ବିଜ୍ଞପ୍ତି ପ୍ରକାଶ ପାଇଲା ପୌର ଅଧ୍ୟକ୍ଷ ପଦବି, ବୌଦ୍ଧଗଡ ଏନଏସି ଅଧ୍ୟକ୍ଷ ପଦବି ଅସଂରକ୍ଷିତ ବର୍ଗଙ୍କ ପାଇଁ ସଂରକ୍ଷିତ
![ବିଜ୍ଞପ୍ତି ପ୍ରକାଶ ପାଇଲା ପୌର ଅଧ୍ୟକ୍ଷ ପଦବି, ବୌଦ୍ଧଗଡ ଏନଏସି ଅଧ୍ୟକ୍ଷ ପଦବି ଅସଂରକ୍ଷିତ ବର୍ଗଙ୍କ ପାଇଁ ସଂରକ୍ଷିତ](http://indusvalleytimes.com/news/wp-content/uploads/2019/10/vote-680x365_c.png)
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ,୧୬/୧: ବୌଦ୍ଧଗଡ ଏନଏସି ଅଧ୍ୟକ୍ଷ ପଦବି ଅସଂରକ୍ଷିତ ବର୍ଗଙ୍କ ପାଇଁ ସଂରକ୍ଷିତ ହୋଇଥିବା ଜଣାପଡିଛି । ଶନିବାରି ଏନେଇ ବିଜ୍ଞପ୍ତି ପ୍ରକାଶ ପାଇବା ପରେ ବିଭିନ୍ନ ରାଜନୈତିକ ଦଳ ମଧ୍ୟରେ ତପ୍ତରତା ଦେଖାଦେଇଛି । କେଉଁ ଦଳରୁ କିଏ ନେତା ଅଧ୍ୟକ୍ଷ ପାଇଁ ପ୍ରାର୍ଥୀ ହେବାର ସମ୍ଭାବନା ରହିଛି ତାକୁ ନେଇ ନେତା ଠୁ ଆରମ୍ଭ କରି କର୍ମୀ ପର୍ଯ୍ୟନ୍ତ ଚର୍ଚ୍ଚା ଆରମ୍ଭ ହୋଇଯାଇଛି ।
ଦୀର୍ଘ ଦିନ ହେବ ଦଳରେ ପଡି ରହିଥିବା ନେତାମାନେ ଏଥର ସେମାନଙ୍କ ସମ୍ଭାବନା ଥିବା ନେଇ ଦଳ ମଧ୍ୟରେ ଆଲୋଚନା ହେଉଛି । ବୌଦ୍ଧଗଡ ବିଜ୍ଞାପିତ ଅଂଚଳ ପରିଷଦ ୧୭ ଟି ୱାର୍ଡକୁ ନେଇ ଗଠିତ ଥିବା ବେଳେ ଗତ ଥର ଅଧ୍ୟକ୍ଷ ଆସନଟି ମହିଳାଙ୍କ ପାଇଁ ସଂରକ୍ଷିତ ଥିବା ବେଳେ ବିଜୁ ଜନତା ଦଳ ଅଧ୍ୟକ୍ଷା ଆସନ ହାତେଇବାରେ ସଫଳ ହୋଇଥିଲା ।
ବୌଦ୍ଧ ୨ ଓ ୩ ନମ୍ବର ଜିଲ୍ଲା ପରିଷଦ ଜୋନ;ମତଦାନ କରିବେ ୭୨ ହଜାର ୫୫୧ ଭୋଟର
ବୌଦ୍ଧ,୧୬/୧: ତ୍ରିସ୍ତରୀୟ ପଂଚାୟତ ନିର୍ବାଚନ ତାରିଖ ଘୋଷଣା ହେବା ପରେ ବୌଦ୍ଧଜିଲ୍ଲାରେ ରାଜନୈତିକ ମହଲରେ ଚଳଚଂଚଳ ଦେଖିବାକୁ ମିଳିଛି । ଆଶାୟୀ ପ୍ରାର୍ଥୀମାନେ ଟିକଟ ପାଇବା ପାଇଁ ଲବି ଆରମ୍ଭ କରିଦେଇଛନ୍ତି । ଜିଲ୍ଲାରେ ଫେବୃଆରୀ ୧୬ ତାରିଖରେ ପ୍ରଥମ ପର୍ଯ୍ୟୟ ନିର୍ବାଚନ ହେବାକୁ ଯାଉଥିବା ବେଳେ ପ୍ରଥମ ପର୍ଯ୍ୟାୟରେ କଣ୍ଟାମାଳ ବ୍ଲକର ୩ଟି ଜିଲ୍ଲା ପରିଷଦ ଜୋନ ୨୪ଟି ପଂଚାୟତର ସରପଂଚ ଓ ସମିତି ସଭ୍ୟ ଏବଂ ୩୩୦ ୱାର୍ଡ ମେମ୍ବର ପଦବି ପାଇଁ ନିର୍ବାଚନ ଅନୁଷ୍ଠିତ ହେବ । କଣ୍ଟାମାଳ ବ୍ଲକର ୨ ନମ୍ବର ଜିଲ୍ଲା ପରିଷଦ ଜୋନ ଅସଂରକ୍ଷିତ ରହିଥିବା ବେଳେ ୩ ଜୋନ ଟି ମହିଳାଙ୍କ ପାଇଁ ସଂରକ୍ଷିତ ରହିଛି ।
