ବିଲ୍ ପାସ୍ କରାଇବା ପାଇଁ ଲାଞ୍ଚ ନେଲା ବେଳେ ସହକାରୀ ଯନ୍ତ୍ରୀ ଓ ମଧ୍ୟସ୍ଥିଙ୍କୁ ଧରିଲା ଭିଜିଲାନ୍ସ ଟିମ୍
November 09
21:24
2020
ଢେଙ୍କାନାଳ,୯/୧୧: ଭିଜିଲାନ୍ସ ଜାଲରେ ପଡ଼ିଲେ ଜିଲ୍ଲା ଗ୍ରାମ୍ୟ ଉନ୍ନୟନ ବିଭାଗର ସହକାରୀ ଯନ୍ତ୍ରୀ ବିପିନ ଦାସ ଓ ମଧ୍ୟସ୍ଥି ଶକ୍ତି ପ୍ରସାଦ ମହାନ୍ତି। ଗ୍ରାମାଞ୍ଚଳରେ ଏଲଇଡି ବିଲ୍ ପାସ୍ କରାଇବା ପାଇଁ ୧୬,୦୦୦ ଟଙ୍କା ଲାଞ୍ଚ ନେଉଥିବା ବେଳେ ଧରା ପଡ଼ିଛନ୍ତି।
ସୋମବାର ଦିନ ଅପରାହ୍ନରେ ଜିଲ୍ଲା ଗ୍ରାମ୍ୟ ଉନ୍ନୟନ ଅଫିସ ନିକଟକୁ ଜଣେ ମଧ୍ୟସ୍ଥିଙ୍କୁ ପଠାଇ କଣ୍ଟ୍ରାକ୍ଟର ଜଗମୋହନ ପଣ୍ଡାଙ୍କଠାରୁ ଟଙ୍କା ନେଉଥିଲେ। ପୂର୍ବରୁ ପ୍ରସ୍ତୁତ ଥିବା ଭିଜିଲାନ୍ସ ଅଧିକାରୀମାନେ ଉଭୟଙ୍କୁ ଧରି ପକାଇଛନ୍ତି। ସହକାରୀ ଯନ୍ତ୍ରୀ ବିପିନ ଦାସ ଓ ମଧ୍ୟସ୍ଥତା କରୁଥିବା ଶକ୍ତି ପ୍ରସାଦ ମହାନ୍ତିଙ୍କୁ ଭିଜିଲାନ୍ସ ଟିମ୍ ଗିରଫ କରିଛି।
କଟକ ଓ ଢେଙ୍କାନାଳ ଭିଜିଲାନ୍ସ ଟିମ୍ ମିଳିତ ଭାବେ ଚଢାଉରେ ଉଭୟ ଧରାପଡ଼ିଥିବାରେ ସଫଳ ହୋଇଛନ୍ତି। ସହକାରୀ ଯନ୍ତ୍ରୀ ବିପିନ ଦାସ ପୂର୍ବରୁ ଢେଙ୍କାନାଳ ସଦର ବ୍ଲକରେ କନିଷ୍ଠ ଯନ୍ତ୍ରୀ ଥିବା ବେଳେ ଏକ ଲାଞ୍ଚ ମାମଲାରେ ଭିଜିଲାନ୍ସ ସେଲ୍ ଦ୍ଵାରା ଗିରଫ ହୋଇଥିଲା।
-Odisha Reporter
