ରାଜଧାନୀରେ ଭୁବନେଶ୍ୱରରେ ଚାଞ୍ଚଲ୍ୟ, ଘର ଭିତରୁ ପରିବାରର ୩ ଜଣଙ୍କ ମୃତଦେହ ଉଦ୍ଧାର
![ରାଜଧାନୀରେ ଭୁବନେଶ୍ୱରରେ ଚାଞ୍ଚଲ୍ୟ, ଘର ଭିତରୁ ପରିବାରର ୩ ଜଣଙ୍କ ମୃତଦେହ ଉଦ୍ଧାର](http://indusvalleytimes.com/news/wp-content/uploads/2020/06/deadbody-680x365_c.jpg)
April 28
15:27
2022
ଭୁବନେଶ୍ୱର, ୨୮/୪: ରାଜଧାନୀର ଲକ୍ଷ୍ମୀସାଗର ଥାନା ଅନ୍ତର୍ଗତ ଚିନ୍ତାମଣିଶ୍ୱର ଅଞ୍ଚଳରେ ଚାଞ୍ଚଲ୍ୟ। ଏଠାରେ ଏକ ଘର ଭିତରୁ ଗୋଟିଏ ପରିବାରର ୩ ଜଣଙ୍କ ମୃତଦେହ ଉଦ୍ଧାର ହୋଇଛି। ମୃତକମାନଙ୍କ ଭିତରେ ୧୫ ମାସର ଶିଶୁକନ୍ୟା ଥିବା ଜଣାଯାଇଛି।
ଏଥିସହ ଦମ୍ପତିଙ୍କ ଝୁଲନ୍ତା ମୃତଦେହ ବି ଠାବ ହୋଇଛି। ପାରିବାରିକ କଳହରୁ ଏଭଳି ଘଟଣା ଘଟିଥିବା ସନ୍ଦେହ କରାଯାଉଛି।
ମୃତକମାନେ ହେଲେ ତୁଷାର ଜଗତପ, ସୁବିନ୍ୟା ଓ ନୀଲା । ତୁଷାରଙ୍କ ଘର ମହାରାଷ୍ଟ୍ରରେ ବୋଲି ସୂଚନା ରହିଛି। ସେ ଏକ ହୋଟେଲରେ କାମ କରନ୍ତି।
ତାଙ୍କର ଜମିବାଡ଼ି ବିବାଦ ଥିଲା ବୋଲି କୁହାଯାଉଛି। ଖବର ପାଇ ଲକ୍ଷ୍ମୀସାଗର ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି।