ସାନ୍ତାଳୀ ସାହିତ୍ୟରେ ଅପୂରଣୀୟ କ୍ଷତି: ଲେଖିକା ମାଳତୀ ମୁର୍ମୁଙ୍କ ପରଲୋକ
ଭୁବନେଶ୍ୱର, ୩୧/୧୨ : ଅଲଚିକି ଲିପି ଏବଂ ସାନ୍ତାଳୀ ଭାଷା ସାହିତ୍ୟର ପ୍ରଚାରକ ମାଳତୀ ମୁର୍ମୁଙ୍କ ପରଲୋକ ଘଟିଛି । ଭୁବନେଶ୍ୱର ୟୁନିଟ୍-୬ ସ୍ଥିତ ସରକାରୀ ବାସଭବନରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୫୧ ବର୍ଷ ବୟସ ହୋଇଥିଲା ।
ମାଳତୀ ମୁର୍ମୁ ମିସନ ଅଲଚିକିର ଦୃଢ଼ ସଂଗଠକ ଥିଲେ । ସାନ୍ତାଳୀ ଏବଂ ଅଲିଚିକି ଲିପିର ପ୍ରଚାର ପ୍ରସାରରେ ସେ ପ୍ରମୁଖ ଭୂମିକା ଗ୍ରହଣ କରିଥିଲେ । ମାଳତୀ ମାସିକ ସାନ୍ତାଳୀ ସମ୍ବାଦ ପତ୍ରିକା ଫାଗୁନର ସମ୍ପାଦିକା ଥିଲେ । ଆଜି ମୟୂରଭଞ୍ଜ ଜିଲ୍ଲା ସ୍ଥିତ ନିଜ ଗ୍ରାମ ଚାନ୍ଦୁଆ ଠାରେ ହେବ ଶେଷ କୃତ୍ୟ କରାଯିବ ବୋଲି ସୂଚନା ରହିଛି ।
ଫାଗୁନ ଓଡ଼ିଶାର ଭୁବନେଶ୍ୱରଠାରୁ ଅଲ ଚିକି ଲିପିରେ ସାନ୍ତାଳୀ ଭାଷାରେ ପ୍ରକାଶିତ ଏକ ମାସିକ ପତ୍ରିକା । ୨୦୦୮ ମସିହାରେ ମାଙ୍ଗାତ୍ ମୁର୍ମୁ ପତ୍ରିକାଟିର ପ୍ରତିଷ୍ଠା କରିଥିଲେ ଏବଂ ମାଳତୀ ମୁର୍ମୁ ଏହାର ସମ୍ପାଦିକା ଥିଲେ । ଏହାର ସମ୍ପାଦନା ନିମନ୍ତେ ମାଳତୀ ମୁର୍ମୁ ୨୦୧୬ରେ ଟେଲିଗ୍ରାଫ ଲେଜେଣ୍ଡ ପୁରସ୍କାର ଲାଭ କରିଥିଲେ ।
ମୁର୍ମୁ ମୟୂରଭଞ୍ଜ ଜିଲ୍ଲାର ଗୟଲକୋଟାସ୍ଥିତ ଚାନ୍ଦୁଆ ଗ୍ରାମରେ ଜନ୍ମଗ୍ରହଣ କରିଥିଲେ । ସେ ୧୯୯୧ ମସିହାରେ ମାଟ୍ରିକ୍ ପାସ୍ କରିଥିଲେ; ସାନ୍ତାଳୀଙ୍କୁ କେବଳ ୨୦୦୩ ମସିହାରେ ସମ୍ବିଧାନର ଅଷ୍ଟମ ସୂଚୀରେ ଯୋଡା ଯାଇଥିଲା, ତେଣୁ ତାଙ୍କର ଶିକ୍ଷା ଓଡ଼ିଆରେ ହୋଇଥିଲା । କିନ୍ତୁ ସେ ଘରେ ସାନ୍ତାଳୀ କହୁଥିଲେ । ମାଳତୀ ମୁର୍ମୁଙ୍କର ତାଙ୍କ ମାଆ ସୁରୁକୁନିଙ୍କ ଠାରୁ ଅଲିଚିକି ଭାଷା ଶିକ୍ଷାଲାଭ କରିଥିଲେ । ଯେତେବେଳେ ମୁର୍ମୁ ସପ୍ତମ ଶ୍ରେଣୀରେ ଥିଲେ, ସେ ସେକା – ସାମାଜିକ, ଶିକ୍ଷାଗତ ଏବଂ ସାଂସ୍କୃତିକ ସଂଘ – ଦ୍ୱାରା ଆୟୋଜିତ ଅଲଚିକି ଶ୍ରେଣୀରେ ଯୋଗ ଦେଇଥିଲେ, ଯାହା ଗୁରୁ ଗୋମକେଙ୍କ ଦ୍ୱାରା ସଭା ଆୟୋଜନ କରିବା ଏବଂ ଅଲଚିକିର ପ୍ରସାର କିପରି କରିବେ ସେ ବିଷୟରେ ସୂଚନା ପାଇବା ପାଇଁ ପ୍ରତିଷ୍ଠିତ ହୋଇଥିଲା।