୨ ନମ୍ବର ଜୋନରେ ୮ଟି ପଂଚାୟତ ୧୦୭ଟି ୱାର୍ଡ ଓ ୩ ନମ୍ବର ଜୋନରେ ୮ଟି ପଂଚାୟତ ଓ ୧୨୦ଟି ୱାର୍ଡ ରହିଛି । ଗତ ୨୦୧୭ ତ୍ରିସ୍ତରୀୟ ପଂଚାୟତ ନିର୍ବାଚନରେ ଏହି ୨ଟି ଯାକ ଆସନ ବିଜୁ ଜନତା ଦଳ ହାତରେ ଥିଲା ।
୨ ନମ୍ବର ଜିଲ୍ଲା ପରିଷଦ ଜୋନରେ ଭୋଟର ସଂଖ୍ୟା ୩୬୦୮୬ ଅଛି । ଏହି ଜୋନରେ କଣ୍ଟାମାଳ ପଂଚାୟତ, ଖଲିଆପାଲି ପଂଚାୟତ, ଦପଲା ପଂଚାୟତ, ପଲସାଗୋରା ପଂଚାୟତ, ରୁଣ୍ଡିମହୁଲ ପଂଚାୟତ, ରେଙ୍ଗାଲି ପଂଚାୟତ,ସିମିଳପଦର ପଂଚାୟତ ଓ ଲମ୍ବସରୀ ପଂଚାୟତ ରହିଛି । ସେହିପରି ୩ ନମ୍ବର ଜିଲ୍ଲା ପରିଷଦ ଜୋନରେ ଖଟଖଟିଆ ପଂଚାୟତ,ଗୁଡଭେଲିପଦର ପଂଚାୟତ,ଘିକୁଣ୍ଡି ପଂଚାୟତ, ବରଗୋଚ୍ଛା ପଂଚାୟତ, ବିଳାଶପୁର ପଂଚାୟତ, ମନମୁଣ୍ଡା ପଂଚାୟତ, ଯୋଗୀନ୍ଦ୍ରପୁର ପଂଚାୟତ ଓ ସୁଣ୍ଡିପଦର ପଂଚାୟତ ରହିଛି । ୩ ନମ୍ବର ଜୋନରେ ଭୋଟର ସଂଖ୍ୟା ୩୬୪୬୫ ରହିଛି । ୨୦୧୭ ପଂଚାୟତ ନିର୍ବାଚନରେ ୨ ଜୋନରେ ବିଜେପି ଦ୍ୱିତୀୟ ସ୍ଥାନରେ ଥିବା ବେଳେ କଂଗ୍ରେସ ତୃତୀୟ ସ୍ଥାନରେ ଥିଲା ।
ସେହିପରି ୩ ନମ୍ବର ଜିଲ୍ଲା ପରିଷଦ ଜୋନରେ କଂଗ୍ରେସ ଦ୍ୱିତୀୟ ସ୍ଥାନରେ ରହିଥିବା ବେଳେ ବିଜେପି ତୃତୀୟ ସ୍ଥାନରେ ରହିଥିଲା । ଗତ ପଂଚାୟତ ନିର୍ବାଚନରେ କଂଗ୍ରେସ ଦଳ ଖାତା ଖୋଲି ପାରିନଥିବା ବେଳେ କେବଳ ୩ ନମ୍ବର ଜୋନରେ ଦ୍ୱିତୀୟ ସ୍ଥାନରେ ରହିଥିଲା । ୨ ନମ୍ବର ଜିଲ୍ଲା ପରିଷଦ ଜୋନ ପାଇଁ ବିଜ୍ଞପ୍ତି ପ୍ରକାଶ ପାଇବା ପୂର୍ବରୁ ବିଜେଡିର ଏକ ଗୋଷ୍ଠୀର କର୍ମୀ ଓ ନେତାମାନେ ଏକ ହୋଇ ପ୍ରାର୍ଥୀ ବାଛି ଦଳର ଉପରସ୍ଥ ନେତାଙ୍କୁ ଜଣାଇଥିଲେ । ହେଲେ ଦଳ ବର୍ତ୍ତମାନ ଉକ୍ତ ପ୍ରାର୍ଥୀଙ୍କ ନାମ ଉପରେ ମୋହର ମାରିବ ନା ଆଉ କାହାକୁ ପ୍ରାର୍ଥୀ କରିବ ତାହା ଦେଖିବାକୁ ବାକି ରହିଛି । ସେହିପରି ୩ ନମ୍ବର ଜୋନରେ ମଧ୍ୟ ଦଳର ଆଶାୟୀଙ୍କ ସଂଖ୍ୟା ଅଧିକ ରହିଥିବାରୁ ଦଳ କାହାକୁ ପ୍ରାର୍ଥୀ କରିବ ତାହା ଦେଖିବାକୁ ରହିଲା । ବିଜେପି ଉପଯୁକ୍ତ ପ୍ରାର୍ଥୀ ଚୟନରେ ରହିଥିବା ବେଳେ କଂଗ୍ରେସ ପ୍ରାର୍ଥ ଖୋଜା ଚାଲିଛି ।