ସର୍ବଭାରତୀୟ ମାନବାଧିକାର ସଙ୍ଗଠନରେ ଯୋଗଦେଲେ ପାଞ୍ଚ ଜଣ ସଦସ୍ୟ
![ସର୍ବଭାରତୀୟ ମାନବାଧିକାର ସଙ୍ଗଠନରେ ଯୋଗଦେଲେ ପାଞ୍ଚ ଜଣ ସଦସ୍ୟ](http://indusvalleytimes.com/news/wp-content/uploads/2021/09/kmp-680x365_c.jpg)
କିଶୋର ମହାପାତ୍ରଙ୍କ ରିପୋର୍ଟ
ନୟାଗଡ଼, ୨୫/୯ : ସର୍ବଭାରତୀୟ ମାନବାଧିକାର ସଙ୍ଗଠନ ରେ ପାଞ୍ଚ ଜଣ ନୂତନ ସଦସ୍ୟ ଶ୍ରୀମତୀ ହୀରମ୍ୟ ଦାସ, ମହେନ୍ଦ୍ର ବାରିକ, ଡା. କାଜି ଜଉଇଏଫ ଇସଲାମ, ଡା . ପୁନମ ମହାନ୍ତି, ଅମୀତା ପ୍ରିୟଦର୍ଶିନୀ ଯୋଗ ଦେଇଛନ୍ତି। ସେମାନଙ୍କୁ ସଂସ୍ଥା ତରଫରୁ ପରିଚୟପତ୍ର ପ୍ରଦାନ କରାଯିବା ସହ ମାନପତ୍ର ପ୍ରଦାନ କରାଯାଇଥିଲା ଏବଂ ସଂସ୍ଥାର ନିୟମ ସମ୍ପର୍କରେ ଅବଗତ କରାଯାଇଥିଲା।
ଏହି ସଭାରେ ଜିଲ୍ଲା ମୁଖ୍ୟ ଡ. ପ୍ରୀତମ ମହାପାତ୍ର ଖଣ୍ଡପଡ଼ା ଉପଖଣ୍ଡ ମୁଖ୍ୟ ପ୍ରଦିପ୍ତ କିଶୋର ମିଶ୍ରଙ୍କୁ ଜିଲ୍ଲା ମୁଖପାତ୍ର ଭାବେ ଅତିରିକ୍ତ ଦାୟିତ୍ବ ପ୍ରଦାନ କରିଥିଲେ। ଏହି ସଭାରେ ଆଗାମୀ ଗାନ୍ଧୀ ଜୟନ୍ତୀ ଅବସରରେ ମାଗଣା ସ୍ବାସ୍ଥ୍ୟ ସେବା ପରାମର୍ଶ ଶିବିର ଅନୁଷ୍ଠିତ ହେବାପାଇଁ ସ୍ଥିର ହୋଇଥିଲା।
ଏହି ଶିବିରରେ ଆକ୍ୟୁପେସନ ଥେରାପି , ଫିଜିଓ ଥେରାପି , ବାକ ଏବଂ ଶ୍ରବଣ ସମସ୍ୟା, ମାନସିକ, କୃତ୍ରିମ ଅଙ୍ଗ, ସମ୍ବନ୍ଧୀୟ ପରାମର୍ଶ ଅଭିଜ୍ଞ ଚିକିତ୍ସକ ମାନଙ୍କ ଦ୍ଵାରା ମାଗଣେ ରାଜବଗିଚା ସ୍ଥିତ ଜିଲ୍ଲାମୁଖ୍ୟ କାର୍ଯ୍ୟାଳୟ ଠାରେ ଦିଆଯିବା ପାଇଁ ସଂସ୍ଥା ତରଫରୁ ଘୋଷଣା କରାଯାଇଛି।