରେ ସେ କାର୍ଯ୍ୟ କରିବେ ବୋଲି ପ୍ରତିଶ୍ରୁତି ଦେଇଥିଲେ ।
ଓୟୁଜେ ସମ୍ପାଦକ କିଶନ ରାଉତ ରାଜ୍ୟ ସରକାର ଅନେକ ପ୍ରତିଶ୍ରୁତି ଏ ପର୍ଯ୍ୟନ୍ତ ପାଳନ ହୋଇନାହିଁ ବୋଲି କହିବା ସହିତ ସରକାର ଏ ଦିଗରେ ତୁରନ୍ତ ଦୃଷ୍ଟି ଦେବାକୁ କହିଥିଲେ ।
ଓୟୁଜେ ବାଲେଶ୍ୱର ଜିଲ୍ଲା ସଭାପତି ଗଙ୍ଗାଧର ରାଉତ କହିଲେ ଯେ ଓଡ଼ିଶା ସାମ୍ବାଦିକ ସଙ୍ଗଠନ ଏକ ସକ୍ରିୟ ଅନୁଷ୍ଠାନ ଯାହା କି ସର୍ବଦ ସମ୍ବାଦିକମାନଙ୍କର ସୁଖଦୁଃଖରେ ଛିଡା ହୋଇଥାଏ ।
ଏହି ଉତ୍ସବରେ ବିଶିଷ୍ଠ ସାମଜସେବୀ ବିକେକାନନ୍ଦ ଦାସ, ବରିଷ୍ଠ ସମ୍ବାଦିକ ରାମ ନାରାୟଣ ଶତପଥୀ, ଶିଶିର କୁମାର ଦାସ ଓ ଉମାଶଙ୍କର ରାଉତ ପ୍ରମୂଖ ଉଦ୍ବୋଧନ ଦେଇଥିଲେ । ଓୟୁଜେର ବରିଷ୍ଠ କର୍ମକର୍ତ୍ତା ପରୀକ୍ଷିତ ବିଶ୍ୱାଳ, କମ୍ଭୁପାଣି ମିଶ୍ର, ସନ୍ତୋଷ ସିଂହଦେଓ, ଅଭୟ ପତି, ଦେବ ପ୍ରସାଦ ଦାଶ, ଅମୂଲ୍ୟ ସ୍ୱାଇଁ ଓ ପ୍ରମୋଦ ସାମନ୍ତାରୟ ପ୍ରମୂଖ ଏହି ଅବସରରେ ଯୋଗଦେଇଥିଲେ ।
