ଲକଡାଉନରେ ତାମିଲନାଡୁରୁ ସର୍ବାଧିକ ୨୬୬୯ ଜଣ ପ୍ରବାସୀ ଫେରିଛନ୍ତି ଜିଲ୍ଲାକୁ
ବୈାଦ୍ଧ,୩୦/୭: କରୋନା ମହାମାରୀ ଯୋଗୁଁ ସାରାଦେଶରେ ଗତ ମାର୍ଚ୍ଚ ଶେଷ ସପ୍ତାହରେ ସରକାର ସାରାଦେଶରେ ଲଡ ଡାଉନ ଜାରିକରିଥିଲେ । ଫଳରେ ଜିଲ୍ଲାର ହଜାର ହଜାର ଲୋକ ରାଜ୍ୟ ବାହାରେ ଫସି ରହିଥିଲେ । କାମଧନ୍ଦା ବନ୍ଦ ହୋଇଯିବା ଫଲରେ ସେମାନେ ବାଧ୍ୟ ହୋଇ ନିଜ ନିଜ ଅଞ୍ଚଳକୁ ଫେରିଥିଲେ । ସେଥିପାଇଁ ସରକାର ପଞ୍ଚିକରଣ କରିଥିଲେ । ପଞ୍ଜିକରଣରେ ବୈାଦ୍ଧଜିଲ୍ଲାକୁ ପ୍ରାୟ ୮ରୁ ୧୦ ହଜାର ପ୍ରବାସୀ ଫେରିବା ନେଇ ଜିଲ୍ଲା ପ୍ରଶାସନ ଆକଳନ କରିଥିଲା । ହେଲେ ଶେଷରେ ଆଜି ସୁଦ୍ଧା ଜିଲ୍ଲାକୁ ୪୪୮୦ ଜଣ ପ୍ରବାସୀ ଫେରିଛନ୍ତି । ଏହି ପ୍ରବାସୀମାନଙ୍କ ମଧ୍ୟରୁ ସର୍ବାଧିକ ୨୬୬୯ ଜଣ ପ୍ରବାସୀ ତାମିଲନାଡୁ ରାଜ୍ୟରୁ ଫେରିଥିବା ବେଳେ ସର୍ବନିମ୍ନ ଜଣେ ମାତ୍ର ପ୍ରବାସୀ ସିକିମ ରାଜ୍ୟରୁ ଫେରିଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ସେହିପରି ଉତ୍ତର ପ୍ରଦେଶରୁ ୧୮ ଜଣ, ଉତ୍ତରାଖଣ୍ଡରୁ ୬ ଜଣ,ଛତିଶଗଡରୁ ୧୮ ଜଣ, ଗୁଜୁରାଟରୁ ୪୩୫ ଜଣ, ମହାରାଷ୍ଟ୍ରରୁ ୧୦୦ ଜଣ, ତେଲେଙ୍ଗାନା ୫୩୯ ଜଣ, ଆନ୍ଧ୍ର ପ୍ରଦେଶରୁ ୩୪୫ ଜଣ, ବିହାରରୁ ୩ ଜଣ, ପଶ୍ଚିମବଙ୍ଗରୁ ୧୬ ଜଣ, ମଧ୍ୟ ପ୍ରଦେଶରୁ ୪ ଜଣ, କର୍ଣ୍ଣାଟକ ୧୨୯ ଜଣ, କେରଳରୁ ୫୦ ଜଣ, ଦାମନ ଡୁ ରୁ ୨ ଜଣ, ଗୋଆରୁ ୨୨ ଜଣ, ଜାମ୍ବୁ ଓ କାଶ୍ମୀରରୁ ୨ ଜଣ, ଦିଲ୍ଲୀରୁ ୩ ଜଣ, ଦାଦରା ୩ ଜଣ, ରାଜସ୍ଥାନରୁ ୫ ଜଣ,ହରିଆନାରୁ ୩ ଜଣ ଓ ପୁଡୁଚେରୀରୁ ୮ ଜଣ ପ୍ରବାସୀ ଜିଲ୍ଲାକୁ ଫେରି ବିଭିନ୍ନ କ୍ୱାରେଣ୍ଟାନ ସେଣ୍ଟରରେ ରହି ଅବଧି ଶେଷ ପରେ ଘରକୁ ଫେରିଛନ୍ତି । ଏବେବି ୬୩ ଜଣ ପ୍ରବାସୀ କ୍ୱାରେଣ୍ଟାନରେ ଥିବା ପ୍ରଶାସନ ପକ୍ଷରୁ ସୁଚନା ଦିଆଯାଇଛି ।
-News7
