ଆଉ ଗୋଟେ ଦିନ ବଢ଼ିଲା ବାଲି ଯାତ୍ରା ଅବଧି
November 15
15:55
2022
ଭୁବନେଶ୍ୱର, ୧୫/୧୧: ଆଉ ଗୋଟିଏ ଦିନ ବଢ଼ିଲା ବାଲି ଯାତ୍ରା ଅବଧି । ୧୬ରେ ସରିବା ବଦଳରେ ୧୭ଯାଏଁ ଚାଲିବ କଟକ ବାଲି ଯାତ୍ରା । ଏନେଇ କଟକ ଜିଲ୍ଲାପାଳ ସୂଚନା ଦେଇଛନ୍ତି । କରୋନା ମହାମାରୀ ପାଇଁ ୨ବର୍ଷ ପରେ ବାଲି ଯାତ୍ରା ଅନୁଷ୍ଟିତ ହୋଇଥିବାରୁ ଲୋକଙ୍କ ଭିତରେ ଉତ୍ସାହ ପ୍ରବଳ ରହିଛି । ପ୍ରତିଦିନ ଜନସମୁଦ୍ର ପାଲଟୁଥିବା କଟକ ମହାନଦୀ ପଠାରେ ଐତିହାସିକ ବାଲିଯାତ୍ରା ।
ଜମୁଛି ବିକ୍ରିବଟା ଓ ଖାଦ୍ୟପେୟର ଆସର । ବାଲିଯାତ୍ରା ବୁଲାରେ ନୂଆ ଅନୁଭୂତି ଭରିଛି କଟକ-ଇନ୍-କଟକ କରିଡର । ଲେଜର ସୋ ପାଲଟିଛି ବିଶେଷ ଆକର୍ଷଣ। ପ୍ରତିଦିନ ଏହି ବାଲିଯାତ୍ରା ଦେଖିବାକୁ ଖଚାଖଚ୍ ଭିଡ଼ ହେଉଛି। ଏହି ଯାତ୍ରାର ଅବଧି ଆଉ ଗୋଟିଏ ଦିନ ବଢ଼ିବା ପରେ ବାଲିଯାତ୍ରାପ୍ରେମୀଙ୍କ ମଧ୍ୟରେ ଆନନ୍ଦ ପ୍ରକାଶ ପାଇଛି।
